|
|
بدش بالموضوع علي طول بنات حماي ملج علي وحده وهوه بفتره الملجه جان ايي واحد من ربعه ويقوله ترا اللي انت مالج عليها فلان لفلاني يكلمها وعلي علاقه معاها بس مادري ليلحين معاها ولا لاء راح شسوي حماي عشان ما يفظح البنت دق علي ام البنت وقعد يستفزها بالكلام لين خلاها تعصب وخلق مشكله معاها وفركش الملجه (طلق) انا طبعا لمن طلق حماي كنت اقول حق ريلي هذا اخوك شنو ما عنده احساس يتهاوش مع الام ويطلق البنت البنت شذنبها وريلي ما كان يعلق علي كلامي كان يلتزم بالصمت وهالسالفه صارلها اكثر من 3 سنوات وتوني الحين ادري عن السبب الحقيقي وراء الطلاق واللي قالتلي السالفه مرت حماي الثاني. توها تقولي انا طبعا انقهرت وسألت ريلي قالي السالفه بالتفصيل الممل طبعا انا كان حماي هذا طايح من عيني واكرهه بس لمن عرفت السالفه الحين وايد كبر بعيني وكسر خاطري بنفس الوقت مع انه الحين اهوه متزوج وعنده ولد انتو شرايكم بنات حبيت اشوف وجهات نظركم بهالموضوع
يمكن يتبلى او بينه و بين اهل البنيه شي
او يمكن كان يبي الابنيه و الابنيه رافضته فحب ينتقم
او
او
او اشياء وايد
المفروض يتاكد قبل لا يتخذ اي قرار
و بعدين ماكان له داعي يسوي مشاكل مع اهل الابنيه
ينفصل عنها بهدوء و يستر عليها
انا هذا رايي
واذا السالفه صج فا تصرفه عيل العقل
المهم شلج باللي رآح السآلفة صآرلها سنين الريآل تزوج و عَيل والبِنت يمكن بعد ياها نصيبها ،
الله يوفقه ويتمم عليه والله يوفقهآ ويستر على بنآتنآ
اول ما خطبناها اخوي قال يبيها بعدين بالفتره الي كنا نسال عنها واحد من ربعه طلع حجي ففلينا كل شي بس اخوي ما نسى الموضوع حطه براسه و سال عدلللللللل و تاكد
وبعدها باربع اشهر رد اخوي قال ابيها لان تاكد ان اهي مالها علاقه بالموضوع
و كانت سوالف من وحده معاها بالمدرسه (سوالف بنات) ما تشتهيها و سالفه طويييييييييييله
و الحين الحمدلله اصلا اقول حق اخوي انت احسن شي سويته بحياتك انك خذيت فلانه
شوفي أنا ماالومه موقفه موقف اي رجل شرقي مايقدر يحكم أعصابه والله مو كاتب لهم يستمرون مع بعض وربح يمكن كان يلي يعطي للبنت درس لانها تهاونت بشرفها وبسمعتها هذه صارت عبرة لها
وحمام ناخب يرتبط في بنت جذي لانها للحين في نظر ولعها ان رفيجة واحد من ربعهم ماينلام صراحه وعسي الله يستر علي الجميع يارب دنيا وآخرة
حرام برضو يعني انا من رأيي حتى لو البنت عندها ماضي
من فينا ما عنده ماضي تاب عنه
يمكن البنت تابت وقطعت علاقتها بالشاب
كان مفروض يواجها في الموضوع ولا انه يفتعل هوشة مع ام البنت
على الاقل يمكن يكون الناس ظالمينها
قال تعالى((اذا جائكم فاسق بنبأ فبتبينو قبل ان تصيبو قوم بجهالة …
والله يستر عليهم انشالله
و كل انسان و نصيبه
كل شي في هالدنيا نصيب لا تقولين البنت زينة ولا شينة
أهو مو من نصيبه يستمر معاها ولا إهي نصيبها تعيش وياه !!!!!!!!!!
بإمكانه ياخذها وينظفها ويعيش ويستمر معاها بس سبحان الله مو نصيبه
وي الحين امها شايله همها تقول كله مني!
جان قايل ماكو نصيب!
يالله صار اللي صار والله اعلم