|
|
مرحبـا بكل الحوامل ..
واللي ولدو بالســــــــلامة ..
ابي ابدي اجهز لولادتي هاليومين ..
وابي كل وحدة تقول لي محلات تجهيز الولادة ف وين…..؟
رحت مجمع الرحاب مدحوه لي ماشفت شي عجبني !!
عجبوني استكانات وفناجيل محل لحظة بالمهلب بس سعرهم غالي حيل !!
يلا ساعدوني ؟؟
الطاهر ..انور…صباغ…قاسم….روز
الكفر : انا ما احب الاسعار الخياليه اللي بالميات انا شؤيت من المحل اللي موجود بجمعيه الدفاع ب 70 و كل شيء معاه حتى النعال و انتي بكرامه
الاستكانات : من قياصل قلاصات و استكانات و فناجيين و المطارتيين 110 دينار
و الله يقومج و يقومني بالسلامه
واذاعلى الكفر روحي تروفاليو عنده كفرات حلوه ساعات
واذا على الاستكانات في محل في الافنيوز قبال سامبا يصير اهو ستايله مغربي من بره بس الصناعه تركيه بس صج شغلهم حلو وناعم واسعارهم روعه مو غاليه انا ان شاء الله هالجم يوم بروح اخذ من هناك لاني افتريت وايد وماعجبني شي غير اللي هناك
وعندج الصانع اللي بالاوقاف خالتي مدحته لي تقول في جم شغله حلوه
والله يقومج بالسلامه
وممكن يكتبون عليهم اسامي
مرة قريت موضوع عن وحدة مسوية قلاصات العصير فيها اسم عايلتها واسم عايلة زوجها
فكرة حلوة الصراحة
وبالنسبة للكفر …الخ ،، أنا فصلت لي عند وحده ولي الحين ما استلمته ،، بس بسعر معقول
وطقم التقديم .. رحت بالصدفه سوق الامارات ( الشاهبندر ) أول شي ماعجبني كنت بطلع .. بالصدفه شفت طقم عجبني ومناسب للون الكفر
خذيته وافتكيت
حبيبيتي ،، تحصلين سوالف حلوه بالجمعيات والأسواق الشعبيه موشرط مكان معروف
انا ذوقي صعب وما اشتري من اي مكان .. بس لما افتريت شوي حصلت جم شغله حلوه ( استكانات – فناجين – مطارات ..الخ )
وان شاء الله اروح اشتري لي قمصان واخلص
موفقه
وامس رحت تروفاليو لقيت نفس اللي انا شاريته .. وفي عنده اشيا حللللوة
لأن حرام تقطين وايد على مفرش مايسوى ..
وقمصان النوم روحي كارت بلانش بمجمع الايوب .. عنده اشيا حللوة واذا تبين تفصلج بعد
انا فصلت لأني طويلة ماكو شي طولي والاثنين طلعو علي ب55 .. وفي أغلى طبعا
وبالنسبة للفناجين وجذي .. انا شريت قلاسات واستكانات من مجمع بيروت تحت عنده اشيا حلوة
بس للحين قاعدة ادور على مطاطير وصواني .. يمكن تحصلين بمحل في مجمع محاميد اللي بالسالمية مادري شسم المحل
بس عنده استكانات وصواني وهالسوالف .. حلووو واسعاره جذي وجذي
وجربي A to Z همن حلووو
في شركه احنا مجربينهم تونا خالصين من استقبال اختي اذا تبين تفاصيل دزيلي عالخاص وعسا الله يقومج بسلامه ^
a 2 z صاير بالشويخ . . يم شارع كندادراي .. ونفس الشارع اللي فيه تروفاليو
وفياصل صاير بالجابرية ورا مستشفى هادي