مساوئ ومحاسن زوجج الغالي

السلام عليكم حبايبي

ابي كل وحده فيكم تذكر مساوئ زوجها الصفات إلي موحلوه فيه والصفات الي تحبينها فيه

مساوئ زوجي

1- اذا عصب وطلع من طوره يسب ويهزأ ومايسكت يظل يدندر جنه شايب مع ان اهوا 27سنه
2-يشاااااخر لما ينام يضايقني بس أرفس وأبكس في واهوا نايم ماحب احد يشاخر
3-نساي نساي حيل يبط جبدي
4- يتكلم بصوت عالي وانا ماحب الصوت العالي يعني اليهال اذا نايمين يقعدون من صوته
5-فوضوي يلبس ويفصخ ملابسه ويخليهم على الارض
6-اذا خذه شور ماقدر ادش الحمام عقبه من الماي المطشر على الارض والصابون اخلي الخدامه تنشفه بعدين ادش حده لويه.

محاسن زوجي
1-كريم الحمدالله موبخيل وهذي اكره صفه بالريال البخل .
2-يحب عياله حيل وقلبه دايما عليهم ويباشرهم دوم .
3- يداريني ويواسيني ومايخلينه اتضايق .
4-وااااااااايد على نياته وطيوب.
5-دايما ياخذ رايي بأشغاله مايهمشني.
6- حنووووووووووووون حيل.
7-اذا كان غلطان يتأسف مايكابر

والحين ابي كل وحده منكم تكتب مساوئ ومحاسن زوجها بس ببعلم اذا كنتي زعلانه من ريلج ذكري محاسنه وصفاته الحلو وبترضين عنه وبتحبينه زياده ادري ودكم اتكلمون وتكتبون يله ناطره ردودكم
ونبي تفاعلكم الحلو الي تعودنا عليه…….]

خدرت بروح انام وباجر اشوف الردود

مساوئ زوجي:
يحب دايم اطبخ له ومايحب اكل المطاعم ابد ومانطلع مطعم انا وياه الا كل شهر
محاسنه:
كريم يحبني مخليني على راحتي يحب اعياله وبصراحه انا بعد احبه واموت فيه

مساويء زوجي :

عصبي

غيــــــــــــــــــــور

ينسى وايد

اذا تكلم يكون صوته عالي

مايحب السوق

محاسنه :

حنون

حبوب

دمه خفيف

مايحب يردلي طلب

مومقصر معاي بشي

مايرضى احد يذم فيني ويدافع عني

اذا زعلني يراضيني

يحبني ومهتم فيني وبعياله

عسى الله يخليه لي ولايحرمني منه فديــــــــــــــــته

من مساوئ زوجي العصبيه والصوت العالي وماعنده سوالف مناسبات والله عيد ميلادي عيد ميلاد امي عيد زواجي الرومانسيه بالقطب الشمالي واهو بالجنوبي وصوته عالي بطريقه مستفزه وكل شي عنده ماله داعي وكلمه لا من احب الكلمات لقلبه ولاتطلبين مني شي وعلى طوول مفلس ويتسلف … الخ

بس قلبه طيب ومحافظ على صلاته

محاسنه طيب قلبه نظيف ينسى بسرعه الاساءة والاهم

محافظ على صلاته وصيامه حنون على امه حيل

عيوبه حدث ولا حرج بس بقول اللي يحضرني الحين . .

عنيد وراسه يابس وعصبي نار شابه واذا قال لأ مايغير رايه وكله ماعندي فلوس وكلمته اللي

تغثني (معاشج دبل معاشي) حتى السفر والعمرة اذا ابي انا اللي ادفع كل شي وهو

يسافر ضيف شرف لوووووووووووووووول

واذا ابي شي لو من فلوسي مايرضى يقول ماله داعي شحقه يعني يتدخل بكل صغيرة وكبيرة

حتى السيارة يتدخل اشتري كذا ولاتشترين كذا وعينه زااااااااااااااااايغه حيل وجكيته كذا مرة يخونني

ووعدني مايكررها وكله خرطي واصبر واحتسب الاجر عند الله

<<<<<<<<تحبه وقابله فيه بعيوبه

امناشبني على مكياجي ولبسي
محاسنه طيب حييل وكل اللي عنده حقييي

ياااااااابعد قلبي الله يخليهم لنا

انا عيوبه وبكل صراااحه

** يحب النوووووووووووووووووووووووووووووم

** مااااااايرجع الي شريته من السوق يقولي اشتري جديد ولا ارجعه

**اذا زعل زعل واذا عصب عصب بس فديته ما يروح بعيد

** يصارح اخوانه ولا عليه من احد حتي مرة ابوة وابوة هههه بس تبون الصدق انهم يسوون عيونه ومرة ابوة امس تقولة بدونك يا بو تذكار نضيع

ههههه بيروحون عمرة ويبونه معهم خخخخخ

** يكرة الحناء وانا احبه ههههه

** يدلع بناته ويخرب تربيتي للهم

الي يعجبني فيه

** سخي سخي بشهادتي والجمييييع الريال عندة منه قطاسه والله صدق
)يعني كريييييم))
** دااااايم عزايمه

*** يحبني مووت مووووووت حتي اذا جتني الدورة يدارني فديته

** يحب بناته وهم حياتي وحياته الله يخليهم لنا

** ترم الدخان بسم الله عليييه والله يتتم لله يارب

** يحب يسافر يموت على السفر بس بدوني يقولي ماله داعي

والحمدالله والشكرر الله يخلييييييه لي يارب ويكفينا شر الحسااد

مساوئه: اذا عصب نسى عمره ويكسر الي جدامه
ما يحب يطلع الا بمزاجه يعني انا اقوله خل نطلع ما يطلعني بس بمزاجه
نساااااااي درجه اولى
وايد شاد حيله بالدوام والي مخليه كله تعبان وخاصه انه يشتغل بمستشفى ودوامه شفتات
يشيل بقلبه
مميزاته:
حنون
دمه خفيف وما يحب يشوفني زعلانه
اذا زعلني تلقينه يزفني وبعدين ايي يراضيني مسكين
مو مقصر معاي بشي من ناحيه الطلبات والمصرف

عاشوا البنات عاشوا

بنت أبوي صج اذا مايحب المطاعم مشكله موكل وقت تحبين تدخلين المطبخ والله يخليكم حق بعض

مشكله اذا مايحب السوووووووق عاد احنا الحريم غرامنا السوق ونام فيه بعد والريال مسكين من حقه يمل
وأهم شي الزوج ان يكون مهتم بعياله في أزواج قاطين السؤوليه على الام وعليه تيب وتودي مدارس اتجيل حق البيت توديهم الطبيب كله بروحه وطبعا الله يعينه

آآآآآآخ نفس ريلي يتكلم بصوت عالي حتى الجيران يسمعون صوته
على طول مفلس ويتسلف ميخالف ميخالف
أهم شي ان يكون الريال يصلي وفي ريايل ترى مايصلون والزوجه المفروض ماطوف سالفة حق ريله

بالنسبه حق الخيانه اجرج عندالله مثل مافلتي ومرده بعرف ان الي يسويه أكبر غلط .
عجبتني ضيف شرف ومعاشج دبل معاشي (أكيد مدرسه انتي) ميخالف الحياة تعاون لكن المره المفروض انج تعودين ريلج اول ماتزوجتيه انج كل شي تخلينه ايبه ويدفعه
أهم شي انه يصلي وحنون هذي صفات مهمه …

اي والله حتى زوجي مناشبني على لبسي يختي نحب انكون كاشخين لما نطلع مع ريايلنه لكن نشبه يناشبني حده ويغثني طول الطريج .
أهم شي ان الي بجيبه حقج