|
|
السلام عليكم بنات ..
اول مره اكتب في هالقسم وان شاءالله اخر مره .. من غير مقدمات تفضلوا .gif "Eh S(4)")
انا عندي مشكله بس مو مشكلتي مشكلة رفيجتي وهي عزيزه علي وماحبيت اقعد بدون مادور لها حل
البنت من قطر امها وابوها متطلقين وعايشه مع امها وريل امها , خطبها ولد خالتها اللي فالسعوديه وتوها كانت متخرجه من الثانويه .
اول سنه زواج عسل , بس بعدين قام يغلط معاها وهي من البدايه تسكت عنه وماتتخذ موقف ولا توقفه عند حدها (انا احسها جذي ) وتقول كله يسب ولسانه وصخ
واساسا هو شغله فالمرتبه الاولى يطلع الصبح يرجع الظهر ويطلع العصر يرجع الساع 12 وهكذا ,وهي كله حاذفها في بيت اهله وترجع البيت الفجر
الحين بكتب لكم بعض من مشاكلها او بالاحرى اجدد مشكلتين …
مره كان راجع من الدوام الساعه 12 قعد يشوف التلفزيون وهي راحت تنوم ولدها ويوم جات حصلته نايم على الارض نصه على السجاد ونصه على السراميك
قالت له قوم نام على السرير هو عصب ماخلا كلمه ماقالها ولا سبه ماسبها واتصل في امها وكان الفجر وقال لها شوفي بنتج مقومتني من نومي عشان اقعد معاها !!!!
تقول انا تميت اصيح قلت له شتبي تتصل فيها شدخلها هي هاي بيني وبينك وانت كذاب وتمت اتصيح وبعدين نامت وتم كم يوم مايكلمها هاي اول مشكله
الثانيه ..
مره كانت تعبانه ويايتها الحلوه , وطبعا تعرفون شلون تعبها والمها اللي يكره الواحد بهدومه اللي عليه . خالتها دقت لها قالت بتجيني وحده تعالي البيت عندي
رفيجتي اعتذرت منها قالت تعبانه سامحيني ,قامت الام اتصلت فالولد وقالتله اغصب مرتك اتجي وعند ريلها الا تروح هي قالت انا اعتذرت منها ليش اتدقلك
ولا بس عشان امك قالتلك قلت لي روحي , قام وعطاها كف لانها يابت سيرة امه !!!!!!!!!! اي شي بنات .
تقول تهاوشت معاه ويسب وانا اسب لانه عنيد واللي في راسه يصير
وعلى كل موضوع واتفه نقاش قال لها بطلقج وبحرمج من ولدج , وغير هذا مانعها تطلع الا بس مع اهله بالمختصر المفيد معيشها في هالشقه بين اربع طوف
انا قلت لها المعامله اللي يعاملج فيها عامليه بالمثل واذا قالج ليش قولي انا صابره على ضيمك واللي تسويه فيني وبعد ماتحترمني ؟ واذا انت مفكر اني صابره عشانك غلطان
صابره عشان هالولد المسكين مابيه يتشتت .. قال لها على بالج بصيح على فراقج ؟ قالت له ليش من قالك اني ميته عليك اصلا ؟ قاعدتلك بس عشان الولد
بنات انا قلت لها بحط موضوعج وهي بتدش تقراه وانا ابي اساعدها . ارجوكم الجاده واللي رايها حكيم تتكلم ! ابي راي يكون في مصلحة البنت
مابي اشوف رفيجتي لاسمح الله مطلقه ابي ريلها يرجع مثل قبل ,.ابيها تعيش حالها حال هالمتزوجات
واللي بتقول عادي هالمشاكل اتصير في كل بيت ادري والله ادري بس مشكلتها انا اشوفها تعور القلب ولازم نعالجها دامها فالبدايه
واللي ماعندها رد تكفيني دعوه حلوه منها وتدعون لها الله يريح قلبها وييسر امرها
حبيت ارفع المرضوع ..
اااب
يا غلام إني أعلمك كلمات
احفظ اللَّه يحفظك، احفظ اللَّه تجده تجاهك،
إذا سألت فسأل اللَّه، وإذا استعنت فاستعَنْ باللَّه،
واعلم أن الأمة لو اجتمعت عَلَى أن ينفعوك بشيء لم ينفعوك إلا بشيء قد كتبه اللَّه
لك،
وإن اجتمعوا عَلَى أن يضروك بشيء لم يضروك إلا بشيء قد كتبه اللَّه عليك،
رفعت الأقلام وجفت الصحف
عليها ماتساله ولا ترادده وتاخذه على قد عقله وتشوف شنو اهو يحب
وتسويله خليها تاخذه بالكلام الحلوصدقيني بينفع ةالله يصبرها
وهي ترى ماتعانده بس يوم شافت اسلوبها وشلون ساكته مافي الا هالحل
واساسا ماتساله ليش متاخر من بداية زواجهم وهم جذي
دورولي حل بس يريح قلبها
اختي مهره انا قلت لها عليج بالاستغفار وصلاة قيام الليل والوتر وماتترك صلواتها وتتصدق وان شاءالله كلشي بيمشي
الله يصلح احوالها ويهدييييييييه
خليها تكثر من الإسستغفار
والدعاء
وربك كريم مجيب
المشكله لاغويصه ولامربعه ولاحتى مستطيله إلا وآضحه بس إهي ختفكر شووووووووي.؟
عزيزه مكرمه أميره …الخ هّذآ كِله يوم كانت قبل عند اهلها والحين
ذليله مُهانه وّتعباااانه أضن في هالحاله لازم توقفه عند حده وإهي مو مضطره تقعد معّ شخص مايحترمها
أنا ما أقول تطلق لأأأ إذا في حل لمشكلتها ؟؟
والحل إنها تتفاهم معااه وتحاول إنها تناقشه في الي يضايقها بِ الموضوع .؟
تقوله أو حتى إذآ عجزت منه تكتب له بورقه على شكل نقاط :-
1- انت تعاملني معامله سيئه
2-إنت ماتحترمني
3- ……………………الخ
إذآ مانفع كِل ههّذآ فيه إستخيري ربج وإدعيه وترى الدٌعآء عِلآج سحري
وتصبر عليه فتره يِمكن يعقل ويدير باله عليهاا
وإذآ ماكوو نتيجه
تشيل عفشها وتروح لأهلها عزيزة نفس ولامنذله عند زوجها وخلق الله .؟
إذآ الله كِتب بيرجع يدور رضآها
وإذآ الله ما أراد ( عسى أن تكرهوآ شيئآ وهو خير لكُم )
الله يعوضهآ
..