|
|
انا عندي مشكلة وهي الحفظ
اني احفظ وانسى
خصوصا المواد حق الدين
انا احب مواد الفهم اكثر
ف لما اجي للحفظ فالخبط كثير
ارجوكم ابي شي مجرب 
قبل بكرة وبدعي لها
آكيد لما تحفظين ما تفهمين الكلام الي تحفظينه ..
او مو مركزة اثناء الحفظ ؟!
ركزي .. وشدي حيلج
بس مـا كنت أحفـظ كللللللللللش 
و الحمدلله نسبتي اتيـنن
اللي كنت أسـويـه ألخص بإسلـوبي
اقرا التعريـف افهم شنو اهـوا و اكتبـة بصفحـة بأسلـوبي
يعني المنهج مثـلا 70 صفحـة ألخصـه بـ15 صفحـة و جـذي
و كلهـا بإسلـوبي
والله يـوفقج يـارب
وبعدين طلبت العون من الله
انتي افهمي السؤال واكتبي على فهمج الدراسه مو تكرار تعليم
اركز صدقوني بس ما اقدر
الملكة اذا عرفتي ممكن تخبريني
((اللهم اني استوودعك ماقرأت وماحفظت وماتعلمت فرده لي عند حاجتي اليه انك على كل شئ قدير))
اذا نسيتي بالامتحان قولي (اللهم ياجامع الناس في يوم لاريب فيه اجمع علي ضالتي ) واستغفري واجد راح تلقين الاجابه طلعت ماتدرين من وين
وبالتوفيق
ثآني شي لا تحفظين جذي لا بس رآجعي كل يوم كل يوم الي حفظتيه او اذا ايام امتحانات راجعي الكلآم 24 ساعة
وانتي تاكلين وانتي تسبحين وانتي تمشين وانتي تسوين اي شي كله رددي الكلآم
وسبحآن الله مع الأيآم ان شاء الله تتعودين عالكلآم ويصير مثل اسمج
عرف وحدة اذا تبي تحفظ تسويه على نشيدة لوول يعني تقوله جنه تقول نشيدة
ومرة جربنآ الطريقة على تعريف قديييم صارله قريب سنتين ثلاث بس ليلحين اذكره لان على نشيدة كآن
الشي الثآني الي تقدرين اتسوينه انج ترسمين حق نفسج وانتي تشرحين وكل مآ مشيتي رسمي يمكن انتي نوعج بصرية تحفظين بالشكل مو الكلام
يعني مثلا تعريف المساواة ( جميع الافراد متساوون في الحقوق والواجبات امام القانون ) رسمي رسمة بنات وصبيان يم بعض بعدين علامة يساوي بعدين كتبي كلمة القانون وحفظي التعريف على اساس الرسمة (:
الشي الثآلث والي انا اتبعنه ومسهل الدراسة علي اهوا ( التفلسف ) لووول
يعني لمن تحفظين روحي عند امج واختج واخوج واهلج كلهم وقعدي تفلسفي عليهم بالي حفظتيه قوليلهم تدرون ان الشي هذا نقدر انسوي من جذي وجذي لكن بطريقة ابسط من ان لمن نسوي جذي واساسا تعريف الشي هذا جذي….الخ وحتى لو هدوج وراحو روحي عند حتى الخدامة واليهال تفلسفي عليهم واذا كلش كلش صكري على نفسج الباب وسوي مسرحية مع نفسج ان انتي بالصف وقاعد تجاوبين بثقة وان يالج السؤال الفلان وجاوبي عليه واخر شي قولي الامتحآن سهل وناسة وبعدين حطي نفسج بدور ثاني انج ابلة وتشرحين حق طالبات ولا شرحي حق طلبة احسن عشآن اذا غلطتي تستحين وما تكررين الغلط
الطريقة الرابعة شرحي حق نفسج بنفسج وربطيه بمثال موجود بالواقع مثلا كنتي تدرسين عن الجاذبية الارضية وتعريفهآ اتذكري مثلا احد طاح طيحة تضحك وابدي تقسير الطيحة وشنو سببها وجذي
حآولي تجربين هالطرق وصدقيني انا قبل كنت اكره الحفظ والدراسة وكل شي لكن لمن طلعتلي طرق اخلي بالدراسة وناسة قدرت احب الدراسة واشتاق لها بعد بس عشان اتفلسف واسوي مسرحيات واشرح واعبر p;
ادرسي مكان بروحج و حاولي وانتي تحفظين مثلاً تعريف
تسوين سالفه وتبسطينه او تربطينها بشي من اخوانج انا جذي احفظ :d
ولو تدرسين بسبوره واقلام راح تفهمين اكثر
و الله يوفقج ان شاء الله
up