|
|
خواتي الكويتيات
وصلتني هالرسالة من اخت معانا بالمنتدى وتبي تفيدونها بالرأي السديد
وراح أعرض عليكم الرسالة مثل ما وصلتني
| انا تزوجت من سنه —–كان عمري 20 وزوجي كان عمره 21 المهم كان زواج تقليدي واحنا على معرفه معاهم وابوي قال لي طلبي شقه بس انا قلت مو مشكله اسكن معاهم كنت اتعامل بالنيه الزينه ما ابي اشين نييتي لكن اكتشفت اني غبيه المهم ام زوجي قالت راح نبني لج دور و…و ومرده غرفه وحده وبالغصب اطلعت يوم قرب العرس بالغصب شريناها وعقب ما يبت ولدي الثاني حطولي غرفه ثانيه والله باثاث قديم ويلوع الجبد امي يوم شافته قامت تبجي وقلت ماعليه اصبر واتحمل واهو البيت صغير وكلمته خل نطلع بشقه ما رضى حملت بولدي الثاني وياب لي خدامه بالغصب وتوظفت المهم قرر انه يوسع لي واحد من ربعه او اهله ايا كان حسبي الله على الي شيشه اقنعه انه ياخذ قرض طبعا من بنك ربوي زوجي كان حسابه ببيت التمويل وحول حق بنك ربوي وخذه يمكن 25 الف وكيش سيارته وسياره خالتي وعليها بالعافيه تستاهل بس انا ما شفت شي وعقب ولدي الثاني بشهرين تطلقت وطبعا راحت فلوس القرض على المحامي الي حطاه وعلى سفر وعلى اهله وعقب 5 شهور رجعت لزوجي وهم تنازلت ورضيت اني ارد بالغرفتين بس عشان عيالي وما انكر زوجي صار نوعا ما قد المسؤوليه والمهم صرت ايمع حق سفرات واهو يحط معاي بس الي احطه اكثر تخيلوا ولا مره سافرت مع زوجي بروحنا كله ناخذ خالتي وحماتي الصغيره معانا اقول ما يخالف طيبه وتستاهل وتحبني واحبها المهم عمي من غباءه باع البيت علشان انه صغير ويبون الوسع هالكلام كان 2024 واول 2024 سكنا باجار دور ونص وهم عطوني غرفتين بحمام والغرفتين الي جبالي وحده حق حماني اثنين ووحده حق حماتي الصغيره وحماتي الكبيره متزوجه ببيتها المهم على اساس ثلاث شهور وبيشترون والحين بنكمل السنتين بهالاجار وعيالي كبروا وانا حدي حاسه بضيج فلوسهم ضاعت يعني مالهم امل يشترون بيت خالتي كل ما سافرت ويانا عطاها عمي وشرا لها سياره وحق حماي سياره واجار الدور 500 دينار وانا احن على زوجي نطلع مو راضي والي يبط الجبد يبيني احمل وانا مو راضيه قلت له انسى لما توسع لي تخيلوا يقصون منه قريب ال 400 دينار وهو شرطي بالداخليه مايصفى الا يمكن 300 دينار ومن بينهم بدل الاجار لانه ساعت يوقف يقول لهم لاتسحبون وتدرون كل ما وقف تزيد الفوايد والقرض مدته 15 سنه يعني باقي يمكن 10 سنين واي حدي مقهوره مادري شالحل والله اني ما افتخر بنفسي بس انا بالرغم من عصبيتي طيبه طيبه طيبه حيل مع حمولتي تخيلوا خالتي طلبت مني سلف الف دينار خذيت لها قرض من التمويل عليها بالعافيه اهي راح تسدد لي كل شهر بالاقساط بس مافيه وحده تسوي الي انا سويته حتى بالصيف الياي بتسافر وياي وماقدر اردها تكسر خاطري اهي بروحها نفسيتها مو ذاك الزود وتبي تستانس اهي الله خير ماتدخل بالسفر ولا تفرض رايها كله وياكم وين ماتروحون والله اني اكتب ودمعتي على خذي والله على طول ادعي واستغفر وناطره الفرج من ربي ابي اتوسع بس مافيه مجال احنا مقدمين على بيت بس متى راح يطلع ياطول الليل كل ما يبت له سالفه الطلعه تنقلب مشكله ياربي تعبت تعبت ادعولي بالفرج تكفون ادعولي انه الله يوسع لي برزقي ويرزقني بالسكن الي احلم فيه ساعات اندم اني صرت طيبه يا ريتني ماتنازلت والله بهالزمن ما يمشي الا الشرير ولا الطيب ماله حظ ابي حل لمشكلتي والله تعبت تعبت اللهم اجرني في مصيبتي واخلف لي خيرا منها وانصرني على من ظلمني |
ودام حمولتج زينين..
وكافين شرهم الحمدالله..
ما يقدر يطلعها طبعا مع القرض والمصاريف
ماتقدر تشتري بيت
ماتقدر تأجر شقه
وشكلها تصرف على البيت
الحل شنو عن تجربه بنات الريال اللي موسنع بالفلوس شيلي ليدج عنه وقولي ستوب يصرف على عياله ومعاشج لج مالج شغل بأهله ولا تسددين عنه شئ
كاااااااااااااااااااااااااافي
الطيبه شنو فادتج فيه لازم في مواقف الواحد يشد حقج بالشرع والقانون
تطلعين صعبه وايد الا اذا ساعدتيه
الله يسخره لج بس كل البنات نفسج ادري والله
كثري من الاستغفار والدعاء وقيام الليل والصدقات
وخلج متفائله ووااثقه ان الله معاااج
– (إن الله مع الصابرين)
وان بعد العسر يسر
حبيبتي حاولي تتنازلين عن أشياء وكماليات وحاولي ترتبين احتياجاتج حسب الاولويات وان شا الله تنحل الأمور
وبالنسبة للسكن ما انصحج فيه الحين لان حالتج الماديه صعبه الاجارات ناااااااار .. أردى شقه ب250 دينار وانتي تقولين يصفالكم 300 .. انا اقول خلج الحين صبري لما تتعدل أموركم وبعدين طلعي لا تناشبين الريال واهو من داخله يدري ومتأكد انه ما يقدر على مصاريف زياده
انا حاسه فيج بس شاوري روحج وبتلقين ان الاجار بيزيد مشاكلكم أكثر .. لان الحاله الماديه الحين مهمة واااايد عشان تقدرين تعيشين عيالج مثل عيال الناس
الله يفرجها عليكم من اوسع أبوابه .. وان شا الله تتحسن أوضاعكم بأسرع وقت
؟؟؟؟؟؟؟؟؟؟؟ و اكيد يعني ما تبين تطلعين من قرقور تروحين قرقور ثاني ؟؟؟؟ من كلامج مشكلتج مشكلة حيز و مكان و مو متضايقه من اهل ريلج و تذكرين انهم طيبين ؟؟؟ الحمدالله صبري لين الله يفرجها يبدل حالكم عمج يلقى بيت
المهم لين تنحل مابيدج شي غير تدعين و تاقلمين نفسج مع المكان و الاشخاص عشان تذوقين صعم السعاده حبوبه
الحين الماديه اووكيييه ولا تعبانه ! !
وانا قبل نفس حالتج وللحيني ابي اتوسع وامي قالتلي على شغله صج انها تغث وانتي اللي راح تاكلينها بس الرجال راح يطفش ورااح يختنق واهو ا بنفسه للي بيدور على شقه
احملي وتوكلي على الله كثري عليه العيال يصكووون عليه صكه
وفي الاول والتالي تراهم لج بعد مو بس له نعمة العيااال
والله يعينج ياعمري
وان شاءالله هالردود تهون عليها مشكلتها
وبانتظار المزيد من الردود
ياليت تفيدونها على المشكلة المطروحة بدون أسئلة
وشاكرة تعاونكم
بس انا اقول دام عليه قرض ومايبقى شي ليش كل سنه ضروري السفرات !
مالها داعي
وخاصة ماتقدرون تطلعون لأن زوجج ماعنده يدفع إيجار شقه وكل شي ألحين حده حده إشلون بتطلعون بشقه يمكن بتتعبين زيادة ولاتنسين الشقه اليديده مو بس إيجار مصررررررررف زياده ومالجه وأغراض وأثاث بتأثثينها وبعد فتره من الإستهلاك بتغيرين وبتشيلين وبتحطين هذا إذا ماصار عليكم الماي والكهربا بعد
الصبر وإن شاءالله يفرج همج وضيجتج
.gif "Eh S(15)")