|
|
السلام عليكم
شلوونكم حبوبات؟ الله يوفقكم يارب،
عندي سؤال: المتزوجة اللي تشتغل شلوون مصرفج من ريلج؟؟
يعني قصدي انا ما اروح السوق الا مع ريلي ونادر مع اهلي، طبعا مع اهلي اصرف من فلوسي وبراحتي،
بس معاه لا احب ادفع من فلوسي (يعني مو حلوة واقف يمي وانا ادفع) ولا اهو من النوع اللي يرضى يشتريلي بفلوسه يقول عندج راتب 
وبصراحة خاطري بوايد اشياء بس شلوون؟؟؟
يعني مشكلتي هل عادي ادفع بكرتي واهو معاااي؟؟؟؟؟
شسوي؟؟؟
اذا طلع مع رفيجه يحلف انه اهو اللي يدفع
واذا مع زوجته يدخل المحل ويوم الحساب يلف ويهه
بس انتي فكري ريلج اهوه الي يصرف على البيت و الاجار و الجمعية و اليهال و طلعاتكم يعني الله يعينه على المصروف و ما فيها شي اذا سعدتي و انتي شلتي مصروفج بس من فترة لي فترة بالمناسبات اهوه راح ايبلج هدية بالشيء الفلاني لان يكون عنده اشوي خاش
و اهوه بعد انسان يبي يشتري حق نفسه و يستانس في معاشة
من وجهة نظري الحياة مشاركة و الي له عليه بعد انا مستقلة في مصروفي من ناحية السوق و الصالون اما باقي الاشياء علية و الله اعين الريايل على المصروف
بنات ساعدوني عيزت منه اييبله من ناحية الدين ماكرو فايدة يقول دام اشتغلتي يعني مو محتاجه بس الثلاجة اجيلها كل شهر ومعاش الخدامة والياهل
انا أغراضي السوق ماله شغل فيني انا أدفع حتى لوكاان معااي اهوا علييه مصرووف البيت والخداامه واليهاال بس
ما أصير طمااعه
كلمتها للحين ترن على اذاني ريلج ماله شغل في معاشج ولا حتى تقوليله جم ماله شغل فيه
بس بصراحه فطنتني بوايييد اشياء بصراحه ولا رياييل هالوقت اللحين الله يهديهم يبون كله المره تدفع ولاتعلمييينه انج كل شئ تدفعيييين اوكي تقاسموا المصروف لاباس لاكن كله علييج والله بتاكلينها وبيتكل عليييج 100%
انا من ناحيتي ووجهة نظري وانتي براحتج اذا طلعت مع اهلي ومشترا الاشياء العاديه مو احنا الحرمي ماندش سوق الا نشتري عاادي اشتري من حسابي وانا ادفع ، واذا رحت مع زوجي طلعت معاه لا والله ما ارضى انا ادفع اهو الريال ويدفع لي اصلا فشله انا ما احب اشوف المرة تدفع والريال واقف يمها يعني مو حلوه وخصوصا اذا طلعتي مع ريلي تراا كل مشتراج شئ بسيط مو مثل اذا طلعتي مع اهلج
والاشياء الاساسية مثل العيد مواسم الشتا والصيف ملابس سهره حق مناسبات قريبه لا لازم اهو ملزوم فيييها غير التناتيييف الباقيه انا معااااااج لازم لانه شنو يلحق وشنو يكفي هالراتب ماله الايجار واقساط سيارته ومصروب البيت وغير الجمعيه الله يرحمنا
بس اخذيها قاعده خصوصا بالبيت او اي شئ قالج ماعندي هالشهر انا ماقدر ميخالف اذا مو شئ مهم خليه تنازليه عنه وقولي له ميخالف الشهر الياي ننطنر شورانا بس خليه اهو اللي يحط وحتى اذا بساعده برضاي مو غصب ويتعلم اني انا اللي اصرف الكل بالكل.
بس حلو المشاركة بس مو بكل شئ لانه الريال ما ينعطى وي
أسفة على الاطاله
مادري مرات تكون الوحده متفقه مع زوجها ومقتنعه
وتسمع اراء تشيشها وتقلب حياتها
فإنتي واللي تعودتي عليه احسن لج
ودفعي عادي دامه راضي يوقف مرتز وانتي تدفعين سهالات!
ماااااااااااااااحب جذذذذذي اذا اطلع معاه لازم من جيبة لازم لازم لازم اما مع هلي اوكي على حسابي مافي مشكلة
بس خايفة كل شي تغير مايمشي لي مصروفي ويقول خلاص انتي توظفتي مالج مصروف !!!
علموووووني شاسوي اذا قاااال جذذذذذذذذذي
وبس تشتغل المره يشيل ايده ! شهالحجي وهم بعد مو الكل !!!! استغفرالله العظيم
فعادي لما اروح معاه مكان لو دفعت مو مشكله لانه ما سالني عن معاشي وعطاني مصروف
وغالبا هو من نفسه عن طيب خاطر لما اشترى شي يقولي مالج شغل ويحاسب وما يخليني ادفع
بس ترى لا تدققون يعني هو دفع انتي دفعتي مو مشكله بالأول والأخير الجيب واحد.
اشدعوه قاعدين تصرفون على البيت والاجار واقساط سياره واليهال ومعاش خدامه!!! هذا كله الريال قاعد يسويه.. وهم بعد تبون تاخذون منه مسكين شنو راح يبقاله؟؟ مايبي يشتري حق نفسه ملابس او اغراض خاصه فيه؟؟
يعني لازم تقعدونه على الحديده كل شهر؟؟ حتى يمكن يبي يجمّع من معاشه حق بعدين مو قادر..
والي موظفه ابي اعرف جم معاشج الي مو كافيج؟؟ وعلى شنو قاعده تصرفين؟؟
انا للحين طالبه والله استحي اطلب من ريرلي الا اذا كنت محتاجه صج..والحمدالله مو قاصرني شي لا لبس ولا شي ثاني..
خافو الله برياييلكم