|
|
هلا بنات
شلونكم
ودي اعرف شرايكم
ولدي عمره سنتين ونص
خايفه ادخله الحضانه للاسباب التاليه
– خايفه من الامراض
– متعلقه فيه وايد
– بالاضافه الى وجود دراسه تنصح بتواجد الطفل داخل البيت لفتره طويله افضل
والجانب الاخر
هو شقي جدا وودي يتعلم من الحضانه ويصير اجتماعي
شرايكم
بس اذا انتي ما اتداومين انصحج خليه بالبيت لان انتي راح اتعلمينه
بالنسبه للامراااض فعلا انا عانيت من هالشيء هذا في بدايه دخوول ولدي
للحضاانه بس الحمدلله قمت اكاافح اول باول بس ولله الحمد من ناحية التعليم ولله الحمدوااايد
وااايد استفاااد ولدي واتعلم عسي ربي يفتح عليه بالهدايه والصلاااح وصاار حيل اجتماعي
وركد من الشطاانه اللي اهوااا فيهااا… وكلنا والله متعلقين بعياالنا بس حكم الظرووف تخلينا
نودي عيالنا للحضانه يتعلمووون عسي ربي يرزقنااا برهم يااارب….
انصحج توكلي ع الله ووديه ابرك لج عشاان يتعلم وتقل شطانته ويصير اجتماعي مايخااف من الناااس
عسي ربي يحفظ عيالنا وعيال المسلمين من كل شررر يااارب العالمين
بياخذ سلوكيات غلط مثل الطق او السب
ولااحق علي القومه والالتزام
قداامه ١٦ سنه كلها دراسه
خليه يستااانس ويشبع نوووم
و كلنا متعلقين بعيالنا بس مردهم بيدخلون الروضه و المدرسة و غيره عادي كلها جم ساعه و ابتاخذينه
و الامراض حتي من الاهل بياخذها مو بس من الحضانه
توكلي على الله و دخليه بس اختاري حضانه زينه
اللي ماعندها احد تخلي عيالها عندهم
واللي ولدها او بنتها وحيدين امهم وابوهم وماعنده احد يلعب معاه عالاقل يشوف احد يسولف يخالط اللي بعمره
اهم شي حضانه مميزة مثل ماذكرت لج تعلم الارقام والاحرف و يمسك الالوان يلون وتحفظه قرآن وخليه يستفيد من وقته
والطفل بعمره او شوي اكبر يعني ثلاث ينوات عنده مقدره كبييييييرة ان يحفظ ويتعلم
وبالنسبه للامراض لاسمح الله ، الحصانات المميزة ماتستقبل الاطفال المرضى وتردهم مع اهلهم الصبح او تعزلهم عن الاطفال بس عادة يردونهم مع اهلهم بدون مايحتكون مع الاطفال وانتي تأكدي منهالشي قبل لاتسجلينه
وشي طبيعي بتحبين ولدج وتتعلقين فيه لان ولدج حياتج وهم فكري بمصلحته ان يشوف ويتعلم وباجر راح يكبر ويتزوج شبتسويين لووول
يتعلم يتواصل اجتماعيا مايخاف ولا يستغرب
والي يقولون امراض لو بتطلعين الياهل الحووش بيلقط فايروس ولا برد ماردت علا حضانه
وعمر الحضانه حلو قريب سنتين او قبلها من يمشي ويتكلم البيبي
|
المشاركة الأصلية كتبت بواسطة عنووشه
 انا ضد الحضانه لاسباب الامراض بتنتقل بسررعه
بياخذ سلوكيات غلط مثل الطق او السب ولااحق علي القومه والالتزام قداامه 16 سنه كلها دراسه خليه يستااانس ويشبع نوووم |
رايج من راي الدراسه
|
المشاركة الأصلية كتبت بواسطة مواصله
اذا انتي موظفه وديه حضانه واذا حسيتي سلوكه بدء يتغير نقليه حضانه غير
|
خوش راي
انا حتى لوماكنت موظفة بعد بدخل ولدي الحضانة من سنتين ونص او 3
يتعلم شلون يتعرف على ناس يصير اجتماعي
يتعلم الحروف والارقام والالوان وكلشي
طبعا اهم شي اختيار الحضانة الممتازة