السلام عليكم بنات ..
طبعا كا الامهات اللي عندهم عيال بالصف الاول الابتدائي قاعدين يحاتون .. لأن المناهج الصراحة دسمة و مكثفة ..
و مو كل ولي أمر يمتلك موهبة الشرح ( أنا أفتقدها نهائيا .. و اشرح لبنتي جنها وحدة بالجامعة تكسر خاطري والله )
فأبي شي يساعدني .. نماذج امتحانات .. أوراق عمل … الخ
و خصوصا للرياضيات و العلوم …
والله يعييننا و يعين عيالنا على المناهج و الدراسة ..
و مشكووورين مقدما …..
مشكورة لطرحك للموضوع انا بعد عندي ابني بالصف الاول
يا ريت تساعدونا بالرياضيات والعلوم والعربي والانجليزي
الحال من بعضة وانا بعد مو عارفة ادرس بنتى
بس اتابعها متابعة
انا بعد وياكم
رفع
وياكم
أنا بعد بنتي في أولى…ضايعة مو عارغة اشلون ادرسها .. و بالذات الرياضيات دشو بالصعب ..ياليت أحد يفيدنا
وانه بعد وياكم
تهون كل المواد الى العربي
وي حسبي الله عليهم على هالمنهج
عشرين كلمه يبون يخلون الصغار يكتبونها بخلال شهر
والله العضيم قهر
وانا بعد وياكم ابي امتحانات ابي طريقه تدريس الابتدائي عندي التوام بنت وولد الله يعيني على التاسيس
في موقع وايد حلو دخلو على المرحلة الأبتدائية حاطين وايد أوراق عمل للعربي أمل فراشة بيضاء طبعوهم وخل عيالكم يتمرنون عل الكتابة وتاخذ أيديهم والله يعينا على هالمناهج اللي كل يوم اتغير( مادري يمكن ممنوع احط رابط الموقع بس يا مشرفة اسمحيلينا علشان اتعم الفايدة)
https://www.q8classroom.net/ الله يعينهم عيالنا المنهج دسم مو بس اولى كل الصفوف واولى مساكين الكلمات صعبه واعجيب الانجليزي ليش الحروف مو ورى بعض عطوهم اي عقبها اس ال اتش حرام عليهم واجراء الجسم بالانجليزي شلحقون عليه الله يعينالاهل
كله صوب وتربيه الاسلاميه صوب معطينهم ثلاث ايات ورابعض تبتدي ابنفس الكلمه بنتي مووووووووووووووووراضيه تستعوب
قامت اتخربط
عاد انا عكسكم
احس المنهج حلو العربي بنتي مستانسة على الفراشة
والدين الآيات حافظتها من ايام الحضانة
الرياضيات ليما الحين عد وبسيط
بس العلوم احس مو عارفة شنو خذو بس حيوانات وشنو يغطي جسمها
المنهج سهل بس يبيله متابعه خصوصا اطفالكم ما تأسسو عدل
انا الباكستانية حيل ريحتني بعيالي الأثنين تأسيس ممتاز صج
وانا بعد بس اتابع لودلدي مو عارفه ادرسه