معاشي الأول متى؟؟

السلام حبايبي كويتيات بغيت استفسر معاشي الأول ينزل مع الموظفات او لما اكمل شهر ؟؟؟؟؟؟؟؟؟وشلون ينزل دايركت بالحساب او عن طريق شيك………..؟؟
انا موظفه بوزارة التربية وجم يكون معاشي "شهادتي دبلوم تجاري"
مشكورين مقدماااا….

حبيبتي ينزلج المعاش عقب شهر او شهر و نص و يمكن شهرين بعد على حسب المكان و راح ينزل بحسابج بأثر رجعي او اذا انتي خذيتي اوراقج من الوزاره وديتيها البنك راح تستلمين شيك حق اول شهر و الشهر الثاني راح ينزل معاشج بحسابج دايركت و هذي المعلومات اللي عندي اتمنى اكون افدتج

وعليكم السلام

انا الي اعرفه بعض الوزارات ينزلون بأثر رجعي
هذا الي اعرفه وسامحيني على القصووووووووووووور

مشكورين حبايبي…………..

انا لما توظفت بالداخلية خذيت اوراق الراتب بنفسي وديتهم ادارة الرواتب ونزل معاشي من ثاني شهر على طول

مبروك على الوظيفة اليديدة
اتراجعين الشئون المالية و اهمة يفيدونج احسن
لان كل وزارة و على حسب نظامها
و حاولي تستعجيلنهم علشان ما ياخرون المعاش 3 اشهر و يعطونج اياه باثر رجعي

هلا والله…شوفي حياتي انا توني متعينه صار لي شهر..ونزلولي على البطاقة..اول مرة اسمع شيك !!!!!!!

وبالتوفيق*

مشكورين حبايبي……….

حبيبي مبروك على الوظيفه

سامحيني ماعندي فكره لما اتوظف اقولج ———-> شكو داشه لقاااااااافه :$

انا الي اعرفه ان على حسب متى داومتي يعني انا داومت تاريخ 3 هالشهر ومعاشي بينزل عادي لا اثر رجعي ولا شي هالشهر يقولون تاريخ 23 نفس معاشات الوزاره واذا داومتي من 15 وفوق يعطونج راتب شهر ونص..
بس بنات بليز بعرف التأمينات جم يقصووون.؟؟ مابي بال% ابي الرقم جم وبليز سؤال ثاني لما يعطونج الورقه الي فيها تفصيل الراتب تكون قبل لا يقصون التأمينات صح.؟؟؟

بعد شهرين من تاريخ توظيفج يعني انا داومت اول الشهر بعد شعر ونص نزلوا معاشي بس موكامل
وطبعا على حسابج بالبنك
ورقه تفصيل الراتب فيها كل شي عن راتبج ويطلعلج جم يقصون من راتبج للتامينات
وبس

وييي لامار خرعتيني ليكون انا بعد ماراح ينزل معاشي هالشهر .؟؟؟؟؟؟؟؟؟؟؟؟ مادري منو قالي بينزل ليش اني داومت من بداية الشهر
وانا بالورقه ما كانو حاطين جم يقصون فياليت الي تعرف جم يقصون التامينات بالضبط تعلمني

انا نفسج موظفه جديده واستلمت معاشي عن طريق الشيك من قسم الرواتب احسبولي بس الايام اللي داومتها

وعلي التامينات علس حسب معاش ياخذونها