مسمار القدم ؟؟؟؟؟؟؟

السلام عليكم …. خواتي شلونكم ان شاء الله بخير …

الصراحه انا عندي مسمار لحم في القدم اكرمكم الله ، اذا في طريقه تخليني اتخلص منه غير اللزقات لأني جربتها وما نفعتني
وانا الصراحه مابي اروح الطبيب …. الله يخليكم اللي عندها علاج تعلمني … وجزاكم الله الف خير ….

شدعوه بنات ولا وحده ردت علي ….

كشوخة حبيبتي
نصيحتيمن تجربة عانيت من مسمار اللحم >>> اول شي لازم تعرفين السبب الي طلع منه
عدوى ولا عين ولا تلبسين جواتي ضيقة؟؟؟ هذي الاسباب الي تطلع مسمار لحم

انا حاشني من عين وحدة وماراح الا لما خلصت جامعة
رغم اني راجعت وصرت اروح اكوي بماي الاوكسجين كل اسبوع مرتين تقريبا او مرة
وللعلم هو صغر بالكي بس ماراح
وانتي يمكن ما فادتج اللزقات لانه المسمار عود يبيله تجوينه

نقعي ريلج بشاي

حبيبتي ملكه الأحزان يعني ينفع اذا نقعتها بجاي ؟؟؟

مشكورين وما قصرتوا …

حبيبتي انا ولد خالتي كان فيه وراح بس كان الطب غرررررررررررريب مع العلم هو دكتور وكان يقول لخالتي شهالخرافات بس لما جرب نفع وراح للابد صارله ثلاث اسنين رايح منه….. تعرفين الفرفاشه اللي بالذبيحه واذا ماتعرفينها اسئلي امج اكيد تعرفها اول ماتذبحون الذبيحه اخذيها بدون ماتنظفينها حطيها عالمسمار وافركيها بس طولي وانتي تفركينها وبعدين حطيها بالسطح لمن تنشف ينشال المسمار…. والله اني منصدمه شلون راح من ولد خالتي توقعتها من هالخلرفات بس ماصدقت ليما شفت ….. اتمنى اني افدتج…..

اعرف ناس يكوونها بالنار وتروح
بس لازم احد خبير بالكي

غريبه شنو الي بالذبيحه ماعرفته

حتى انا عندي بريلي من سنه 94 يعني صداقه عمر انا وياه لووووووووووووووووووووووول
شسوي بنات كل مااكويه يرد جربت كل شي مافاد يروح فتره طويله وبعدين يشرف مره ثانيه بس احمد ربي انه ثابت
وريلي مسكين في بريله قبل شهرين شاله والله شال العياده بصراخه لان حفروا ريله لي العظم
بس شالفايده رد مره ثانيه
شالحل يابنات تعبت منه بقطع علاقتي فيه