|
|
السلام عليكم
بنات طبعا رفيجاتى بنات التجمع يعرفون انى داخله شهرى وبعد10ايام اخلصه المهم امس يااانى عوار قلت ماروح دايركت المواساة عنددكتورى لأ بروح اسوى تخطيط وافحص ولو فينى ولادة بروح المواساة المهم بنات رحت مع ريلى الساعه 5ونص العصر على اساس العوار عادى تجاديم المهم دخلت المستشفى وغرفه الفحص وتيينى دكتورة كويتيه المهم جم لج ومتى اخر ولادةوهالاسئله قالت صعدى بفحصج لو مفتوحه ولادة لوماكو ولاسم مفتوح بسوى لج تخطيط نجيك عالبيبى صعدت وفحصتنى هالدكتورة جان تقولى ريحى ومادرى شنو شوى جان تقولى مفتوحه 3سم قلت هاااااا طبعا طقتنى البوهه.gif "Eh S(2)")
بطلع بروح مستشفى اللى بولدفيه وتخلينى اطلع على مسئوليتى وأبصم تخيلو اصبعى ازرق من الختم لليوم واروح البيت اتسبح واخذجنطتى واغراض بنتى واقطهم بيت ابوى وطيران عالموساة دخلت ولادكتورة الطوارىء دكتورة غزاله فحصتنى ولاتقول لى انتى مومفتوحه ولاسم ؟؟
أستغربت بس بسوى لج تخطيط للطلق وسويت لى تخطيط وطلع طلق خفيف وردت فحصت هم ماكو ولاسم مفتووح قالت لى رجعى بيتج مافيج ولادة.gif "Eh S(10)")
ريحى ببيتكم لاجاج طلق ولانزل شىء تعالى تخيلو صروعونى عالفاضى 
هالصباااااااااااااااح صج الحكومه مستشفياتهم أى شىء
من صجهم؟؟؟@@
امشي على تراب البحر وكثري تمر وجماع واكلي اناناس ورمان وشربي دارسين وهالسوالف
وانشالله تولدين بالسلامه
و لما تدخلين المستشفى ما جنج بالكويت جنج بالدول الفقيره النائيه شنقول بس عيزنا و احنا نتكلم الله لا يحدنا عالصباح صحيح ان في دكاتره زينين اهناك بس المستشفى ما يشجع و الوحده منا تبي الراحه بالمستشفى ما تبي تتنرفز من الاشياء و المناظر الي تشوفها و فوق هذا يغلطون يعني مثلا انا دكتوري بالخاص معطيني مضاد للالتهاب بالبول و يوم رحت الطواري قالو ما فيج التهاب ووقفي المضاد هذا خطر عليج ووقفته على اساس انه طبيب الي قايلي و يوم رجعت عيادتي الخاصه و سويت تحليل طلع التهاب البول زايد و الطبيب عصب علي لاني وقفت المضاد و يوم بحثت عن هالمضاد بالانتر نت طلع مناسب للحوامل و دايما يوصفونه للحوامل و مادري على اي اساس طبيب الصباح يقرر و يقول و قفيه و اهو ضار وما فيج التهاب!
و كله كوم وموضوع التبصم كوم حشى طالعين من السجن مو من المستشفى لا لا هالمستشفى لو احجي فيه من اليوم لي باجر ما بخلص يمكن أألف كتاب و ما اخلص
المفروض هالمستشفى يخلونه حق الوافدين و احنا يبنونلنا مستشفى ولاده خاص بالمواطنات مثل الامارات و ماراح يكلف الكثير بدال لا تتجدد الاجنحه على حساب المواطنين و المواطنات اعتقد احنا بدوله الحمدلله ما تحتاج انه تتجدد الاجنحه على حساب المواطنين مو بس هالمستشفى اغلب مستشفياتنا مرقعه كل جناح لون و كل جناح مكتوب ان هذا الجناح تم تجديده على نفقة فلانه الفلاني!!!!
جزاهم الله خير بس لييييييييييييش يا حافظ مستشفياتنا محتاجين تبرعاااااااااااات
امحق مستشفى لووووول ..
كثري جماااع واكلي رطب وامشي على تراب البحر
ويارب مايمر هاليوم الا وانتي والده ..
روح للممشى او البحر او صعدي الدرج وانشاءالله سهالااات وتولدين اليوم
بس شربي دارسين بس اذا مافيج طلق لا تشربين خروع راح يبهذلج عالفاااضي اماا اذا في طلوووق خفيفه شربي الخروووع مع الكوكتيل والله يعينج يارب
والله والله ان اشطر الدكااتره واشطر الاجهزه واحسن الادويه عندهم بس مو لنا للاجانب حسبي الله عليهم غزو غزو
عاد انا مفكره اراجع عندهم على ماتجي دكتورتي من السفررر يااربييي
وكل بنات الشوووخ مايوولدون الا بالصباااح
و صج بنات الشيوخ يولدون فيه ولهم اجنحه خاصه
و عن تجربة وايد بنات الكل يمدح بالصباح مع انه بلاااش يعني ماتتحسفين انج قاطه الف وبالاخير تتبهدلين وتولدين قيصريه لانهم ماكو خبره ولا صبر ولاا يبون الفلوس بعد فوقها..
مسخرة مستشفياتنا
امبي صج يضحكون
يعني جان قلنا كنتي مفتوحة وتسكرتي بس مو بهالسرعة
وايد ناس ينفتحون ويتسكرون بس مو بساعة
الحمدلله اانج ماظليتي تحت ايدهم
