مكافاة الأعمال الممتازة؟؟؟ شنو تعرفون على هالموضوع

السلام عليكم
بنات اليوم فريت بالجريدة ان نورية الصبيح قالت ان الوزارة بوزعون مكافاة الأعمال الممتازة بنسبة 70% للمدرسين و 30% للموظفين بشهر يوليو المقبل.
شلون ؟؟؟ تهقون الموضوع صج!!!! وعلى اي اساس او شنو اهيا المعايير اللي بيوزعون على اساسها هالمكافاة

اللي عندها خبر ياريت تفيدنا وتفيد الجميع جزاكم الله خير

هلا حبيبتي …اللي اعرفه ان اللي كان بكل مدرسه اثنين بس اللي ياخذون ويمكن ترشح الناظره اكثر من 2 بس اهمه بالوزاره يشخلونهم عدل يعني تصير صعبه الشروط هذا العام بالنسبه للسنه هذي اذا تغير ماااادري .
واذا عالصرف فأكيد يتنصرف مع 9 هذا بالنسبه للمدارس

اذا اهي المعلم المتميز …فنصيبهم درع وشهادة بس

صديقتي العام معلمة متميزة

اقدر افيدج حبيبتي

معلم متميز يعطونه درع و بروش معلم متميز و 500 دينار بالضبط تنزل على شهر اكتوبر

ياخذون من كل منطقه تعليميه 50 شخص بالضبط ( من معلم , رئيس قسم , مدير مساعد , مدير , موجه , مراقب , مدير )

الشروط :

* خبره فوق 5 سنوات فاكثر
* امتياز مرتفع فوق ال 95
* يطلبون من الي يرشحج اعمالج ولازم تكون على مستوى المنطقه او الوزاره
* يطلبون الدورات الي اجتزتيها
* طبعا المديره ترشحج ولاوم موافقه وتوقيع من الموج الفني والموجهه الاول

ودايما تكون اولوية اختيار المعلم المتميز على الاقدم

وحبيت افيد ان المعلم المتميز غير عن المعلم المثالي

الي يترشح من جمعية المعلمين له درش وشهاده فقط

اما الي يترشح من الوزاره له درع وشهاده وبروش المعلم المتميز و 500 دينار وجهاز نقال

بنات الاعمال الممتازه غير

هذا مليونين دينار مخصصينهن للمعلمين ونص مليون للاداريين بدون رئيسات الاقسام و المدراء والمراقبين

توزع اخر شهر 6

للحاصلين على تقدير ممتاز

شيكوا بنات اخر 6 الي ينزل لها زياده بحدود 200 دينار يعني اعمال ممتازه

وطبعا هذا الشي يصير مو كل سنه لأ يكون على حسب ميزانية الوزاره

ضحاوي..متأكدة !!!

رفيجتي العام بس عطوها البروش والدرع!!!!!

واضيف على البنود اللي ذكرتيها >>>>بند الغياب لازم مايكون عندها غياب ولا يوم وجنه عالسنة غيروا …ناظرتنا قالت لي لازم الغياب 3 ايام واقل ..

بسم الله الرحمن الرحيم.. أولا أذكروا الله..
خواتي أنا إداريه.. وداشه السنه الخامسة من تعييني..في السنه الثانية لي نزلت لي فلوس الأعمال ممتازه.. وأنا على بالي ال 50 الزيادة اللي نزلت للمواطنين..بس استغربت أنها زيادة في اللي نزلني.. لأن اللي نزل 250 د.ك.. ولما سألت اللي معاي أتأكد.. قالت لي لا الناظرة منزله اسمج في الأعمال الممتازة..ومرشحه معاج 4 بنات وذكرت لي الأسامي وطلعوا كلهم إداريات.وما أدري إذا كان في مدرسات.. والحمدلله خير ونعمه..ويقولون أن الأعمال الممتازه تنزل للموظفة مره وحده خلال سنوات شغلها..والله أعلم وقولوا لا إله إلا الله..مو على الفلوس.. لا على النشاط وعلى فكرة ترى أنا ما أغيب.. وعسى الله يرزقكم ويوفقكم..وتشوفون فلوس الأعمال الممتازة في أرصدتكم..ويعطيكم من خيرها ويكفيكم شرها..

انا صارلي 5 سنوات وما يتني اعمال ممتازه انشاءالله اكون ضمن المجموعه ولا راح يحوشني احباط

جريحة الصمت ———— صح اول كانت بس للاداريات

بس الحين نوريه الصبيح خلتها للمعلمات وللاداريات من بينهم راح يعطون 10,000 معلم ومعلمه

اوركيد ———– انا متاكده 100 % ان المعلم متميز ينزل له 500 دينار

رفيجتج اما مختارينها معلم مثالي مو معلم متميز او ما تبي تقول ,,,,,

والغياب طبيعي داخل مع الشروط لان بند الاتزام بالحضور بتقويم الكفاءه يأثر على الامتياز المرتفع

وعموما 3 ايام ما يعتبر وايد بس هذا راجع للناظره تقدر تتغاضى اذا تبي ترشح معلمه تبيها

وبنات الاعمال الممتازه مو شرط تنزل كل سنه او سنتين او خمس سنين

هذا كله راجع لميزانية الوزاره متى ما صار عندها نزلت الاعمال الممتازه

مشكووووووورين لكل اللي ردو وما قصرتو
بس بالنسبة للموضوع اذا كان بإيد النظار والناظرات فالله يستر لأن الأغلبية راح يرشحون ربعهم حتى لو ما كانو يداومون السنة يعني الواسطة والمحسوبية راح تدخل بالموضوع
الله كريم ونكون ضمن المشمولين بالمكافأة بدون واسطة

لا لا ما تقدر الناظره ترشح الي تغيب وايد حتى لو رشحتها

المنطقه يشيلونها لان في لجنه اتجييك على الغياب من المنطقه

والله يا عمري ما له شغل احنا مدرستنا فيها وايد غياب بس اللي عنده واسطة يا انه يتوقعله حضور كل يوم او ان طبياته ما تنحط بالملف او انه يشقونها اخر السنه وتنقط بالزبالة وانتي بكرامة

اذا يسجلونها حضور ممكن كل شي جايز

لكن ان المرضيه تنقط بالزباله او تنشق مستحيل

المرضيات كلها تنحط داخل الملف

وغير الملف تكون عند المنطقه

لاحظي الناس الي يغيبون وايد ملفهم يكون متروس

والعكس للي ما يغيبون