مليتي من قدوم دورة الحلوه وودج تحملين حياج

عسى ربي يرزق كل وحده تبي تحمل بالذريه الصالحة قولو امين

تدرون ياخواتي ان الأيام الي تسبق الدوره من الأيام العصيبه الي تمر فيها كل مره
بسبب النفسية والعصبية والتعب النفسي والجسدي
واكيد هالشي يزيد مع البنات الي ينطرون الحمال ويتأملون شهر بعد شهر
فقلت لييش مااسوي تجمع كل وحده طفشانه وقبلها حجي *وتبي تفضفض تقول الي بخاطرها
والي مضايقها واشلون نتغلب. على الاحساس بوقت الدوره ونتاامل خير*لين نبارك حق بعض
انشاءالله انه ودعناها لمده 9اشهر

وأنا ببدي أول وحده أنا اليوم أول يوم تشرف فيه دورتي وهالشهر بيصير لي8اشهر من زواجي
والي مضايقني 3 اشياء الاولى السؤال الي من أول شهر ينسأل حملتي وله بعد والشي الثاني
ان كل شهر تصير فيني أعراض احس خلاص حامل والكل يلاحظ هالشي وبالاخر بعد النطره. تطلع دوره
وآلشي الثالث التكيس الي فيني الي ماني عارفه اهو صج يأخر الحمل وله لا وشنو اسبابه
ناطره. ردودكم حبايبي نفضفض اهني أحسن مانطلع حرتنا بريايلنا

وآآآآآي جنج تدرييين
من اول ما يتني وانا معصبه على ريلي لوووووول
وحبيبتي اي احد يسالج قولي الله كريم لاحقين عالشقا والسهر والوييق وااااااااق لووووول
وبالنسبه للاعراااض عاااادي اهي الدوره لازم تسويلج اكشن حلو بعدين تنزل وتصدمج لووووووول
وبالنسبه للتكيـس رووحي راااجعي احسسن
انا كنت ارااجع عند دكتورتي وتقولي عااادي يكون الكيس موجود ويصير حمــل
لييييين الشهر اللي طااف نزل علي دم بسبب الكيسسس وكان كيس دم
وطبعاا غيرت الدكتوره وعطتني حبوب منع حمل لمده شهر عشان يرووح ..،
فالنصييحه رااجعي ولا تهملييين

والله يرزقج باللي يفرررح قلبج ..،

!!

هلا حبيبتي ،،، كلنا نمر بأزمه قبل موعد الدوره ونتوتر ونفكر وبسبه كل هذا تتأخر

بس الحمدالله آنا توها يتني الدوره والمفروض تيي عقب باجر ،،، ارتحت حيل

كل مره لما تنزل علي الدوره اشهق وابجي بس وربي هالمره غير لانها تقدمت

استااانست حييل الحمدالله ع كل حااال ،،،

والله يرزقج ويرزقنا بالذريه الصالحه

حبيبتي اجمعين. انشاءالله يفرح قلبج معاي ويرزقج معاي يارب
هذا الي خلاني أكتب الموضوع ادري الأعصاب بهالايام تصير على طريف فقلت اطلعها بشي مفيد عالأقل
ان شأالله براجع عند دكتور ناهض وايد مدحوه وان شأالله خير
وبالنسبة اني ارد على الناس صح كلامج بس بعض المرات نفسيتج ماتتحمل نفس وقت الدوره أو اسبوع
اسبوع التبويض وسبحان الله يتسلطون وقت الي تحاولين تنسين الموضوع وتعيشين حياتج

الحمدالله على كل حال هذا المفروض الي نسويه نحمد ربنا على كل حال مانسوي
المناحه لما نشوفها بس سبحان الله بني ادم مرات الظروف تصير اقوى منه
لازم مانقنط من رحمه الله ونحط في بالنا كل تأخيره فيها خيره
وعسى الله يرزقنا جميعا ونبشر بعض قريب يارب

حبيبتي والله جنج أنا صراحة مأسااااااااااااااة كل شهر يصير فيني نفس الشي وأعراض حمال وترجيع وتطلع دورة واقعد ابجي وافكر اشلون بقول حق ريلي انا صارلي 11 شهر متزوجة بس الحمد الله على كل حال والله يرزقني ويرزقج الذرية الصالحة قولو آآآآآآآآآآآمين

انا الحين علي الدورة

اول 3 ايام ياني اكتئاب حاد

لكن الحمد لله الحين انا احسن

ربنا معانا

و اهو ما يضيع اجر الصابرين

وااي بنات ذكرتونى بالدوره انا تاخرت بالحمل 6 سنوات وكل ماتنزل اموت قهر اقول متى اشوفج بعد 9 شهور وصج عانيت وبعدها صابنى تبلد اذا يت اقول كالعاده موغريب عليج <<هلوست اسولف معاها هههه….بس ياربي لك الحمد من قبل ومن بعد ليله من اليالي كنت رايحه السوق وتمشيت 5 ساعات قلت ابيها تنزل غصب اعرفها تخون فينى وتوهمنى بعدها تنزل رديت البيت وشفت شيء وردي خفيف ..قلت لها هلا …هههه ونمت ومن باجر تفاجات ان الكوتكس نظييييييييييف تكرمون قلت غريبه وينها ….وطول اليوم ولليوم الثانى ماكو شيء واختى تقول ديري بالج يمكن حمل ايه ا شاء الله توهميني …وفعلا بنات صجججج حللت حامل بنوووتى….الله لايحرمكم هاللحظه عيون زوجى غيرررررر احس تغورت بس ماحب يبين لي واحس مادري جنه اول مره يشوفنى من الفرحه لحظه غيرررر …يارب تحسون بهاللحظه ولايحرمكم

وكنت ادعي بالسجود باخر 4 او5 شهور>>>(( ربي لاتذرني فردا وانت خير الوارثين )) واوقات الاجابه …مثل الاذان والاقامه …جوف الليل ….اخر ساعه من يوم الجمعه ….نزول المطر….بعد صلاه الفجر

اكيد بنحس في بعض دام عايشين نفس الظروف سبحان الله احساس الامومة وعسى الله
يرزقنا جميعا ونعيش. الامومة بحق وحقيقي

حبيبتي الله كريم وعسى الله يعو ضج يعوضنا بكل خير

عسى الله يخليلج بنوتج وزوجج يارب
سبحان الله ماتضيق الا ما تفرج
وسالفتج تخلي الواحد المفروض ماييااس. من رحمه الله
سؤالي شنو كان سبب التأخير?
أنا قررت دام عرفت التكيس يااخر. الحمل بروح اراجع والله كريم

تسلمين يأختي صج صج الموضوع هذا جاه بوقته أنا صار لي 6 شهور مأحملت أدري بتقولون شوي غير صبر أكثر أنا بعد ماجبت بنتي كلت حبوب الرضاعه وأكلتها شهر 20 يوم وتركتها لأنها ماناسبتني وقلت خليها على الله قعد 5 شهور مأحملت عرفتي طبعاا معاي طبعاا ترك الحبوب شهر 10 واكتشفت أنه معاي غدة درقية خاملة آخر 12 وأكلت حبوب وآخر 2 حطيت لصقة بشهر شهر واحد وتركتها يعني بعد دورة 3 ماحطيت ومن يومهاا ماأادري ليش الحمد الله صابر وراضية بس في بعض الوقت يكون قهر الناس إلي حولج يقطون عليج كلام يغث نفس السم والله اقعد أبجي بجي والله يابنات أم زوجي تغث والله يابنات كل ساعه تقط علي تقول فلانه حمل والثانية ولدت جابت ولد خائفه من العين ومادري شنو والله يابنات اقعد أبجي والله وربي يشهد علي اين أكتب الرساله وأبجي
وترا أنا كل شيء سليم الغدة عندي منتظمة وكل شيء
سليم وأنا توني مخلصة دورة وربي يرزقني ويرزق كل بنت ياربي ويفرح قلبهاا وان شاء الله ماشوفها يااربي ويحقق ربي منائ ياااربي وقلت إذا جاتني الشهر الجائ أن شاء الله ماتجي بروح اشيك مرة ثانية وتحاليل شاملة وتحليل هرمون الحليب
أنا حللت بتاريخ 10/8 وكان نسبته 448،5 والطبيعي من 127 الى 637 عرفتوا يعني مافي شيء بس الله كريم وبيرزقني وان شاء اللله يرزق كل محرومة يارب ولا يشمت علينا أحد يارب
مشكورة يأختي خليتيني أفضفض ربي يرزقج بالولد الصالح ياربي عاجل غير أجل
اللهم لاتذريني فردا وأنت خير الوارثين

الله يرزقني ويرزق كل محرووووووووومه يااااااااااارب

يالله لما تجيني الدوره انقهرررررر

واللي قهرني اكثر اني كنت حامل وانا ما ادري وسقطت وانا ما ادري عبالي دوره

بس الله كريم

>>>انغثت