مكسور قلبي و مو عارفه شسوي

متزوجه من تسع اشهر من اول يوم ملجنه في لليوم ماحسيت بيوم امان ولا براحه احبه و روحي في بس اهو معقد و مغروو و شايف نفسه الصح و الدنيا كلها غلط طبعه صاير لايحتمل لسانه وصخ بمعنه الكلمه و مايثمن كلامه و ماعنده حشيمه ل احد حتى اهله و اخوانه الي كلهم اكبر منه بالعمر متهاوش معاهم و ماعديهم و انا تعبت من الطق من اول شهر للحين لازم كل شهر انطق لمه نختلف و توصل له الطق جربت كل شي اذا سكت و نزلت راسي يطقني على راسي و راددته بالحجي يطقني على ويهي و ياااامه كسرني و زرقني من الطق اااااخ ياريت كانت عل طق تهون اتالم و يومين و اطيب بس الكلام الي يكسر قلبي يغلط على اهلي بدون سبب معه انه محد تدخل بمشكلنا و من يوم ماتزوجت والله العظيم اهلي مادشو بيتي بس امي مره وحده بعد زواجنا بشهرين اهلي لاتشرطو على خذاني ماخسر فيني الى ثلاث الاف و ساكنه فبيت اهله فبيت عمره ستين سنه قديم و كله حشرات و وصاخه هذا كله و تحملت انزين اهلي شنو سوو لك علشان تسبهم و تغلط عليهم يسب امي سب والله ماينقال حق وحده بنت شوارع و يقول امج …… من وارا ابوج حرام عليه امي مره كبيره و ملتزمه و حجيه و عباتها على راسها و يقول عنها جذي تعبت كل ماتهاوشنا تم يسب ب اهللي حتى ابوي صادفه بس مرتين من تزوجنا و حبيبي ابوي قلبه طيب و حنون و انا بنته الوحيده ايي و يسلم على زوجي و زوجي يسالني انزل و لا بس انزل الدريشه جان اخزه و نزل قصب و يقول له هلا هلا بو فلان ينادي ب اسم اخوي الكبير كل ما شكيت ل امي تقول حسبي الله و نعم الوكيل في و صبري و تحملي تقول نقدر ندخل و نوقفه عند حده بس يخافون يطلقني حتى انا اخاف من هل شي دايم اقول اتطلق وين اروح اهلي مايتحملون يشوفون بنتهم الوحيده يصير فيها جذي سامحني تكلمت وايد و كلامي ملخبط بس والله ميته قهر منه و اذا تكلمت معا قام يصارخ و يطقني مستحيل يعترف انه غلطان

يطقج طق يسبب تزريق وكل شهر

ويسب اهلج

ويتهم امج بشرفها

وموزين مع اهله !!!!!

وهم ساكته !!!

تخافين تردين حق اهلج بس ماتخافين من الطق والسب والاهانات !!!

اللي مثله لاتتحسفين عليه طلعي من حياته والله يرزقج بلي احسن منه

ياما بنات تطلقو و ربي رزقهم الي اخسن من طليقهم هذا فرقاه عيد قبل لا تبتلشين بياهل نحشي

عرفتي ليش للحين مآحملتي منه ؟؟

يمكن ربج مب رآيد لج تعيشين طول حيآتج بهالشقآ !

واحد يتهم امج واعلي عليهآ بهاﻻتهآمات شؤ تم بعد !

انا اقؤل استخيري ف موضوع الطﻻق ،

وربي بكتب لج الخير وين ماكآن

ماكو خصله فيه زينه

من تحته لفوقه شين

انتي غريبه الصراحه شلون قادرة تتحملينه

دام هذي فعايله يسبج ويطقج ويغلط على اهلج وتوج متزوجه بس مادري اذا حامل او لا .. بس اذا لحين ماحملتي منه تطلقي ابرك لج ولا هالمذله والعيشه اللي عايشتها وياه لا معامله عدله ولا مسكن عدل مايسوى عليج .. صحتج وراحة بالج وانتي مطلقه احسن من العيشه وياه كل شهر طق وعافيتج تتكسر وتحصلين اهانات .. انتي فكري عدل واستخيري وسووي الي يرتاح له قلبج.. والله يعينج على ما ابتلاج

الله يصبر قلبج ويعينج صح الطلاق الحين صاير يخوف بس لازم احطله حد حته لو ادخل اله الموضوع ما يوصل الى الطق والاهانات وسب الاهل !!!!

صراحة وبدون زعل يا صاحبة الموضوع.. انا لما اقرا جذي مواضيع احتر وانقهررررر بس مو من الريال لا منج من المرة واهلها الي ماحطو احترام حق بنتهم والبنية الي مرخصة بعمرها وصايرة مداس حق ريال ظالم ومو كفو.. اتقولين متحملة لان اهلج مايتحملون يشوفونج مطلقة بس عادي ان يشوفونج تنطقين وتنهانين ويمكن باجر يبط عينج و يكسر ايدج و يعوقج عادي مو مشكلة بس اهم شي ماتطلقين!!!!!! بالله هذا عقل هذا منطق!!!!!؟؟؟؟؟؟ وطبعاً بطقج ويسب اهلج لان ماشاف منهم الي يوقفه عند حده ولا شاف احد منهم حطلج مقام ودافع عنج.. حراااااام عليهم اهلج الي راضيين انج اتعيشين هالعيشة وحرااااام عليج الي راضية على نفسج انج تعيشين جذي وباجر اذا يبتي عيلل بعيشون نفسج بذل واهانة وخوف وبينترسوون عقد… سوري لاني شديت بالكلام بس احسج جنج مخدرة لازم تصحييييييين.. اتقولين اتحبينه على شنو بالله؟؟؟؟!!!!! الحل ان اهلج يكلمونه تعدل كان بها ماتعدل اتشيلين قشج وتروحين عند اهلج.. واههههم شي لاااااا تحملييييين حرااام اتييبين ياهل يعيش بهالجو.. وقولي حق اهلج اعيش عندكم مطلقة ولا اردلكم معوقة وبرقبتي يهال

وعلى شنو تحبينه ؟؟؟؟؟؟؟
وشمصبرج عليه !!!
حبيبتي تلاحقي عمرج قبل لا تحملين
يبيله واحد يكسره ويقص لسانه

ان شاء الله تقرين كلام البنات عدل وتفهمينه

ماحترمج ولا اهلج وراضيه ! ومستقبلا لو حملتي

مافكرتي باعيالج بعيشون نفسج !

شنو تبين تضلين متزوجه وتموتين من الطق

والاهانه والتحقير ولا تبين ترتاحين عندج حلين

يوقف عند حده ولا تطلقين فكري بالحل الصح

والله يسهل امورج

يخافون يطلقج؟ حبيبتي ماسوى فيج جذي الا لان لا انتي وقفتيه عند حده ولا ريال وقفه عند حده هالنوعية ماتمشي باللين
خل ريال يوقف له انتي صرتي ضعيفة جدامه خل اخوج او ابوج يوقف له ماتأدب وماتسنع بطقاق اللي يطقه على شنو قاعدة معاه مادري و اذا مطلقة شفيها يعني احسن من ماتعيشين بجحيم مع انسان وحش و همجي ومافيه رحمة

الله يهديه ويصلح حالكم

تطلقييييييييييييييييييييييييييييييييييييييييي امبيييه هذا مايتعاشر
بدون تفكييير تطلقي منه

اعوذوا بالله وش حادك علي ذالعيشه يختي عزي نفسك وحبي عمرك قبل لا تحبين شخص مو كفوا