مصيبه من مصايب الزمن ساعدوني في حلها؟؟!!!

بنات انا في مصيبه الله العالم فيها انا مع خلاف مع زوجي والسبب انه يحب اختي حتي لوانكر انا مره اعرف شنواقول . اختي احلا مني بفرق كبير مافي مقارنه بيني وبينها …..وهي متزوجها وعايشه مع زوجها لا هي يمه ولا حوله ولا حتى تدري عنه …….وين تبدي المشكله ؟…… لما اتكلم معها بالتلفون …لما تكون في اخبار عنها بالزين اوفي الشين .المهم يذكر اسمها الاقي الرجال تغير علي 180 درجه من غير سبب والمشكله اني مدللتة ولا انا مقصره عليه بشئ كل مايطلبه يلاقيه عند خشمه و وقفت معاه وقفات طيبه معاه ومع اهله وسويتله شي لا يمكن اي انسانه تسويه واخرتها يفضل علي اهله وقبيلته ويدوسني بنعاله وانا الي سويتله شان بين الناس وارقعله بين كل فتره و فتره ….لا ومتحملته مع انه ما يشتغل اكد عليه وعلي اهله……شنواقول ؟؟؟؟؟؟؟وشنو اقول؟؟؟؟…..ارجوكم عطوني حل للمشكله اتطلق منه وإلا شنوا اسوي الله يخليكم عطوني الحل أنا حيل تعبانه لا يقول انه يحبي لا كان يصدق انه ياخذني لاني كنت مثل النجمه في المساءشلون يوصلي!!!!!!!!
علي فكره عندي منه 4 بنات و ولد ماخذ عند
امه في السعوديه…..

وشكرا لكم

يحب اختج؟!

وهذي اختج اشلون ترضي انها تبوق ريل اختهااا

امبيه لا مستحيل

شنو هالزمن

حبيبتي لا تخسرين زوجج وعيالج علشان اختج تفاهمي معاها

ا المرة احقرت عاملت معاملة اشوي ناشفة يركض وراها فانتي طنشي اذ قالج شي قولي عكسة انا اقول حاولي اتكرهينى بختج اشوي جذي علي بسوالف ماعلي عشان بيتج جذبة بيضة
انشاله الله يهدي لج وريحج امين

حبوووبة
تقووول انه ريلها يحب اختها بس اهي ماتدري عنة واختهاا متزوجةة ولاتدري عن هالطاري

اناا اقوولج فاتحيه وواجهيه بالموضوووع وشووفي شبرد عليج وعلى اساسة قرري شبتتصرفين معاه وانتي ادرى شنو الاسلوب اللي ينفع معاه
اذا تعود منج انج تسكتين وتدارين سوي العكس سوي تصرف مو متوقعه ولامتعود عليه عشان يعرف اه وصل الموضوع حدة

حبيبتي الله يهدي بالج
الحل مو بالطلاق لالا
اول شيانج انت تصرفين و هو ما يشتغل …لا هذي لا لا ترضين فيها شغلته حبيب يحب فلانه و علانة….
لا تحنين عليه بالشغل و تقولين اشتغل … بس لا تصرفين خليه يحس على دمه و يدور شغل …مثلا خلي صرفج على نفسج و على بناتج ….
انا اتوقع عشان جذيه بيكون كاش منج اتوقع كل شي انت متحملة مسئولية ..ترا هذا طعن برجولة الريال ….. لازم يحس انج بحاجته…. تطلبين منه…
و اهم شي عندي انج تخففيين الدلع …كشتي فيه و في اهلة لا تخبين نفسج حق الكل سوي الواجب و بس…. اهتمي بنفسج و بناتج ….

البنت تقول اختها ماتدري عن هوى داره

يعني اختها مالها ذنب واختها لاهيه مع ريلها وفبيتها

لاتشيشون البنت على اختها

الغلط غلط ريلها

اختي يمكن يتهيألج هالشي انه يتغير مجرد ماتييبين سيرة اختج

حاولي تتكلمين معاه تقولينله عن شعورج

وحتى لو كان صج في باله شي لمن يشوفج انج حاسه

راح يطق بريك ويستوعب شنو قاعد يسوي

مو شرط يحب اختج يمكن مجرد اعجاب

ووايد ناس ينعجبون بشخصيات الاخرين

بس نصيحه لاتخلين الوسواس ياكل بقلبج

كلمي ريلج والله الهادي ان شاء الله

اختي احسج شايفه ريلج اهو وعدمه واحد خصوصا بردة فعله باللي سواه اهو واهله وتضحيتج لهم واحسج مو واثقه من نفسج بدليل تقولين اختي احلى واهو ينظر لها بشكل غريب كلما انذكر طاريها والمره مادرت عن هوا داره يعني ماله داعي تزعلين من شي مو اكيد حتى لو تصرفاته تفضحه انتي ماتعرفين النيات وبعدين لا تييبين طاري اختج جدامه كلش بس لا تطلعينها شينه لانه حرام سمعتها تتشوه حتى لو عشان بيتج
نصيحه لا تفتحين الموضوع معاه وقعدي معاه قعدة مصارحه بخصوص الشغل انتي عندج بنات الله يخليهم لج لازم تشوفين حل بهالخصوص كلش كلش يسعى لهالشي مايكون طرف ياخذ وبس
وكافي انه مايقدر يتزوجها اساسا ولا اهي بترضى فيه اصلا وبعدين ماشفتي دليل ملموس على اي علاقه بينهم يعني كل الموضوع ماله داعي ينطرح قدامه بس تفاهمي على علاقتكم ابعض ولازم يلقى شغل

واجهيه حبيبتي…

يمكن انتي تتهيئين شلون يحب اختج واختج متزوجه وفي بيت زوجها لا تظلمين اختج ولا تظلمينه بعد…

انا اقول صارحيه وواجهيه يمكن انتي غلطانه بهالشي ووتوهمين…

الله يوفقج

لا تيبين له طاري ولا شئ انتي كرهيه فيها بالسوالف
وانتي ماعندج دليل قاطع صح؟

لا تطرين هالسالفه " اعجابه فى اختج المتزوجه" لو ايش ماصار ترى اتسبببين مشاكل عائليه بينكم , تالى لازم يوقف عند حدة ماعندا غاريه ماعندا شهامه رجال يتحرك ويشتغل كلميه بالاول مرتين و3 تالى مافى فايدة خلى احد كبير وثقه يتافهم معاة بس لاتفكرين بالطلاق عندج عيال موواحد والدنيا صعبه يبليج معاج احد لو ظل رياااااال امرج لله

اذا اهوا من النوع اذا تكلمتي عن اي بنت قدامه بتصير فيه هالحاله معناته طبع شين فيه والله يعينج عليه
بس اذا على اختج بس يمكن شايف فيها شغلات حلوه 00قلديها وحاولي كثر ما تقدرين انج ما تجيبين طاري اختج قدامه
ولازم تعلمين اختج بهالشي تدرين ليش00؟؟؟؟عشان اختج تبدي تتصرف معاه بكره شوي او جفاء فمن جذي راح يغير نظرته لها ويشيلها من باله

لا حول ولا قوه الا بالله العلي العظيم

يقولون الاذن تعشق قبل العين فأنتي لا تسولفين عنها ابدا ابدا ممكن من سوالفج عنها حبها و لا تفاتحينه بالموضوع و قطعي سيرتها بالمرة في بيتج .
و الله يهدية ويسخره لج .

حبيبتي ديري بالج لا تفتحين معاه موضوع انج شاكه انه يحب اختج بالعكس ماتدرين يمكن متوهمه ولي كلمتيه بشي جذي تلفتين نظره وهو أصلا مو في باله شي! واختج لاتكلمينها كلش بشكوكج عشان يمكن اهي تفهمج غلط أو انه شتقصدين وعبالج شاكه فيها وتصير مشاكل انتي بغنى عنها و ألزم ماعليج أختج لاتقولين شي ممكن يتسبب انج تخسرينها…وخلج دايما متجدده في بيتج ولا تدلعينه وايد حلاة الحياة تشدين وترخين ومو كل شي نعم وحاضر ترى هم الريال يبي اللي تناقشه وبمرات تعانده بمواقف على قولة البنات وشكثر أسمع هالجمله إنه الريال لي حقرتيه يصير خوش واحد!

أما سالفة انج تصرفين عليه وهو بطالي لا شغله ولا عمله فانتي الغلطانه ولا تزعلين من كلامي انتي عطيتيه ويه وعودتي على جذي ترى اهو الريال مو انتي ولازم يتحمل مسئولياته مو طاااف شايل إيده من كل شي لا ويتفلسف بعد!!!!! لازم تقعدين معاه وتفهمينه انه هالوضع انا ماتحمله ولازم تشتغل واذا شفتيه مطنش لا تصرفين لاتسوين غدى ولي يه قالج وين غداي قوليله سوري الماجله خلصت وماعندي فلوس خلي يحس!! رجاله آخر زمن

والله من سوالفكم أخاف أتزوج خليني بنوته في بيت أهلي أحسن

كلام الاخت عين العقل