ممكن بنات تساعدوني قبل لا يروح علي التسجيل

السلام عليكم ورحمة الله وبركاته ،،،

——————————————————————————–

بنات فديتكم ياليت اللي تعرف ترد لي خبر بسرعة ؟؟؟

سؤالين محيريني ؟

1 . أنا الحين موظفة وكملت رابعة ثانوي مسائي ويبت نسبة 81 أدبي أقدر ادخل الجامعة ولا لا لأن قالولي ان فيه امتحان قدرات احتمال نسبتج تنزل وانا ما ابي اجازف واطلع من دوامي اذا ما راح يقبلوني .؟؟؟؟

2. وانا ودي بتخصص حقوق و اذا كلش تربية << تدلع بعد .. … يعني تعتقدون لو اقبلوني أقدر صج أرفع نسبتي واحول لهتخصصين ولا صعب وبس حجي .

وبس يعطيكم العافية ،،،

السلام عليكم….

الف مبروووك على التخرج
بالنسبة للقبول انتي مقبولة ان شاء الله

اولا انتي ادبي والادبي ما ياثر عليهم القدرات بس يبون النجاح بامتحان الانجليزي عشان ما تاخذين تمهيدي واذا ما نجحتي عادي راح يعطونج تمهيدي انجليزي ومادة وحدة بس اول كورس- و المعدل ما راح يتاثر بس انا انصحج تقدمين قدرات وتنجحين فيه عشان تقدرين تاخذين موااد وتحولين بسرعة.. جذي انتي ان شاء الله مقبولة بس اعتقد بيقبلونج اداب لان التربية السنة اللي طافت اقل شي للادبي 85 والعلوم الاجتماعية 82 والحقوق 86 انا انصحج اذا قبلوج ادااب تحولين التخصص اللي تبينه … ترى التحويل ان شاء الله سهالات
وموفقة

ترى التربية نسبتها مو هينه مو كل من يدخلها
لازم يكون حاب التدريس مو ناقصين بروحنا متأخرين بالتعليم

بعدين شلون مو موحد الحين ؟؟؟؟؟؟؟؟؟؟؟؟

شلون بس كملتي رابعة ؟؟؟

حبيبتي

التربيه ماتقبل اقل شي للأدبي 86

عندك … النظام القديم للحين مستمر للطلاب المتخلفين

مشكورين بنات على الرد .

بالنسبة للنظام الموحد انا اختبرت السنة اللي طافت وكان النظام نفسه القديم وبعدها على طول توظفت بنفس الشهر عشان جذي ما دخلت الجامعة .

والحين جني تحسفت اني ما دخلت الجامعة وماعندي مجال ادخلها الا هالسنة لان طافت مني سنة وبس .