@@@ مسلسل الكذب والصوااريخ @@@

يسعدلى مسااااكم بنات

بنات ابيكم بسالفه صج صج ملووووعه جبدى

حماتى عليهاااااا كذب مو طبيعى كل كذبه اكبر من الثانيه صواااريخ تهد الطوفه لا وياااا ويلكم ان كذبتونى تحاااول تفرض كلامها باى طريقتن كانت

تخليوا قاعدين نسولف وهى معاى تطلع بسالفه ولاااااااازم تحرف فيها ومع بعض الصوااااريخ
والمصيــــــــــــــبه تدرى اننا نعرف انها تكذب وتالفه ومستمرررره بمسلسل الصواااريخ والافلام اللى صك على المدبلجات وماراح ما يخلص

والله يعين

غريبه هالبنت هذي اظاهر فيها مرض الكذب
ديرى بالج منها لاتحط سالفه عليج مادام متعوده
الله يعينج عليها ويصبرج

يؤؤؤ شكثر اواجه جذي الحمدالله والشكر بس شنو تسوين اخذيها على قد عقلها وذكريها ان الكذب حرااام وقولي لها الاحاديث بعد والله يهدي الكذابين

هذي مريضه نفسيا … حقريها و لاتعطينها لا حق ولا باطل و اذا ناقشتج بشي غلطانه فيه و انتي عارفه الصح لا تعورين راسج و تردين عليها

اعرف وحده من كثر ما اتجذب اتجذب الجذبه وتنساها تخيلي الفشله مو جذيه الفشله انه حتى حمولتها كلها تدري انها جذابه اشكره اهل ريلها يقولون لا تاخذون منها حجي اتقولي انا يايبه نفنوفي من بره وعرضته بمعرض يوم شافوه اشتروه مني 400 طبعا مره ب400 والاسبوع الي وراه ب 300 والمصيبه الكبرى انها اتقول انه مو مكلفها اله 20 دينار شاريته من دول اسيويه اخر شي ادش علينه بعرس لابسته تخيليييييييييييييييييييييييييييييييييييييييييييييي وهذا غير الحجي الجناط الي تقول شاريتها 800 و700 واهي تقلييييييييييييييييييييييييييييييييييييييييد وغير انا معاشي 1200 واهي خريجة معهد

حبيبتي أستغفري الله ترى هذا مرض الحمدلله عالفعافيه

يا كثرهم حسبالهم الناس ما تفهم او انها تبي ترز عمرها بالجذب ما تدري ان حبل الجذب قصير

ولــــــــــــــــــــــــيـــــــه

أثرهم اطلعوا جمهورية بالبلد …!!!!

يادافع البلا

شتسوين ادري قويه

بس طوفي ….!!!!

يابنــت الحــلال الجــذب على آفــا من يشييل طوووفي

انا دايما ابتعد عن نوعية هالشخصيات

هههههههههههههه متى أخر حلقه للمسلسل
ههههههههههههههههه والله فيه جثير ناس مثله حولينا هههههههههههه

عاااادي هالايام توقعي بتمر عليج واجد من هالاشكال

انا اعرف وحده تقطها عليج وتمشي ولا كأن شي صاير

وعلى قولت حنان دخلج البحر وتطلعج ناشفه >>> هههههههههااااااااااي

حبيبتي في ناس مرضى .. بالكذب
ذكرتيني بـ وحده أعرفهااا .. يعني ياليت تتصدق ..
كنت امووووت منها ..
بس بالنهايه عرفت انها مريضه بهالشي ..
فـ قمت ارد عليها مرات عساس تنحرج .. ومرات اتجاهلها ..

ابيه وربي قريت عنوانج والله سيده طرت على بالي زوجه رفيج زوجي واي واي والله ما اعتقد في احد يقط صواريخ بالدنيا كثرها وااااااااااااااااااااااااي اموت تنبط جبدي تطلع روحي والمشكله تهرب منها انحاش تدق وما ارد بس هم تصيدني وتبدى تصروخ شي مو طبيعي خياااااااااااال

اكبر صاروخ مر علي خخخخخخخخخخخخ قاعده اقولها على تايلند ولما رحنا الجزيره والحبيبه هي رايحه تايلند بس مورايحين للجزيره الي اقولها عنها فما تبي تبين انها مورايحه جان اقولها احلى شي لما ينزلونا من اليخت ونركب القارب التفخ وندخل المغاره جان تضحك وتقول لا انا ما احب القارب التفخ زوجي ركبه وانا دخلت سباحه وتضحك ضحكه طويله
انا من الصدمه اشوفها بعرف هذي يعني من صجها تسولف ولا شنو ابيه ظليت انا ساكته واشوف لان الجزيره هذا قبل لا ينزلونا عطونا محاظره بو نص ساعه ان لاتطلعون ادينكم في سمج خطير يعض الادين ولاتعطون ولا قرد اكل لان يعصب الثاني وينط عليكم واشياء تخرع والحبيبه تقول سباحه من الصدمه لما راحت اقول لزوجي ولا زوجي يضحك ويقولي ترى هم مو رايحين لها لان زوجها لما اقوله على الجزيره هذي قال مارحنا لها بس هي الظاهر توهقت قالت سباحه خخخخخخخخخخخ

واي واي جذب خيااااااال الافلام الهنديه عندها بريئه الله لايبلانا يارب ترفع الضغط

واي ذكرتوني بوحده كل ماسولفنا لازم اتقط ويهها بالسالفه والمشكله اللي حواليها عارفين انها اتجذب بس الضاهر هذا مرض الله لايبلانا