مشكلتي السفر المفاجىء

السلام عليكم

مشكلتي قديمه وملازمة لي من زمان ولا لقيت لها حل

زوجي دايم يسافر وفي اكثر المرات يفاجئني انه مجهز شنطتة وماشي او يكون بالمطار

وتوة يبلغني ومرات كثيرة يروح من غير ما يقولي وترى ما بيننا اي مشاكل وحياتنا طبيعيه

ولما يرجع تبدأ المشاكل لاني اكون متضايقة منه ومن تصرفاته ونزعل شهر شهرين عادي

ولا يهتم وما ادري شسوي معاه قبل لما كنا صغار كنت ابلغ امه واخته لكن ما استفيد منهم

شي بالعكس تزداد المشاكل والحين كبرنا وصاروا اعياله طوله وهو ما تغير امس شال ملابسه

وطلع وسكر تلفونة وخذا جوازه ………………………..

اشرايكم انا ما اقدر اكلم احد ولا ادري شسوي متضايقة منه كثير ولا ينفع معاه الكلام وتعبت من

المشاكل صرت ما اعرف صدقه من كذبه والعايله واحده والله يعين

حاولي تتناقشين معاه وخلي يفسر لج سبب هالطريقه والمفروض هالشي من زمان بس انتي حاولي بالهداوه وبدون نقاش حاد يمكن توصلين لحل لمشكلتج
والله يسخره لج

حاولت وتناقشت معاه مليون مرة ويوعدني ما يسويها ويرجع لطبايعه اللي ما تتغير

حبيبتي الحال من بعضه والله ان حتي انا سافر قبل يومين وانا انصدمت منه انه رايح تايلند ولاقالي طيارته الفجر تدرين منو قالي انه مسافر السايق قالي بابا سافر امس والله انصدمت والله هالرياجيل مامنهم فايده اللي ضايع بس هالحريم المساكين والجهال والا هم يدبرون حالهم لابعد ولسان شطوله ولاعاجبته المره

يمن سفر لشغل معين او شي بالشغل مفاجئ خلاه مايقولج ويلهه الله يسخرة لج

فكري بعقلج مو بقلبج

لازم تناقشينه مناااقشه جادة لما يرد انا والله مو قصدي أشيشج بس لاازم تكلمينه بصراحه

اللة يهدية

مشكورة لتفاعلكم واختي هو ماله اشغال برا يسافر يونس نفسه

والله يهديه

الله يهديه لج يا رب

الطبع بغلب التطبع ،

واذا طبعه غير من هو وصغير صعب يتغير هلأ حبيبتي ، بس حاولي بقدر المستطاع انتي تهدي بالك ،لانه هو هيك هيك مسافر وماحد رح ينقهر غيرك

الله يعينج

خليه يساافر ماتوقع تقدرين تغيرين طبعه عقب عشرة عمر

ممكن لو كان باول الزواج بس الحين ماتوقع !!

حاولي تهيئين نفسج وتتماشين مع طبعه والله يهديه لج

الله يعينج حبيبتي
بس دام عيالج صارو طوله وهذا طبعه من عمر
فاانصحج تتقلين طبعه
لان الطبع مايموت الابموت راعيه

الله يهديه بي انتي لا تعبين نفسج مرده لكم