مفاجأة وصدمة بنفس الوقت

السلام عليكم

وصبحكم الله بالخير

شلونكم بنات عساكم بخير

بدخل بالموضوع على طول

الله يسلمكم تأخرت علي الدورة 9 ايام سويت تحليل هرموني طلعت مو حامل , بشلت اشرب اشياء دافية , عديت سبوعين ما نزلت علي الدورة سويت تحليل بالبيت طلعت مو حامل قمت العب رياضة واتحرك زيادة , طاف شهر ما نزلت الدورة رحت لدكتوري سوالي سونار طلعت مو حامل ولله الحمد كل شي اوكي وتحاليلي ما فيني الا العافية , عطاني حبوب تنزل الدورة , استمريت على الحبوب 5 ايام مع المشي المستمر واعشاب الدورة وهم ما نزلت علي الدورة

تعبت نفسيا وجسمي انتفخ ومعاي عوار وبطني متفوخ ,قالتلي ارفيجتي سوي حجامة , بس قبل ما اسوي قلت خل اسوي تحليل اخر مرة سبحان الله اخاف فيه شي , شريت تحليل بيت وسويت التحليل

والصدمة الكبرى طلع خطين حامل , انصفق ويهي شلون قلت الحمدالله وقعدت افكر يمكن نص ساعة لوووووول من الصدمة وشلون جذي , وتوة ولدي صغير وقيصرية ياااااابووووي افكار قامت تروح وترد براسي

بس الحمدالله على كل حال ورزق من الله اول شي انصدمت بس بعدين استانست

ورحت نفس اليوم لدكتوري وقالي هااا شصار معاج قلتله حامل ضحك , وسوالي سونار قالي صحيح بس ان البيبي صغير حتى ما قدر يحدد جم سبوع لي بس قالي تقريبا 6 اسابيع , وقلتله ليش ما بين معاي قبل , ورحتله اول امس هم ما قدر يحدد لي اي سبوع ومتى ولادتي قالي ننطر بعد 3 اسابيع يوضح اكثر .

وان شا ءالله خير ياااارب , بس حبيت اقولكم الصدمة الي مريت فيها

وطبعا انفعالات اهلي كانت مو طبيعي ,وردود فعل قالت حلوة منهم

ويعطيكم العافية

::