مشكلتي مثا مسلسل دمعة يتيم نصحوني يا أهل الخبرة

بسم الله الرحمن الرحيم
أكتب لكم قصتي و أنا طالبة مشورتكم و نصيحتكم لي
أذا كنتو شايفين دمعة يتيم قصة هند البلوشي مع زوجها شلون أبوه متحكم فيه أنا قصتي نفسها و أخس منها زوجي معه ألي رباه ريل خالته نفس الموضوع مايخلييه حتى أيي البيت و تخيلو حتى سوالف إلي تصير بالفراش يقولله ياه و ساعات ما تكون بيني و بينه مشاكل قوله أنا متهاوش وياهه و زافها و طاقها و يسبني جدامهه و أنا ساكته و متحمله غير هذا أهوا ما يكلمه جدامي أذا يبي يكلمة يطلعله أي عذر عشان يطلع يكلمة ساعات يقول بغط الزباله و يقعد نص ساعة لما خيرته بيني و بينه أختاره أهوسجلت مكالماته و أنصدمت أنه يقوله كلا شي حتى يوصفله أنا وين قاعده و شلابسه أنا تعبت صبرت 5 سنين على هالحال بس تعبت ساعات يمنعني من أطلع من البيت لأن هذاك قايله أنا الحين طلبت الطلاق و طلعت و قتله تبيني تروح تعالج عند دكتور أو تتركه مو ليه خلاص و أهوا أختار الطلاق على أن يتعدل و يشتري بيته و أنا عندي بنتين تركتة من أول رمضان و ما شاف عياله و لا يسأل حتى عنهم مو هامه شي
نصحوني قراري صح و لا خطأ

والله مادري شقولج بس ماحبيت أطلع من غير لا أرد ..

حاولي فيه لما يهدا وقوليله ان ما يجوزة تقول شي خاص بيني وبينك وفهميه ..

واذا ما فاد دخلي أحد فاهم كبير من اهلج أو أهله أو الاثنين وقعدو قعدة جدية خل يعرف ان اللي يسويه ما يرضى فيه لا الله ولا رسوله وان قراره بيده مو بيد أحد ثاني وأي شي يصير فيج وفي عياله هو المسؤول الأول والأخير ..

وما أقدر أقولج اذا اللي سويتيه صح ولا لأ .. يعني اخذي الراي من الفاهم .. وديري بالج تاخذين بنصيحة أي أحد ترى هني المنتدى طبايع كل بنت وكل عايلة وطرقتهم بالحياة غير عن بعض وكل وحدة تختلف عن الثانية يمكن احد يفيدج بس مو كل شي صح ..

واخذي الراي السليم من أحد فاهم ..

دقي على مكتب استشارات أسرية احسن

ان شاء الله أكون فدتج حبيبتي .. والله يهديه ويكتبلكم اللي فيه الخير .. وعليج بالدعاء والاستغفار يمكن الله يهديه ..

الله يعينج ياحياتي وانصحج الاستشاره الاسريه

الله يعينج زوجج حالته صعبه لانه تعود على جذى موسهل تغيرينه بس انتى حاولى مع الدعااااء والله يسخرة لج

والله مادري شقول لج

لكن كثري من الاستغفار

الله يعينج

ياقلبي انتي لازم تتفاهمون دام بينكم اعيال ..

دخلي احد كبير بالعائله وان شاء الله تنحل الامور

مشكور كل من رد علي دخلت أهلي في الموضوع و ما كان فييه فايده أنا مو حابة أتنازل عن قراري عشان ما يحس ظانه أهو قوي و أن أنا ما اقدر أستغني عنه أبي يفهم أن الوضع صعب عليي أهو الحين بس ههما أني ما اقول حق أحد من خواته عن هذا الموضوع أدري وضعي صعب و انا ما عندي كاقة أستحمل ظاكثر أنا أستحملت 5 سنين مو سنه و لا شهر تعبت و الله يسهل بس حابة أسمع أرائكم و مشكورين إلي ردو

مسكين ريلج صج مريض مسكين .. تلاقينه رابط حنان امه وابوه اب هالريال وعباله انه اذا بيخسره راح يخسر كل شي عشان جذي مو قادره يستغني عنه .. الله يعينج حبيبتي

انا اقوول صج ريلج مسكيين و محتاج علاج … حاولي تكونين له الام و الابو .. لانه شكله فاقد الحنان و يشوف زوج خالته اهو كل شي بالدنيا لانه اهوا اللي رباه … و علييج باصلاة و الاكثار من الدعاء … انزيين ما حاولتي تكلمين خالته ؟

لااااااااااااازم يتعالج وموعيب اصلا
بس المشكلة شلون تقولين له
حاولي معاه او دخلي احد كبير بالعايلة
والله يهديه يارب

يووووووه اذا نفس القصه عزالله مو رجال هذا

شنو من صجه في رجل يسوي اللي قاعد يسوه اسمحيلي والله

لازم في موقف لازم شي جايد يعدل مخه شوي

والله يحياتي الله يعينج بس انا ما احب المره الي تستسلم واتهد بيتها

انا ادري يمكن اتقولين الي ايده بالنار مو نفس الي ايده بالماي وانج صبرتي خمس اسنين بس لا تنسين حبيبتي ان انتي اللألى ولج الحق فليش
اتخلين حقج واتروحين واجهي وكافحي وحاربي عشان حقج ما عليه مره صبري ومره عصبي بس لا اطلعين اصلا اهو هذا الي يبي يبيج
اطلعين واتخلينه عشان ياخذ راحته بس حريمته قعدي على جبده وقلبه وقوليله بشوف انا ولا اهو

صابره خمس سنيييين وشلون يقوله ويكلمه عنج ولا حتي بالفراش يقوله شنو صار @@
حبيبتي كلميييه قولي لاي احد مو سالفه هذي !

مشكوريين واييد
بس الوضع الي أنا فيه ما اقدر أرجعلة أنا تركتو و قتله تبني أرجع تعالج ما ابي أرجع الحين و أهوا ما راضاني لا و دزلي مسج أشيل أغراضي من البيت ما أقدر أدوس على كرامتي و الله الوضع إلي أنا فيه وايد صعب ما أعتقد أحد يقدر يعيش فيه أنا كنت أسمعه بأذوني يتكلم عني و غير جذي كان يفتحلة سبيكر و يسمعه صوتي و ساعات يزفني بدون لا أكون مسويه شي و فاتحله السبيكر و أسمعه و أنا أدري و أبجي و أسكت و مره نايم بالصاله و يدق علية و يقوله أنا نايم بره أي أنا أنام وياها تخسي تعبت و الله نصحوني