|
|
بسم الله الرحمن الرحيم
انا توني مملجه من فتره .. 
– مره عزمني لمطعم طول المده ياكل بالشوكه والسجين ، > شي طبيعي
بس ! لما خلص قام غسل آيده وفرش اسنانه ، ولما ردينا السياره طلع المعقم حق الايد وآكل علج نعناع !! ههههه
.gif "Eh S(1)")
.. حسيته موسوس شوي !
– وفي شغله مضايقتني حييل
.gif "Eh S(2)")
.. بنات من اول ما ملجنا للحين طلعت معاه يمكن ثلاث مرات وربي كل طلعه لازم النظرات الخايسه والتميلح من البنات
؟؟ اهو صج يلفت الانتباه بس عاد استحي على وجهج رجاال مفروض ماتقعدين تخزين فيه !! ، وهو ملاحظ هالشغله لاني اتنرفز حييييل
… آخر مره كنا قاعدين فمطعم عالبحر ولا جبالي طاوله كلها بنات وضحك وصوت عالي عاد اهو كان معطيهم ظهره .. ولا تجي وحده منهم تقول لو سمحت > تقصد زوجي ممكن الكاتشب !!!! كلن على طاولتنا …. انا ماتكلمت لان البنت سالت زوجي ماسالتني ! عاد اهو شكله متعود على هالاشكال جان يقول سالي القرسون < من دون لايطالعها …. انا هني ارتحت نفسيااا لانه ماعطاها وجه هالي ماتستحي ! قهرتتتتتتني اهي ورفيجاتها الخمهه
وقام يسولف وينكت يعني بيغير الجو هههه وعلى فكره قبل لا نملج اهو شافني وامه كلمت امي قالت ان ولدي تعلق فبنتج ويبيها .. ويوم الملجه قعد معاي قال مانتزوج الاا اذا اهو توظف
وانا فرحت لاني ادرس توني طالبه بكليه الهندسه وتخصصي صعب
قبل لا نملج اخته بنفس اليوم قالت لي ان اخووي لبسه كله ماركات وكله بالنادي
ومسوي اسنانه بالاردن ! وبنات الجامعه مو مخلينه بحاله << اخر سنه له بالجامعه !!
.gif "Eh S(16)")
وقالت ان اخوي قبل كان خاطب بس ع الشوفه الشرعيه وبعدها فصخ الخطبه مايبي البنت
ليش انها بيضاء وشعرها قصير
.gif "Eh S(10)")
؟ انا انصدمت بس ماصدقت كلامها لانها من اول ماقعدت مو على بعضها حسيتها منقهره !مادري ليش قالت هالحجي !
واهو عنده اكاونت بالانستقرام يحط صور سفراته مع ربعه وطلعاتهم يعني سوالف شباب
عاد شوفوا التعليقات الي كاتبينها البنات
قتله عن الانستقرام حطه برايفت لاتقبل اضافات البنات بس ربعكجان يقول ما اقدر الي ضايفيني واجد …. الفلورز عنده 5 الآف
.. اهو حبوب وطيب معاي واهو يقرب لاهل ابوي ويمدحون ابوه يعني صيتهم طيب
وما عمره زل ولا قال شي غلط بحقي
بس كرهته !! .. ولا ساعات يدق علي ما ارد عليه
بعديين اندم ليش مارديت من كلام الي حوالي عنه ! ونظرات العالم
وددي افصخ ملجتي قبل الدخله والزواج قالوا ع السنه الجايه اذا تخرج ان شاء الله ..
المشكلة بالضبط؟
هل قصدج ماراح تتحملين غيرتج من البنات حواليه؟
واخته شنو قالت ماعجبج
اللي قلتي مقهورة ومو ع بعضها ؟
اهم المفروض ينقهرون مو انتي !!
ريلي لاعب كوره
و صح مو بالمنتخب لكن نوعاً ما معروف
فالملجه كنت استغرب انه دوم يوديني دبي مع ان انا من بوظبي و بوظبي حلوه
بس كنت اطنش
انا صدمتي طلعت بعد العرس
فالجمعيه بنات مراهقات قوم ١٢-١٥ من بعيد يصرخون اللاعب فلاااااااان و يسوون عمرهم مستحين وجذي
و كان ريلي يضحك لهم ع اساس انهم صغار
وانا الغبيه كنت اطنش
لين وصلت حدي بموقف صار بالكوفي كنا قاعدين و يو بنتين كبار اعمارهم٢٣-٢٥ اونه ممكن نتصور معاك ؟ قال اسف
قالت ممكن رقمك لان في موضوع ابغي اقولك اياه !!!!!!!!
وانا وين رحت مجافوني؟
جان اقول شو هالقله الادب
ريلي قال لها اعذريني وممكن تخلوني مع مرتي براحتنا؟
و على طول قمت وقلت رجعني البيت
و قلت كل الي فخاطري
لاني ماتوقعت ان هو مشهور لهالدرجه لانه البنات احس مو مال كوره وجذي و بذات ريلي يلعب ف نادي عادي لكن يحطونه بالتلفزيون
و قلت له فلان لازم نحط النقاط عالحروف
انت ما احسك حازم بهالمواقف تيلس تضحك معاهم وجذي و تاخذ وتعطي وانا ما احب جذي
ف الحين يطنش واذا وحده قالت له شي يقول عندج شي كلمي حرمتي انا كلمتي مع الرياييل و يروح بعيد عني عشان تكلمني انا! ههههه
و غير الهدايا الي توصله فالنادي!
يعطيهم السيكيورتي او حد من ربعه
بس صار يخبرني لان جاف اني ما اعصب من هالشي مدام هو ماياخذهم
و التويتر عنده وااااايدين متابعين له
لكن هو مايتابع اي حد وهالي مريحني و انا واثقه فيه لكن ما اثق ب البنات
و على فكره نصيحه من اخت
لااااااا تقولين البنات يلحقونك يطالعونك يخزونك
ترا راح يكبر راسه عليج
انتي تفاهمي معاه بهالامور مره وحده وخلاص بعدين تابعي كيف تصرفاته
يمكن هو يحب حد يمدحه و جذي ف انتي استغلي هالشي وامدحيه و ادمحي نفسج عالخفيف
بس ابداً لا تحسسينه ان هالبنات ماخذينه عنج ابداً
و بعدين بتتعودين و البرامج هذي حلوه ل شهر شهرين حدهم سنه ويملون منهم
ودايماً قولي
اللهم اني استودعتك زوجي قلبه و بصره وسمعه فأحفظهم لي
وسالفة يفرش ويغسل ويتعقم يمكن لسبب اذا مركب تقويم لازم يسوي جذي واذا مو مركب تقويم يمكن ضروسه تلبيس على قولت اخته بالاردن فلازم ينضفهم لاتحطين ببالج وتوسوسين حرام تخربين زواجج علا اشياء مالها معنى
وحمدي ربج نضيف ولا واحد وصخ ومايهتم بنضافته الشخصيه
وانتي توج مالجه نطري عليه واحكمي من بعد فتره
واذا البنات يقهرونج ترا والله حتا الي مو جميل ولاكشيخ لازم يخزون بنات هالوقت صايرين اهما الي يتحرشون بالرياييل واهم شي انه زوجج مايعطيهم مجال انه يتمادون يعني محترمج ومحترم غيرتج
موقف الكاتشب زين سوى زوجج وعطاها اكبر طاف
فشلها تستاااااااهل وهذا يدل على انه ثقيييييل شي حلووو
والانستغرام قوليله يحطه برايفت حاولي فيه شوي شوي
واذا مارضى قولي خلاص لاترد ع البنااات ..
اشوف ردود البنات بالانستغرام والكيك امبيييييه قمة الوقاحه !!!
وشنو بعد ..
النظافه عااااااااادي انا زوجي جذي حيل نظيف وكشخه
ولازم الوايبس معاه ع طول عقب مايخلص اكل علج وحركات
ومو جذي بعد ينقد علي ساعات لبسي وحركاتي واكلي ههههه
عقدني بالبدايه ههههههههه مع اني كشخه !!!
بس لما تعودت عليه عرفت انه هذا طبعه وانا تعوووودت عليه
وبعدين ابشرج البنات اللي مايستحون حتى الجيكر مو مخلينه بحاله ..!!
استغفر الله ياربي من يشوفون ريال يزيد الدلع والبياخه !!
ﻻ تخربين على نفسج دام الولد شاريج ..ﻻ تبيعينه …
ودام حتى اهلج يحبونه …والله أنا أقول قطي كل شي ورى ظهرج واذا دق عليج ﻻتحقرينه ..هذي أكبر غلط ..
ردي عليه ومع الوقت قولي له شنو يضايقج …
وأسأل الله العلي العظيم …ان يجمع بينكم ..ويرزقكم السعاده ويكفيكم شر انفسكم وشر الناس …
وتوكلي على الله وﻻ تحقرينه …واذا تقدرين دقي عليه واسالي عنه …ما فيها شي هذا ريلج …مو ريل وحده غيرج ..
مااحب اي شي اووووووفر حتى لو كان شي جميييل
خير الامووور اوسطها
بس ماتوصل للطلاااق
هالمشاعر فتره وتعددددي وبتتتعودين عليه
بس بليز من اللحين اقولك غيرتك دبريلها حل صرفيها
ولا وربي بتجيببلك امررراض
من البناااااااااات
الغلط من البنات مش منه ..
سالفة النظافة يمكن يتميلح قدامج لان توكم في فترة الملجه
واذا صج خير وبركه المفروض تستانسين
ترى الوسواس مؤ جذي
الوسواس ما يقدر يتحرك الا كل شيئ نظيف
..
ومن ناحية جماله
طنشي بس لا تسكتين لما صير قدامج موقف
وما توصل للطلااااق
اهو اختارج انتي
كوني قد الاختيار
و ياما رياييل سحوت وييبون اليهد وقمة بالقبح ومع هذا يغازل :/ والي الله معطيه جمال وثقه تلاقينه تكانه ورزه وما يرضى باي شي
فاهي مو مسالة حلو ولا مو حلو يكشخ ولا ما يكشخ المهم اهو من داخله شنو
وباجر تتزوجينه وتحبينه وتكتشفين انه الزواج وااايد اعمق واكبر واقدس من انه يتقيم بهالطريقه