مستشفى الصباح استفسار عن الولادة فيه والاستقبال بعد ,,

قوة بنات شخباركم ..

ابي اسال منو عندها معلومات عن مستشفى الصباح يقولون سنعوه صج ؟؟

انا قبل جم سنه رفيجتي والده فيه ومسويه استقبال بس للاسف ماقدرت اروح ولا كنت بشوف المستوى لاني تفاجات انها مسويه استقبال هناك ..

فمنو عندها معلومات تقدر تفيدنا اكون ممنونه .. وتسلمون

اب ما ادري

اذا عندج واسطة بيدلعونج ويسنعونج

اذا لا رح تتبهذلين

وانا اقول قطي فلوسج بالشمس وقعدي بالظلال

مستشفى الصباح مأساة وعليها وايد مشاكل

اي بنات فيدونا اللي ولدت هناك؟لان انا بعد اراجع عن فوزية القطان قالت لي فتحي لج ملف بالصباح لان احتمال اولد بالسابع والخاص مايستقبلون حتى اذا كان وزن البيبي اقل من كيلوين بعد سمعت؟

صح كلام لاخت في مشاكل وايد بكل المستشفيات مو بس الصباح

اب

اب

اب

ماعرف صراحه

الله المستعان !!!
الصباح سنعوه ؟ متى؟
انا كنت نايمه فيه بشهر يناير الي فات! هذا سيفوه وهذي خلاجينه لا حمامات مثل الاوادم ولا غرف سنعه!
اهو صح الخاص ما يستقبل الحالات الصعبه واذا حالتج صعبه روحي الصباح بس لا تتوقعين تلقين شي واو ! لانه المستشفى حده داثر وازعاج موطبيعي

بس ما اقول الا الله يعينج

حبيبتي الله يسهل عليج
مااقدر اقولج الصباح مو زيينين
بس استقبال مااتوقع تقدرين تسوين
صعب الغرف صغيره واذا طبيعي يحطونج بعمومي مع 3 او 2
واذا انتي مو بجر ومقتدره نصيحه روحي خاص علشان الخياط
لانه خياط الصباح زفت والحمدالله

\

والله انا والده هناك من تسع شهور كنت اراجع عند ماجده اليتامى وقالت لي احتمال اولدج قيصريه لان البيبي اللي قبله كان قيصريه والياهل كبير فمن الخوف هونت ورحت الصباح
والله ولادتهم روعه احلى ولاده بعيالي كلهم مع اني والده من قبل كله بالخاص اول مادشيت جناح الولاده يابولي سونار لي عندي علشان يتاكدون من حجم البيبي والدكتوره رايحه راده علي والولاده قاعده عند راسي وماهدتني ولا دقيقه وعطوني ابرة ظهر ولا ما حسيت بشي الا طلعت الراس ويوم طلعوا البيبي شالوه وحطوه على بطني مثل الافلام والله احلى شعور وبعد مانظفوه يابولي اياه عشان ارضعه والخياط حلو ومرتب اهمه مايسوون تضييج بس خياط من داخل ومن بره يعني تجميل وانا عطوني غرفه خاصه بس غرفهم قديمه ماتصلح حق استقبال كلش بس انا يوم كنت بالمستشفى مانوا قاعدين يرممون الجناح اللي يمي وقالوا راح يفتحونه بعد جم اسبوع

اذا عندج واسطه يحطونج بغرفه كبيره خاصه انا قبل اربع سنين ولدت فيه قيصري وسويت استقبال وماعليها الغرفه كبيره مع حمامها لاني والده قيصري وقعدت فيها خمس ايام وسنعت الغرفه وفرشت الغرفه وحطيت طاولات ومفارش والله صارت حلوه
وتهبل والكل مدحها والبيبي خذونه مني لانه عمليه وحتن السسترات والله حنوننين ويهبلون بقششيهم والله يساعدونج والحمد لله
وحتن الجرح انظف ومالتهب عليى زي اول ولدي البجري الي ولدت فيه بالهادي ووالجرح انفتق وتبطل .

والله انا والده هناك معاملتهم حلوه تينن من اروع مايكوون كل تي تبينه فوق راسج بس استقبال لوووول لأ وين تسوين الاستقبال
انا لمن رديت البيت سويت استقبالي لان الغرفه ماتسااعد علي الاستقبال كلش ملش
ردي البيت وسوي الاستقبال علي الاقل تكونين شوي فيج حيل تستقبلين الضيوووف

انا ولدت هناك لاني حاله خاصه وخذيت غرفه بالجناح الخاص

طبعا هذا الجناح يحتاج واسطه وايد قويه

معاملتهم واااااااااايد حلوة بالنسبة لي احسن من الخاص