مشاعر السلبية والايجابية بخصوص سفر الزوج

السلام عليكم
حبيباتي العضوات المتزوجات اكثركم مريتوا بسالفه سفر زوجج مع ربعه وانتي بخاطرج بالسفر مع ريلج والمشكلة يكون فضل الربع عليج شنو تسوون
حاليا زوجي مسافر اسبوعين وشايلة بخاطري عليه لان كانت بخاطري هالسفرة وراح قال حق ربعه شرايكم نسافر هالديرة وراحوا لها الحين وانا اللي مقترحة عليها خصوصا ان من تروجنا ما سافرنا الا يوم واحد البحرين واهو مسافر 3 مرات ويا ربعه اوروبا وتايلاند والحين اسبانيا
انا وايد شايلة بخاطري مادري شنو اسوي من حرتي قتله لادق علي ولا سلمت عليه قبل لا يمشي ومادري شنو اسوي لارد البيت لان احط حق نفسي سيناريو ان اصد عنه وارده وابين له ان شايله بخاطري ولا اضحك ولا امثل اني عادي ما همني المشكلة ماعرف اخش مشاعري وامثل شعور غير ولا اجامل وانا اشوف هذا غلط لان اكتشفت ان الحياة الزوجية لازم امثل في امور عشان اعيش وتستمر حياتنا واتنازل وعن حقوقي وانتوا لو مكاني شنو تسوون انا من داخلي فيني غضب فيني حرررة فيني حب تجاه زوجي فيني غيرة وهم غيرة اني كنت ابي اسافر معاه هالديرة او دير ثانية او استانس معاه ماكان ودي يستانس مع ربعه وفيني شي يقولي انا اولا بهالسفرة بحكم اني ما سافرت سنتين اخر سفرة شهر العسل وفيني وفيني مشاعر متضاربة ولما افكر اقول مابي اكرهه فيني واخسر شخصيته تجاهي واخليه يتفر مني من هالشي وادوس علي عمري عشان استمر معاه ولو تهاوشت معاه شنو بحصل واحس المرة مالها حق تستانس بس مع الاسف الريال مع الاسف احس رياييل هالايام وهالاجيال مو نفس ابهاتنا اللي ايمعون فلوس عشان وناسة عيالهم وحريمهم ويفكرن شكثر يهمهم سعادتهم
انتوا شنو رايكم شلون امص الغضب اللي فيني والمشاعر المتضاربة هذي من سلبية وايجابية

اشدعوا ماكو رد

ردوا علي فيدوني

لو انا راح ازعل انتي ضامنه ان ربعه مايخربونه,,ولا بالاساس هم رايحين روحة خربطه

لا انا ضامنة ما يخربونه لان كلهم ملتزمين ومتزوجين ومعيلين وانا ادري ان ما عندهم خرابيط والحمدالله

لما يرد كشخي عدددددل
وصارحيه حياتي انا بعد لي نفس اسافر وخاطري استانس ليش ما اكسر خاطرك كله سفراتك مع ربعك وانا مالي حق
طبعا هذا كله بدلع ودلال وشوفي شقول
وقدمي اقتراحات للسفر ه اليايه واحلمي معاه انج بسوين جذي وجذي !!!
لعل وعسى يحس

اول مايرد ويرتاح ويطوف جم يوم كلميه بخصوص السفر

شكرا شادن ع المشاركة وحبيت مشاركتج

شكرا مس لوبي حبيت مشاركتج

ام حسون المفروض ماتقترحين مجرد اقتراح المفروض تخططينه وتحنين كل يوم وتحطينه امام الامر الواقع
بالنسبه لي قاعده اطبق هالشي الحين
جك بوم قلت حق ريلي بخاطري اروح لندن
وكل يوم ابطل الفنادق جدامه واقارن بينهم واوريه الصور
وقاعده اقوله نجدد شهر العسل وراح نستانس وجذي سويتله اغراءات لووول
خليته غصب يعزم عالسفره مع ان ماكان فباله وريلي مايحب ان اقوله شي فجاه ويسويه بس انا سويتله اغراءات قاعده اوريه الصور واسترجع الذكريات الحلوه الي قضيناها مع بعض واقوله تذكر هالمكان وهالمكان
حسيته وده يروح
وطبعا مستحيل يكسر فيني عقب كل هالمخططات والحنه ويروح مع ربعه
لو كنت بس مقترحه وساكته جان اتوقع سوا مثل ريلج وراح ويا ربعه
بس لاني حنيت وخططت وكل 5 دقايق اسأله واكلمه عن السفره خليت الموضوع غصبن عليه مو طيب منه لوووول

حبيبتي
صراحه صج لو انا مكانج جان زعلت اكثر
مع انه غلط
انتي زعلي زعله خفيفة جدامه و بيني له ان ودج تسافرين معاه و ان لج حق انج تسافرين معاه اكثر من ربعه
و طالبيه بسفره ثانية (بس طبعا مو بالغصب و بالهواش)

حبيبتي انا ما سكت انا كل مرة اقوله شرايك هااا عشان ذكرى زواجنا قالي عشان ذكرى زواجنا نروح سفرة قريبة وبعدين نروح مع امي فجاة اشوف حاجز حقه وحق ربعه التذاكر ومخطط وياهم وانا مت من الحرة فمت اقوله اهم شي وناستك ووفيني غصة من داخل لما فعلا صار اليوم اللي بيسافر فيه عصبت وتنرفرت ومابي اشوفك ولادق علي من هناك ولا احبك والله كانت بخاطري وقتله لا تحاتي المصاريف والله احط وياك واشيل عنك مصرف وجزء كبير لان اهو ماعنده غير معاشه ونتشارك وكلنا اثنين وخالتي لو يت ويانا مراح تقصر ولا بقصر معاها بس ليش تحط بخاطري وانا ابي هالسفرة والله مادري شلون بستقبله الاسبوع الياي انفس ولا البس واكشخ ولا اخليه يجيسني والا اضحك ولا كان شايله بخاطري واكلمه بعدين شالحل وانا للعلم بيقولي ابي اروح الحج هالسنة مع ان الخير وايد وانا مراح اقصر جان تذكرين لما فتحت موضوع البحرين روحة ذكرى زواجنا كنت انا اللي متحملة مصاريف الفندق والاكل ولا قصرت ولا حتي اهو قصر شتشورين علي

اورانج انا حاليا زعلانه وشايله بخاطري حيييل واهو حاس بس يكابر مادري شنو اسوي ادز له مسج بالواتس اب ويدزلي اصوره مستانس وانا ميته من الحرة لان كانت بخاطري ولا ابي اسمع صوته لان بموت من الحرة تعرفين لما بخاطرج شي وتصير من نصيب ربعه ويبدي ربعه علي

مادري ليش تتنازلون علا وايد اشيا عشان هالرياييل صج ريلج مو كفو اسمحيلي ماحس بمشاعرج ولاهمه وناستج بس همه نفسه وبسس وانتي معطته الخيط والمخيط وهااادته علا راحته مالومه معطته ويه زياده عن اللزوم شلون مايسحب عليج ويروح مع ربعه خليتيه علا راحته كل الي يهمج ان مايزعل ويتغير ويكش منج واهو ولا همه انتي ما اشيشج بس هالنوعيه لازم ماتعطينه ويه وتخليج حازمه وتصرين علا موقفج مو اهواش لاقوليله انتي استانست ولازم دوري استانس الحين مو قاص عليج بالبحرين

الله يعينج

نفس حالي احن على زوجي خل نسافر نغير جو ما عمري سافرت معاه والحين مسافر 4 اشهر شغل برى

الجمله المعروفه ما يعطوني اجازة من الدوام

بس عاد ما يهمني اسافر مع اهلي او صديقتي واخليه بروحه

لوليش حبيبتي انا مو معطيته الخيط والمخيط واكون حازمة معاه بس في نقطة حتى لو تهاوشت معاه وكلمته ونفست عليه هل راح يتنازل طبعا لأ لان اللي براسه راح يسويه غصبن عني ويعاند لازم اشد وارخي عشان ما يكرهني انا صج بخاطري السفرة بس استغفر الله دعيت ربي ما يوفقه وتخترب سفرته ولا يستانسون من حررتي والله احتريت منه بدون لا اقصد ولا توقعين اني بطوفها له لان لما كتبت الموضوع كنت محترة لابعد الحدود بس الحين لما جمعت افكاري السيناريو اللي بسويه :
انظف والغرفة والحمام واسوي حركات يديده وابخر الغرفة وووو انا البس واكشخ ووووو بسسسسس حامض على بوزة ان يجيسني مو على كيفه يهدني ومتى ما يبيني يردلي عشان غريزته واللي اهو يبيه مو بس يوم كل يوم لين ما يطق على راسه ويفتح الموضوع وهم انفس عليه واسولف ما خليه يعرف مودي ويعرف لي اخليه يحتار شلون يعاملني اخليه يطق على راسه وهم عشان لا يكرهني لان الريال لا كرهه كرهه وانا مابي يكرهني ابي اعيش معاه العمر كله بس لازم في اشياء لازم اسويها
وعشان جذي بروح حق دكتور استشاري علاقات زوجية قبل ماكانوا اهلنا يحتاجونها لان حياتهم المرة غصبن عنها تتنازل مو مثلنا والريال ماعنده احتياجات نفس الحين وماكانت المرة متحررة نفس الحين كانت الحياة عادية أصلا ما تدري ولا تعرف اوروبا غير لندن ومو كل الكويتيين يروحون لها وماكانت غالية نفس الحين واللي مسافر قبل هذا شي غريب عندهم بس الحين غييير غييير الحين احنا نبي كلشي نسافر ونكشخ وسيايير اخر موديل ونبي ونيي