|
|
مساء الخير
بنات انا واااايد متضايقة و جيت لكم اليوم ابي افضفض شووووي يمكن ارتاح
انا متزوجة من 5 سنوات وعندي عيال الله يحفظهم
وبهال 5 سنوات ما مرت علي أيام تفاهم مع زوجي كثر ما مرت علي أيام الهم والغم والنكد
في بداية زواجي انا ما كنت اعرف اتصرف مع زوجي كنت صغيرة و قليلة خبره
غلطت معاه واااايد سواء بتصرفاتي او اهمال او حتى بطولة لساني لما نتهاوش !!
لكن الحين وضعي تغير وعرفت كل اغلاطي وقمت اتجنبها
اهوا شنو مشكلته انه بصريح العبارة مو مستعد للزواج !! مادري ليش فكر يتزوج و يبلشني معاه
من اول ما تزوجته بعد 4 شهور اكتشفت انه خاين و وقح بخيانته
يعني ما خلا بنت بالكويت ما يعرفها وكان يعرفهم من قبل الزواج ولا قطع علاقته في بعضهم
مليووووووووون مرة اكتشفت خيانته بكل الطرق تلفون نت مواعد صور أثار حمرة وغيره بسيارته
واهوا شايف انه الخيانة شي عادي وكل الريايل يخونون حريمهم !!!
طبعا هذا غير اهماله الشديد للبيت واليهال و ليي طبعا
هذا غير انه 24 ساعه طالع يرد البيت حق النوم أو الاكل أو عشان يبدل ملابسه ويطلع بسسس
طبعا مع كل هذا بين فتره وفتره لااااااااازم ينام برا البيت
واكتشفت انه عنده شقه بصراحة مادري هي له ولا حق رفيجه
تخيلوا الاشياء اللي يسونها الريايل في بيوتهم مع عيالهم وحريمهم هو يسويها بالشقة التعيسه ربي يحرقها قولوا امين
يعني حاط له شوتايم هناك وبليستيشن وكل وسائل الترفيه و بالبيت يقول ازعاااج اليهال ماني حاط !!!!!!!!!!
طبعا هالاشياء اكتشفتها من طرق خاصه ولكن اهوا ينكرها بس انا متاكده من كلامي
لا تقولون عادي الريال ينام بمخيم ولا شاليه
اهوا ينام مع ربعه يا بيتهم يا بالشقة التعيسة
هذا غير ان فلوسه طايره ما دري على منووو ومادري حق منو ماخذ قرض ويوم اساله وين راحت فلوس القرض وانا ماشفت عندك شي يقولي طارت ماادري على شنو نسيت !!!!!!!!!!! بذمتكم في واحد ما يدري طارت فلوسه على شنو ؟؟؟؟
ربعه اللي لازق فيهم عزوبية واذا واحد تزوج يقوم ريلي يدور بداله واحد عزوبي
عايش الدور انه للحين عزوبي
ياربي انا تعبت والله
كل شي سويت له
دخلت اهله بالموضوع ماكو فايده دخلت اهلي ماكو فايده
الحين تمرد حيييييييييييييل
قام يسبني على اتفه الاسباب و يطقني
اي يطقني على اشياء قمه بالتفاهه حتى يوم كنت حامل يطقني ويوم كنت توني طالعه من النفاس حصلت لي المقسوووم
مايرد علي اذا اتصلت عيه او يقول كلمتين و يسكره بويهيي
ما يقول عيالي وزوجتي برووووحهم بشقة يمكن فيهم شي
واذا احتاج شيي ايي يطلب مني
وانا ماقدر اشوفه محتاج دايما اسلفه من فلوسي ويقولي بردهم لج ولا مره ردلي شي
قام يقط علي كلام شكبره
تخيلوووو انا حاسة ان في ناس قاعده تلعب بمخه
لان مره قالي انا افكر اطلقج وقبل ما اطلقج بروح احول عقد زواجنا من ( سني ) الى ( جعفري ) عشان تصير حضانة اليهال حقي لا ن بالمذهب الجعفري الحضانه للاب اعتقد !!!!!!!!
تخيلوا ويوقلي اشكره انا سال واحد وقايلي سوو جذي !!! شنو هالناس خرابة البيوت
ماني عارفه شنو اسوي
والله يا بنات سيارتي صارلها سنتين احن عليه روح جدد فترها منتهي من سنتين ماله خلق
وحق ربعه لا يطلبون منه شي يقوم ركض يفز لهم
احس روحي مكسووورة
وحيييده
شوووروا علي شنو اسوي
حقرته وخليته يسوي اللي يبيه مافاد معاه زاد وصار يلعب بايده وريله
ناقشته مافاد
شكيته مافاد
تحيلوا موضته اليديده يهددني انه راح يوصل دوامي ويسويلي مشكله جدام الناس عشان يفضحني !!!
طبعا متى كان هالكلام يوم اكتشف اني دازه مسج حق رفيجته الله ينتقم منها الوقحة اللي كانت تترك اثار قذارتها بسيارته
طبعا عقب ما كفخني هددني بهالطريقة القذرة
يبيني اسوي اللي يبيه واسكت عن خرابيطه كلها ولا على قولته بيخليني الخدامة الثانية بالبيت و بيكرهني بعيشتي
قام يدعي علي بالمووووت واقوله لبش انا عندي عيال يبوني يقولي العيال ايبلهم ام ثانيه !!!
والله يابنات متضايقة حدي وخانقتني العبره
عمري ما حسيت اني متوهقة جذي
أنا خايفه على عيالي
ودي اتطلق بس ظروفي ما تسمح حاليا و مابي اتطلق الحين عشان عيالي
وبنفس الوقت احس مو قادره اتحمل منه اي شي بعد مو قادره ابلع تصرفاته
تكفووووون بنات شوووروا علي شسوي
ادعوووولي بظهر الغيب الله يفرج همي
حياتي صعبه
بس عندي امل كبير بالله انه راح يعوضني خير
وراح يبدل حياتي للاحسن بيوم من الايام
وعند ربي ما يضيع حق
والله كريم والحمدلله على كل حال
ريلج مومترقع من كل مكان الله يهديه
حبيبتي يمكن ريلج تعود علي شخصيتج الاولي وما تاقلم لما غيرتيها وصرتي الزوجه المطيعه
اللي عليج اشويه صبر وخليج على الاسلوب الحلو بس اشويه صبر ولاتنسين الدعاء والصدقه بعد اثرها كبير
واذا مانفع استخيري ربج والله يوفقج ياقلبي
يطقج
يسبج
يدعي عليج
كارهج و عايفج
خيانة و يخونج و اشكره رضيتي ولا انرضيتي
راضية على عيالج يعيشون بهالبيئة
كل كلمة و الثانية قلتوا عشان عيالي و عشان عيالي
ترى انتي جذي تضرينهم ما تفيدينهم
مادري شتبين كثر من خمس سنين اهانات
الله يكون بعونج بس ان الله لا يغير ما بقوم حتى يغيروا ما بانفسهم
صبرتي خمس سنين فـ هذاا دليل آنه فيه شي ايجابي ..!
غيري طبعج معاااه خليه يدورج ،
حبيبتــي حياتنا ماتمشي إلا بالدعاء آدعي آن الله يهديه ويسخره لج
طبعا عقب ما كفخني هددني بهالطريقة القذرة
[/واااااااااااااي انا وصلت لي هني و انقهرت حدي يطقج علشان رفيجته ؟؟؟
وحتى لو ماتبين تتطلقين علشان عيالج شفايدة ريلج ؟؟ شنو دوره كأبو ؟؟ ماعتقد له دور وانتي ادرى منا و بعدين اذا عيالج يشوفون المشاكل اللي بينكم ترى مو زين لازم ينشئون ببيئة خالية من مشاكل الام و الابو علشان الله لا يقوله لايتعقدون لي كبرو
ماحب افتي بالطلاق بس الريال اللي مامنه فايدة شفايدة العيشة معاه !!!!.gif "Eh S(10)")
|
المشاركة الأصلية كتبت بواسطة أم فـرح الحلوه
 الله يكون بعونج واذا طقج مره ثانيه روحي الطبيب واخذي ورقه انج متعرضه للعنف وخشيهم وجمعي اوراق ضده او اذا تبين اذا تعرفين شقته وين وع يوم حسيتي انه مواعد سوي بلاغ عنه وخلي الشرطه تدخل عليه هو وزبالته واذا يسكر بعد بلغي عنه اجمعي الاوراق ضده عشان. لو غير المذهب تكونين مااخذه احتياطات بس لايدري عن اوراق العنف الليتاخذينهم من الطبيب سويشغلج بالسر والله يعديه او ياخذه وينصرج عليه
|
معاها 100%100 شنو عيال ما عيال بالعكس يتربون بعيد عنه أبرك هذا بايع ما يستاهل لا اتضيعين عمرج معاه و المحكمة من بعد الله تعطيج حقج
ولا اقولج اتطلقي ويمكن يتغير ويصبر زين وراح تتحسفين !
انتي اختاري هل ريلج راح يتغير ولا لا ؟
انتي الي امعاشرته .
الله يهديه ويهدي الجميع
نوعية هالرياجيل هذول ضعاف بس يستقوون اذا شافو ناس اضغف منهم
يعني مطلع رجولته عليج
انتي بفهم لي متي دافنه عمرج معاه..ياليت فيه شي سنع وصخ وخيانه
الرجال ضعيف ويبي موقف يهزه هز
روحي بيت اهلج واطلبي الطلاق واذا قال باخذ عيالي قولي بكل برود اخذهم هم اهم عيالك انا بريح بالي
اهني بيموت حره وبيحس انج صج مو مهتمه له ولا لعايلتج
اخذيها مني الرجال ما يحب مره ترفضع يحب اهو اللي يتركها
اهني عاد تصبري وتحملي لان بتتعبين لكن صدقيني بيتندم لان اللي تشوفينهم الحين لاحسين مخه ماراح يوقفون معاه طول العمر
راح يشوف البيت فاضي وبيشتاق لعياله اذا خلاهم معاج
او بيمل من تربية العيال بروحه
وصدقيني ماراح يفكر يتزوج لانه وقتها بيفكر مليون مره قبل لا يسوي شي
خليج قويه وبسج ضعف
ضعفج هذا اهوا اللي مقويه عليج
بقولج سالفت وحده اعرفها وربي اني صاجه والله شاهد على كلامي وبذمتي ليوم الدين هالكلام.
زوجها جلب ووشنو يقولون خواته يسوي وملعوز البنت جت بمره وتمردت عليه معنها طيبه حيييييييييييييييييل وانا شجعتها راحت وزوجها بره الشقه ولمت قشها كللللللللللله وراحت بيت اهلها وقالت طلقني انا مابيك
قال تتنازلين قالت بالطقاق اتنازل شنو تبي اخذ عندي معاشي ولا يهمني وبمشي بين الناس وبقول كل خياسك
وربي انه بعد جم يوم جا لي بيت ابوها ويبجي وراضها وقالها انا مابي اخسرج وعطاها رضوه وسفرها ماليزيا
تدرين ليش لانه ضعيف وخواته يمشونه فيبي يستقوي على مرته الضعيفه ولما شاف انها قويه خق
وكل ماصار شي قالت له يبا ترا ابيعك برخيص ماتهمني اهم شي نفسيتي وراحتي ماني ميته اذا عشت بدونك
والحين الحمد لله متعدل معاها
|
المشاركة الأصلية كتبت بواسطة bubble87
يعني يهينج
يطقج يسبج يدعي عليج كارهج و عايفج خيانة و يخونج و اشكره رضيتي ولا انرضيتي راضية على عيالج يعيشون بهالبيئة كل كلمة و الثانية قلتوا عشان عيالي و عشان عيالي ترى انتي جذي تضرينهم ما تفيدينهم مادري شتبين كثر من خمس سنين اهانات الله يكون بعونج بس ان الله لا يغير ما بقوم حتى يغيروا ما بانفسهم |
أي والله شل بيئه عبالكم العيال ما يحسون ويتعقدون؟ ولا يسألون وين أبوهم وليش ما يهتم فيهم؟؟ هذي عيشه !!!!!
لا ويهددج أنه يروح لج الدوام ويقوول أنتي الخدامه أمبي هذا كلش عايش الدور
فكري اب عيالج وكرامتج وحمدالله ما يابلج مرض أو شىء أستغفر الله ما أدري شلون يدعي على أم عياله شل بني أدم!!!
حبيبتي ما أقدر أقوولج الا أدعي الله يهديه وصلي صلاة أستخاره وفكري بالموضوع عدل
دامج ماتبين الطلاق
اخذي فترة هدنة
قوي شخصيتج
لا تبحثين وراه
خلاص انت عرفتي انه خربان
ومراحل متقدمة من الخراب
شنو الفايدة
تلحقين اللي يكلمهم
والاهم
لا تسلفينه
هل يصرف ع عياله؟
هالشغلة اتمني ماتستغنين عنها
لا تتسولين العاطفة
منه
يدعي عليج بالموت
مو بس علشان عيالج
تعيشين
اه لو قايلة
انت تموت
اشدعوة عيالك بيفقدونك
والشي اللي يشجعج ع الحياة المستقلة عنه
باين عندج وظيفتج
سيارتج
بس لا تتنازلين عن مصرف العيال
ومهما كان
انت توج ف بدايتج معاج
والامل كبير انه بيتسنع
بالعكس وقفتج وتغيرج
هو اللي بيثبت
انج فعلا تغيرتي ونضجتي
بالتعامل مع المشكلة
استخيري بدال امرة عشرين مرة و وكلي امرج لله
الله يقول انا عند حسن ظن عبدي بي
الله يفرج همج يااارب ويهدي ريلج ويسخره لج ويبعد عنه عيال الحرام ورفقه السوء