مشكلة اختي ويا ريلها وانا بنوته ماتزوجت ياريت المتزوجين يردون علي

بما اني اقرب وحده لها فقالت لي ولاني ادري انها متزوجه عن حب وادري بعلاقتهم قبل الزواج الوحيده اللي اعرف ولانه خوش ولد ما اعترضت ولا بهالسوالف ماحبها كلش

المهم الولد طلع خوش ولد وخطبها وتمت الملجه والزواج وصارلها الحين 8 اشهر قولوا مشاءالله الله يوفقهم

بس فيه شغله قالت لي عنها وشاورتني وانا ماعرف بهالسوالف
قالت لي ريلها خوووووووش واحد ويصلي وحليو وطيب وحيل طيب وماعنده سوالف طلعات وسفرات ولا سينما ولا مطاعم حياته ديوانيه وحداق والبيت وبس

تقول شي مظايقني ويأثر فيني تقول لي من اول ماعرفته بكل مناسبه ايب له احلى الهداياااااا
وسنعه واقط فلوسي على اشياء سنعه واهوا بعيد ميلادي بط جبدي يقول لي شيبون؟؟ ماعرف؟ شنو بخاطرج تقول بط جبدها يشاورها بالعيد ميلاد ازعلت قالت مابي شي لوووووول والله لو حاصلي اطلب اللي ابيه

تقول كلش مايعرف يشتري ويسألني دايما والهدايا اللي ايبها موشي ويستحي من الحريم يخجول حيل تقول لدرجه اذا بيدش ستاربكس ولا مكان واهيا بالدوام يدق عليها يقول خليج وياي بالتلفون عشان الهى كله بنات اهني وبيسوي معاملاته اذا مره يدوده ولايحب يدش صالة الحريم بالعروس يقول ماكو شغل ادش صالة كلها حريم يخزوني

السالفه اهيا تقول شلون ايب لي هديه سنعه وحلوه تقول امنيتي ايب لي عطر فرنسي ولا تلفون ولا هديه حلوه تقول اهوا حرام ايب لي من اجمل والرصاصي بالخلطات العربيه والدهن العود والبخور ذوقه حلو والفرنسي الظاهر مايدش يخاف الحريم يناشبونه لوووووول

فتقول لي شلون ايب لي هديه بدون لا يشاورني مايعرف يفاجأني كللللللللللللللش

شتنصحونها ؟؟
تقول هذا شي طبيعي ولا بس وياها اهيا تقول امبيه ترددت بالزواج بسبة هالسالفه قلت شنو هذا يستحي من الحريم وخجول بعدين شفت وايد اشياء حلوه فيه وكل بنت تتمناها واتقاضيت عن هالشي ولانه اختي حساسه الحين تفكر بهالسالفه عيد ميلادها بقاله شهر تقول مابي تنعاد السالفه ودي اغير هالطبع فيه
انه يهديها ويفاجأها بدون لا يشاورها

ومشكورين سوري على الكلام الوايد بس ابي رايكم انا مادري والله ماعرف شقول لها