|
|
السلام عليكم
بنات حبيت اسالكم منو مرت بتجربتي؟؟ انا حامل باخر الرابع والدكتورة باخر مراجعة قالتلي كل شي زين الحمدلله بس المشيمة نازلة.. وقالت الزيارة الياية بتسويلي اشعة .. مادري ليش الاشعة ..منو مثلي صار بحملها وارتفعت المشيمة ومنو سوت الاشعة هذي عشان تشوف المشيمة؟؟
نزلت المشيمه وقالولها لا تشتغلين وارتاحي بس طبعا امي طااف ماتعرف تقعد راحه لازم اتحوس بالبيت لول
لا تحاتيين حبيبتي لمن البيبي يكبر يتحركـ ويحركـ المشيمه معاه وسبحان الله وقت الولاده المشيمه تصعد
حتى بنت عمي المشيمه كانت نازل و وقت الولاده كل شي صار طبيعي
بس سالفه الاشعه مادري عنها!! انا خابره مو زين
الله يتمم عليج ويقومج بالسـلامه
المشيمه عشان ترد مكانهه يبيلج شهر كامل راحه ماتحركين و لا تشيلين شي ثقيل بس لاتحاتين انشاء الله ماكو الا العافيه
|
المشاركة الأصلية كتبت بواسطة ya7alaty
 امي مرت بهالمرحله على اختي
نزلت المشيمه وقالولها لا تشتغلين وارتاحي بس طبعا امي طااف ماتعرف تقعد راحه لازم اتحوس بالبيت لول لا تحاتيين حبيبتي لمن البيبي يكبر يتحركـ ويحركـ المشيمه معاه وسبحان الله وقت الولاده المشيمه تصعد حتى بنت عمي المشيمه كانت نازل و وقت الولاده كل شي صار طبيعي بس سالفه الاشعه مادري عنها!! انا خابره مو زين الله يتمم عليج ويقومج بالسـلامه |
تسلمين حبيبتي
الاشعة قالتلي عادي ماتضر ومادري عنها اهيا خبرة واكيد فاهمة شنو يضر وشنو ينفع
|
المشاركة الأصلية كتبت بواسطة oum^zozo
عاادي حبي يمكن اشعه قصدهه سونار تسوييلج !
المشيمه عشان ترد مكانهه يبيلج شهر كامل راحه ماتحركين و لا تشيلين شي ثقيل بس لاتحاتين انشاء الله ماكو الا العافيه |
لا ام زوزو
قالتلي اشعة مو سونار وعطتني ورقة اسوي الاشعة واخذ النتيجة واروحلها
قالت بتاكد من ان المشيمة سادة عنق الرحم و وين مكانها بالضبط
وانا بعد مثل حالتج بس ماعطتني اشعه قالت لي ارتاحي بس ماخرعتني وموعدي بعد اسبوعين وحدي خايفه وشسوي عندي بنتي صغيره ومايتني الخدامه ملزومه اعابل فيها واغسلها والله ظهري ذبحني بس الله كريم يهون علي وعليج وكل المسلمين 
عادي حبيبتي ان شاءالله ماكو الا الخير بس ارتاحي وان شاءالله المشيمه ترتفع
ريحي نفسج وان شاءالله خير … بس ماذكر اعرف حامل سوت اشعه ؟؟
وترفعين ارجولج لما تنامين حطي تحتهم مخدة عالية
ولا تحاتين انا بحملي الاول والثاني مشيمتي نازله لي السادس بدت ترتفع
الدكتورة قالتلي ان المشيمة ترتفع لما يبدا حجم الجنين يكبر ويزيد لانه اهو اللي يرفعها
والحمدللله اخر مراجعه لي قالتلي انها ردت طبيعيه
حبيبتي ترى السالفه ماتخرع بس ررتاحي لاتصعدين دري لان انا الدري اثر علي
ولا تمشين وايد وتسدحي واااايد وانتي تطالعين تلفزيون وانتي تسولفين وانتي تكتبين كله تسدح بتسدح وانشالله مرتفعه باذن الله
الله يحفظ الي فبطنج وبطونا ويسهل علينا الولادة يااااااااااااااااااااااارب
انا كانت نازله عندي المشيمه و تنزف بس انسدحت و لا تحركت و لما البيبي كبر ارتفعت
غيري دكتورتج و اخذي راي ثاني لان الاشعه ما يصير تسوينها