معاش الخدامة عليج ولا عليه

سؤالي معاش الخدامة عليج ولا عليه انا طلبت منه خدامة قالي اوكي بس معاشها عليج
في احد مثلي معاش الخدامة عليها؟

مرحبا حبيبتي
انا الللي اعرفه انه معاش الخدامة تكون على الريال مب الحرمة هذا واجبه هو مب انتي ……….. انتي شوفي ظروفكم يعني يمكن الريال ما عنده مقدرة على دفع راتب الخدامة ……….انا ما اشتغل وراتب الخدامة على ريلي ولو كنت اشتغل ما بدفع راتب الخدامة عشان ما اعوده اني ادفع لكل شي

يمون والله بطاقتي البنك بيني وبينه وحسابي حسابه واحد
وعلى فكره معاشي ينزل قبل معاشه ويخلص قبل معاشه بس ما أحس بالفرق وأحس اني أنا وياه واحد عسى الله لا يغير اصرف من معاشي على بيتي اكثر من معاش خدامه
واللي ابي ابينه ما افكر بالفلوس كثر تفكيري براحتي انا وياه وعيالي في بيتي
وأخذيها قاعده صج الفلوس تغير النفوس لو كان متضايق ينقصه شيء راح انتي تضايقين من شكله فليش اخليه متضايق وإلايحاتي ويفكر يمون والله لويبي عيوني عطيته مو معاش خدامه عساه راضي عني بسى الدنيا فانيه وانا اختج لاتشغلج امور وصخ الدنيا اهم شيء رضاه وراحتج معاه
رأي الشخصي وعن تجربتي 12سنه ماحطيت فرق بيني وبينه الله لا يفرقنا طول العمر قولي آمين

لا والله عليه

انا مااشتغل بس حتى لو اشتغلت بيكون عليه لأنه هو المسؤؤل عن هالشيء

بس لو حبيت اجيب خدامه ثانيه اكيد انا بدفع معاشهاااا

الكرستال انا تفكيري نفس تفكيرج بس كلام البنات صح لان انا وايد ادفع له نص معاشي عليه لا والله مو النص نص وربع معاشي هههه ماودي اعوده يعتمد علي وهو يقولي الخدامة لج مو لي يعني هو مسوي فرق بيني وبينه

والله يستاهل

مع اني مااشتغل بس لو يقول لي هذا الطلب اكيد راح اوافق لان الخدامه راح تريحني وتخدمني ومو حسافه لو اعطيها معاشها

والحياه الزوجيه تعاون وتـفاهم

الخدامه الاولى معاشه عليه بس الثانيه علي انا

علي والله

بس ما يخالف الحياة مشاركة
والدنيا كلها أخذ وعطا

حسب ظروفه حبوبة اذا عنده عليه واذا ماعنده ومايقدر حطي فلوسج بالشمس وقعدي بالظلال

والله مثل ماقالت كرستاله
واهم شي اني اعيش وياه مرتاحه
بس طبعا لازم يكون الزوج يستاهل
______________________
ومعاش خدامتي عليه

شــوفي على حسب مقدرتة ,…….. وتقعدين وتحسبين جم يبقى من معاشة هل قادر والا لا واذا شفتي لا موعيب لكن انه عندة ومايبي غصبن عليه

عليه بس اذا اهو محتاج مو مشكله بس من وجهه نظرى لا لازم عليه عشان مو اهوه سموه ريال لازم يدفع بس والا فالحين يتشطرون علينا فى الرايحه والراداه …..

الله يخليه لى ان شاء الله …..

اللي اشووفه ان معاش الخدامه من واجب الزوج اكيييييييييد هذا

بس وقت العازه اكيد بدفع وطبعا اذا هو كفو ويستاهل ويبيين بعينه اللي تسوينه

بس نصيحه مثل الكل لاتعودينه انج تدفعين والله مووووووووشي

هالكلام من وحده مو متزوجه بس عايشه وشايفه اوضاع العالمين وان شاء الله رايي صحيح

اذا يقدر والله عليه بس اذا مايقدر عادي لان انتي الي محتاجتها
بس اذ يقدر لاتعودينه خليه هو الي يصرف على كل شي

اختي انتي عارفه طبع زوجج

يعني اهو اذا كان فتره من الفترات راااااهيه معاه الميزانيه وماااااابخل عليج

معناها يستاهل

يعني الريال الي يبخل عالمره ويحط حدود بينه وبينها بالميزانيه هذا بصراحه مايستاهل اخلي شي علي وعليه
يعني اهو ملزوم يدفعها

لكن الي مومقصر عليها بشي وبالوقت الي تطلبه ويكون عنده يعطيها مومشكله اعطيها انا المعاش

وانا اقول ليش ماتجربينه؟؟
قولي شهر علي وشهر عليك