مشكلة الستايل والحموله

مرحبا بنات

انا مشكلتي انه ستايلي غييييييير عن اهل زوجي
انا ذوقي غير انا احب البراندز والفاشن .. اهما ستايلهم دفش شوي يحبون المشاغل وهالاشياء
فا دايم اللي البسه ما يعجبهم .. يعني مره باستقبال لبست بدله حلوة ومن بوتيك معروف اهما انتقدوني لانه لونها غامج @@

الحين المشكله انه عرس حماي بالعيد
وانا متردده البس على ذوقي ولا اصير نفسهم عشان اعجبهم

شتشورون علي ؟

ترى انا موكبيرة بالعمر

تبين رايي انا اقول ارضاء الناس غاية لا تدرك
خلج على ذوقج واستايلج باللبس لانه يحدد شخصيتج (( طبعا اللبس المحترم ))
ولا تحاولين تقليدين ناس معينه او انسانه معينه لا .. خل تكون لج شخصيتج المستقله باللبس

حبيبتي لا طبعا خلج على ستايلج وانتي شنو تفضلين

بالعكس خلج على ذوقج واستايلج
هالشي راح يميزج ان اسلوبج غير عنهم باللبس
وبعدين حبوبة انتي مو عاجبج لبسهم ،، خلاص مو الا يعجبهم لبسج

لا طبعا على ستايلج وذووقج حبيبتي

شكو فيهم دام مو عاجبج ذوقهم ولا لبسهم شكو تلبسين شي مثلهم

خلج غيييييير ويوونيك وراقيه بستاايلج وذووقج

لا والله خلك على ستايلك ومع الوقت بيتعودون عليه ،،
منتي ملزومة تغيرين ذوقك ولبسك كله ، عشان مو عاجبهم !!!
وماعجبتني كلمة ستايلهم بداوي ! حبيبتي كلن وذوقه ، يعني البدو مايعرفون الماركات والفاشن والبراندز ؟؟؟
والله يابنات عليكم كلام مرات مدري شلون صاير !!!

استفدت من ذوق حمولتي انه كله البس غامج اموت عالاسود

وخالتي ام زوجي تقولي يايمه غيري يايمه مايصير انتي صغيره ليش هالغوامج

وانا ماحب الا الغامج

ولمن غامرت ولبست فواتح طلع علي روعه

فانتي نوعي مرات ذوقج مرات ذوقهم وجذي ..

طبعا تمي على ستايلج لأنه هالستايل هذا اللي تفهمين فيه

واذا علقو عليج ردي عليهم بطريييقه اتنقدهم على عمرهم قوليلهم ويييييي شخباااري هالبدل صارت موضتهم قديمه الحين جذي الموضه وانا بدلتي خذيتها من الماركة الفلانيه الحين هذي الهبه البسيط والناعم والراقي
المهم قطي عليهم من هالحجي اللي يحسسهم انج واثقه من ذوقج
موووو لما يقولولج هذا مو حلو تسكتين وتهتز ثقتج ابنفسج واتقولين ليش ما اصير مثلهم عشان اعجبهم >> وانتي شكو فيهم عنه ما عجبهم اهم شي تلبسين اللي يعجبج وترتاحين فيه

اختي الي اسلوبه حلو اكيد ستايله راقي واحنا ما نشوف بعض بس من الاسلوب الحلو نعرف بعض فبايخ حيل لما قلت استايلهم بداوي اكشخ بنات بنات البدو وشكلج رافعه خشمج على حمولتج الي هم اهلج

خلج على طريقتج ومالج شغل بالناس احسن شي هم عشان تتميزين

خليج على ستايلج

بس انا اقووول خليج على ستايلج ومالج شغل بأحد

وابي اعلق على كلمة بدااااوي ترى طووول عمر البدو كشخه وفي منهم لبسهم مووووووووطبيعي وترى كلنااااااا اهل مافي قرق بيناااا <<<<ترى انا احضريه بس اموووت بالبدوو

شكرا يالغاليه

ماعليج منهم خلج على ستايلج واكيد راح تكونين مميزه بينهم

واذا قالولج اي شي قوليلهم الناس أذواق

والله بصراحه لبس البدو يهبل فدييتهم احلا شي ومصممين معروفين وناعم والناس اذواق بعدين هذول بحسبت اهلج لو الشي مو حلو بيقولون مو حلو مو من صالحهم انج تطلعين بلوك مو حلو وبعدين مافيها شي اخذى بنصيحه غيرج انا ويانا بنات لبسهم يفشل ومكياجهم مو شي والله لما نقعد نقولهم عادى ترا هالمكياج مو حلو عليج وتاخذ بنصيحتنا وعقب تغيره وتصير شحلاتها مافيها شي مو شرط اللى انا مقتنعه فيه اهوا الحلو احنا خوات بينا بين بعض مرات مايعجبنا ستايل بعض ونعلق وننصح بس انتى الظاهر حساسه وصارت قضيه بدو وحضر عندج