|
|
السلام عليكم
أعزائي أولياء أمور الطلبة ,, أحب أن احذركم من معهد الأوائل الذي اشتهر وذاع صيته على انه معهد للتقوية وهو منتشر في عدد من المناطق
حيث تنتشر الفوضى في أرجاء المعهد ,, فالمدرسين الصراحة فيهم قلة أدب مو معقولة ,, وعلى الرغم من أن الفصول مفصولة أي غير مختلطة إلا أن بعض المراهقين يقفون أمام صفوف البنات يدخنون ويتحرشون . كما أن مستوى الشرح ليس بالمستوى المطلوب
وهذا للتحذير فقط …
والذي يريد أن يصدق ,, ليذهب ويرى ما يحدث بنفسه
يعني الواحدة تودي عيالها ومأمنة تتفاجئين بهذه الأشكال . وديروا بالكم على عيالكم
انا كنت اروحله بس هم احس نظرة الي يشرحون شوي ما ادري شلون :s
واشوه مو بس انا لاحظت هالشي
و هم يعني ايام متيحانات ما يصير تاخذين ساعه لازم ساعتين واكثر :s
شدعوه عشان مسأله انا مو فاهمتها ادفع 8 دنانير
وقتها صارت مشكله عووده
كنت يايه وماعندي خرده واهمه ماعندهم وقالي روحي يبي من البقاله ولا الصيدليه وبنفسيه خايسه جان اعصب وقتله موانا اطلع افر بالبقالات ايييب خرده انتو معهد وانتوا اللي تخردون صرخ تخيلو وكلمني بقلة ادب رديت عليه بس همن ما بردت جبدي دقيت علا اخوي ويه عطاه درس ولا اخوي اخر شي بعد ماشبع منه طق قط الجوتي عليه ورد ياب الجوتي حق اخوي مثل الجلب .. يستاهل عاد صاحب المعهد خووش واحد بس يمكن مايدري انه اللي يشتغلون عنده زباله لازم تشتكون له عشان يكون عنده خبر
لازم الواحد يقوله انه سمعة معهدك موزينه من ورا اللي يشتغلون عندك
اختي AyOoTa اذا تقدرين توصلين لصاحب المعهد قولي له . لأن في كثير من الناس عيالهم ما يقولون لهم عن أي شي يحدث معاهم , وبعدين يتوهقون
الله يحفظ عيالكم جميعا
الله يوفقكم يا رب
كانوا وايد محترمين ويعاملون الناس عدل
والمستوى وااايد زين ومدرسينه زينين
كلامي صحيح 100%
لأن بنتي كنت مسجلتها أكثر من مرة قالت ان المدرسين يخزون البنات بنظرات مو حلوة ومرات يقول لها المدرس سلمي علي يد بيد يعني وهي ما ترضى
يمكن انت كبيرة وما يتجرأون بس البنات الصغار من عمر 10 و11 يخافون
وفي مدرس من داخل المعهد نصحني بأن ما اسجل بنتي مرة ثانية
رفيجاتي كلهم اللي يروحونه ما يفهمون شي من الازعاج
والله يقولون ع الفاضي وعمري ما سمعت وحده دارسه بالاوائل ويابت درجه زينه
اييبون اقل من الدرجه اللي اييبونها لو درسوا بروحهم
الاخوات المحترمات
لاداعى بالتجريح والتلميح حتى لاتحاسبوا من الله على اقوالكم
معهد الاوائل بالسالميه بجوار مستشفى المواساه
اولا لمن لايعرفه
معهد للتقويه
الدراسه فيه منفصله لجميع المراحل به اداره محترمه تتقى الله ورسوله فى عملها
المدرسون من اقوى المدرسين والمدرسات بالكويت لهم خبره واسعه بالمناهج واسألوا الخريجين والدارسين
اما بالنسبه للتحرش فالشىء المشين ان نسمع مثل هذه الشائعات
لان المدرسين الموجودين يتقوا الله فى ابنائهم الطلبه
ولو الاخت كاتبه الموضوع حدث لها اى شىء عليها بالتوجه للاداره لعرض مشكلتها
وانى على يقين ان هذه المقاله مدسوسه لان المعهد من اقوى المعاهد وله منافسين وايد
واتقوا الله فى كتاباتكم