|
|
السلام بنات …شرايكم فسالفة الملف الانجازي السنة .. بووووقه علنية الطالب ياخذ لكل مادة شهادة ممكن ورقة او ورقتين على حسب المهارات فالمادة يعني الطالب باخذ كل فترة دراسية 11 شهادة اليوم طبعنا وطبعنا وخلص الورق فالمدرسة وشهادتنا للحين ما اكتملت وبعدين ولي الامر بشيلها وقطها (حشاكم) بالزباله والله حراااام الاوراق هذه نستفيد منها بشي يسوى.. تدريبات امتحانات شي يستفيدون منه الطلبه انا راسي بيتفجر من مراجعة الشهادات اليوم .. باااي
في كتب ودفاتر الجنطة تكسر ظهر هاليهال والله قلبي يتقطع عليهم شفتي شلون العسكري يشيل العهده على ظهرة والله مثله المهم النظام اليديد سلمج الله الطالب يقيم داخل الفصل بامتحان مفاجا لمهارة وحده مثلا بالرياضبات مهارة الاشكال الهندسية او الجمع الانجليزي مثلا listen and tick وجذي يدخلون الدرجات بالكمبيوتر تطلع تقادير لفظية امتياز جيد جدا جيد ضعيف مقبول كل مادة على حسب المهارات المطلوبة منهموكل مادة لها شهاده منفصلة بعض المواد ورقتين لكل طالب المهم بعد هالقصة الطويلة سؤالي منو المستفيد من زيادة الكبيرة في الطلب على الورق ؟ المدارس تبي اوراق والوزارة لازم توفرها لهم علشان سير العملية التعليمية ( على فكرة المدرسه تاخذ نص الحصة تقيم المهارة والباجي تعطي درس يديد يعني تدريس سلق بيض )
لأن احنا مدرسات اللغة العربية قاعدين نختبرهم مثل السنوات اللي مضت بأن يكون فيه اربع املاءات واربع تعبيرات
ونحط درجات القراءة والخط والمشاركة والنشيد
لكن بعد ما كتبنا كل الدرجات في دفاتر رصد الدرجات عندنا تفاجأنا بورقة من الوزارة فيها مهارات ثانية وما قيمنا التلاميذ على أساسها
ورحت يوم الأثنين بدخل الدرجات وافتك وطلعت الملف الانجازي وانصدمت !!!!! شنو هذا مو فاهمة شي !!!!!!!!
وعطتني المشرفة ورقة المهارات وقالت قيميهم على هالاساس … يعني تقييم عشوائي
وما اخذت دقيقتين الا وصلت ورقة جديدة فيها مهارات غير والغيت الورقة الاولى
ويوم الثلاثاء ما دخلت الدرجات وفيه مدرسات دخلوا ويقولون دخلنا خرابيط وبتقديرات عشوائية ومن عندنا
اما انا حاولت اقيم التلاميذ بالضبط وقعدت في البيت وقيمتهم وما حضرت يوم الاربعاء الا الدرجات كاملة
والحين التوجيه مال الانجليزي الغبي طالبين من مدرستنا (الشغل الطباعه علي) نسوي نماذج للحصص المسانده
عشان لما يصير الاجتماع يرفعون روسهم و الكرف و الدق و التعب علينا
صج احس ساعات اني جهدنا ضايع بالهواء و المدح و الشكر للناس اللي الفوق
جنود مجهولين في ساحه المعركه
عسى الله يفرجها علينا أجمعين
ما عندهم سالفه على هالملاقه اللي يسوونها .. اخوي بالابتدائي و حاطينله امتياز بالانجليزي و اهوا ما يعرف كوعه من بوعه .. يعني نظام اي شي
و ولدي هم ابأولى ابتدائي ليالحين ما عطوه لا شهاده و لا طل ابعينهم و مستواه مجهول … صارت الدنيا فوضى
الناس يمشون لي جدام و احنا كلا قاطينه عال R و نرجع قري ..لا تعليم ولا صحه ولا شي
ومو حاطين التقدير العام
يعني لما سالوني شنو تقدير بنتك ما ادري شقول قععدت اعدد المواد . مثلا .اقول ممتاز بالعربي جيد جدا بالرياضيات …. وهكذا مافيه تقدير شامل للطالب
صج مسخره ماني عارفه اقيمها على اي اساس
ضعنا بالطوشه….
و مو بس جذي
انا مدرسه عيالي كل شي عند الابله
يعني الامتحانات و التقييم
طيب اذا انا بعرف شنو مستوى عيالي انطر الشهاده
و ما تقدرين تحاجين المدرسه لا المتحانات عندها
فماتدرين اشلون احسبوها
انا و الله ضايعه
اذكر اول ما داومت عطوني صفوف ولى مهارات حياتية ما في كتاب ودليل معلم ولا شي قمت اعطيهم احتياط !!!!!!!!!!!!!!!!!!!!
والله رحمني منهم وقمت اخذ طبيات لين ولدت والحين بتخلص اجازة الوضع وطالبة أمومة بس الظاهر رافضين وشكلي بقدم استقالتي
ابي أطلع يا نااااااااااااااااس ادعوا لي عفية
ما يهمهم مستوى عيالهم …
يهمهم يناجرون المدرسات بس ..
اللي اتيي تنشب ابلاعيمي ليش بنتي جيد جدا ؟؟
يبا اهيه مستواها جذي ..
مع العلم اني وااااااايد ارفع درجاتهم حتى الوكيلة تقولي ما يصير كل صفوفج درجات كاملة وامتيازات مو معقولة اقولها هذا مستواهم ماقدر انقصهم …
والله بالاجتماع وحدة لوعت جبدي يمكن ثلث ساعة تناجرني على درجة بنتها ..
اقولها انتي تشوفينها بروحها بالبيت .. انا اقارنها ب 20 وحدة غيرها بالصف يبين مستواها عدل بنتج مو توب …
اخر شي رفعت الرايه
قلتلها كيفج انتي قيمي بنتج …
بالنسبة لي طبعا – على الاقل مبينين بالتفصيل تقديراته ومستواه
صراحة نظام حلو
يعني اليوم كان في اجتماع مارحت لاني ما قدرت اطلع من الدوام
لكن كنت عارفة مستوى ولدي بالمدرسة و بالتفصيل الممل بعد
الله يرحم ايام زمان
صج كانت بدايات بس والله مخرجات التعليم كانت فوق الممتازه مو الحين
كل الطلبه مدرسين خصوصين حتى الإبتدائي ..!!
وعسى الله يعين المدرسات واللي بالتربية كلهم صج بلى