معلمات التربية الاسلامية ورئيسات الاقسام

بصراحة وايد انا محتاسة في ولد اخوي بما ان اهو البجر في العائلة وانا احب ادرسه لاني احب ادرس واشرح تقولون يا المعلمات غاوية تعب وشقى ولكن من غلاتي وحبي حق اخوي وولده فتكفلت بتدريسه على الرغم اني اشتغل بقطاع خاص وبما انه سنة اولى لازم يتأسس الولد زين من عربي وانجليزي

المهم: هل صحيح ان مدرسة التربية الاسلامية ملزمة في تحفيظ الياهل وعليها تحفظه بالحصة لان صديقاتي يقولن هذا الكلام ولكن العض ينفي ….

الرجاء الرد ويزاكم الله الف خير

مدرسة التربيه الاسلاميه تعطي الاية
وتسمعها كذا مرة للتلاميذ لين يحفظونها
لكن مو ملزومه تحفظهم اذا كانوا ما ضعيفين بالحفظ
اعرف تلاميذ يحفظون بالحصه ومعاهم تلاميذ ما يحفظون
مع انه المعلمه وحده . هذا الي اعرفه ؟؟؟؟؟؟؟؟؟؟؟؟؟؟؟؟

حبيبتي آنا رئيسة قسم والمدرسه مجبره على تحفيظ الطالبات الآيات يعني لازم مايطلعون من الصف إلا على الأقل أغلب الصف حافظ .

مشكورة يا قلبي ويزاج الله الف خير

مشكورة اختي شمس الوفى على التوضيح وسؤال ثاني لو سمحتي هل انتي رئيسة قسم في مبارك الكبير للمرحلة الابتدائية لان معلمة التربية الاسلامية اللي درس ولد اخوي تقول ان غير ملزمة بتحفيظ الولد انا علي اقرأ الاية لهم واشرحها لهم هل هذا صحيح

انا رئيسه قسم

واقول ان هذا جهد من المعلمه وشطارتها تبين هني الواااجب تحفيظه ولكن في طلبه مايحفظون بالمدرسه بس لازم تعاون الاهل فما فيها شيء لا حفظتيه
اناعندي صف ادرسه ماشاء الله يحفظ السوره قبل اعطيهم اياه كله من جهود الاهل بارك الله فيهم

يزاج الله الف خير وما قصرتي

اللي اسمعه من زميلاتي انهم ملزومين يحاولون …
وعاد اللي ما يقدر يحفظ بالحصه لازم الاهل يساعدون و يحفظون ولدهم ..
القرآن له حصه خاصه فيه … معقول بس بتقعد تقراها و تشرحها ؟؟
انا اسمعهم ماشاء الله واهم بصفوفهم يسمعون و يقرون و يرددون ورا المسجل او الابله ..

الله يعطيج العافية عالمجهود مع ولد اخوج و اكيد تدريسه ما فيه مغثه … المغثه اتيي من ضغط الادارات و التوجيه والتعامل مع الاهالي العسرين مو من الطلبه ..