معلمات الرابع الإبتدائي يللا فيدونا افادكم الله

معلمات الإبتدائي عفيه علمونا متى إمتحانات هالصف يعني شلون نظام الدرجات ومتى الإمتحانات لأن والله ضايعين ما ندري هل هو ملف إنجازي ولا شهادات مثل الخامس ومشكورين وما قصرتو

هلا زهراء
لا هو مثل خامس امتحانين بالفصل كل فتره يعني فترتين وفي امتحان نهايه الفصل بالكتاب كله يكون من الوزاراء < هذا الي سمعته
بس هو يفرق عن خامس ان في 5 امتحانات قصيره للمهارات الي ياخذونها بالفتره
والفتره الاولى خلصت والحين تسليم الشهايد
وعن نظام الدرجات احنا سويناها جذي 10 للامتحانات القصيره و 10 للشفوي والكتاب و 30 للامتحان والمجموع 50

حبيبتي ..
رابع ابتدائي مافي انجازي ..
صار نظام فترات .. نجاح ورسووب ..

توزيع الدرجـات ..
20 على الشفوووي .. و30 على التحريري ..

بالنسبه لنا احنا انجليزي
20 على الشفوي أو أعمال الفتره
مقسمه .. لـ اربع اقسام .. ( الحضور – دفتر الصف – الطلاقه الشفوية – المشاركه – القراءة )

30 على التحريري ..
15 ورقه أولى – 15 ورقة ثانيه ..

وسلامتج

ودى تفصيل أكثر لو سمحتوا ممكن

هلا قلبي نفس كلام حلوى ورهش هذا تقسيمتنا للدرجات احنا اللغه الانجليزيه والله يعينكم لانه جد خواره …………درسي بناتج عدل من الحين وسوي جدول دراسي حق كل ماده عشان ماينضغطون وتضمنين يجيبون درجات زينه