مستشفي العدان

شرايكم بولادة مستشفي العدان لبكريه وبالله اللي عندها واسطه تخبرني عسي ربي يسهل علي وعليكم يارب

رفيقتي بكريه وتمدحه
بس هي عندها واسطه قووويه موصين عليها
حتي السسترات
بس انتي توكلي علي الله وخلي واسطتج ربج
صدقيني ربي بيهووون علييييج

أنا والده فيه عيالي كلهم والله ما فيه احسن من طاقم الدكاتره والسسترات كلهم ممتازين

ومعاملتهم من احسن ما يكون

وانا لا عندي واسطه ولا شي

توكلي على الله

الله يسهل عليج وعلي وعلى كل حامل *

انا صار لي شهر والده فيه و مثل الخوات عنايه الدكاتره و السسترات روعه وولادتي كانت سهله الحمدلله اهي الغرف اللي شوي ما تتقايس بالخاص لكن اهتمامهم فيج يعوض
الله يسهل عليج

انا بس رحت سويت عملية تنظيفات وعانيت منهم ومن دكاترتهم لاعاد شلون ولاده اذا عندج فلوس ريحي نفسج وروحي خاص رعايه واهتمام احسن مما تنطرين ساعه على ما يخيطونج والله يقومج بالسلامه ،،،،

انا استغرب الي يذمون
شدعوه ولدتم فيه
حبيبتي نصيحه احسن شي العدان روحي
وانتي مغمضه
بالنسبه للولاده احسن شي
اما اذا تبين الكشخه والحركات خاص

والله ما جربته صراحه بس مرت عمي ولدت فيه تمدحه بس تقول الخياط اي كلام
هذا على كلامها بس انا ما عندي فكره عنهم

انا ولدت فيه بجري لان الخاص قالي عمليه طلعت ورحت لهم قعدوني يومين بالولاده كانت عنايتهم اوكي زينه بس غرفهم وصخه وحماماتهم وانتو بكرامه لوعه ولا الخياط وع جاني دكتور وخيطني وهو يسولف مع رفيجه وغلط و فج الخياط و قعد رفيجه يخيطني ولا عادت عليهم اثنينهم تلعوزت من الخياط بنفاسي رحت لعاليه الفضلي فجته و جوته وقامت تسب فيه قالت هذول شمسوين على كيفهم والله تم ولدي سنه وحملت بس عشان الخياط يتعدل حسبي الله عليهم صارلي خمس سنين ولين الحين اتحسب عليهم عقدوني وانا بجر
اذا انتي مافيج شي يعني الحمل طبيعي وحجم البيبي زين روحي الخاص توبه عقب العدان رحت السلام عند محسن تالي في بنتي رحت الافغاني بالمواساة واثنينهم حلوين وهالمره ان شاءالله بالمواساة عند الافغاني

حبيبتي انا ولدت فيه قبل ٩ شهور ولادتهم زينه وعلى قولت الخوات مايحبون اللي تصارخ وخياطهم زين
بس اللي كرهني فيه بعد الولاده تعبت لان يخلون البيبي عندج وانتي ترضعينه طبيعي يعني بروحج توج والده تعبانه والله اني ولدت عقبها بساعه جابو بنتي عشان ارضعها طبيعي وقعدت عندهم يومين ابجي ابي احد يمسك البيبي انا بجر ومتوهقه باختصااااار التعب بعد الولاده