مساعده بليز

ابي اتعلم اخيط
شنو احسن مكينه خياطه
ووين اقدر اخذ دورات
انا احب اصمم بس ماتقن الرسم للموديلات

لي عودة للموضوع ان شاء الله

بس بالنسبة حق مكان الدورات … يمدحون ( المعهد الاثري ) بس ماجربته

توني داقة عالمعهد الاثري ….

الدورة لمدة 3 شهور …. 3 ايام بالاسبوع ….. لمدة ساعة …. قيمتها 200 دينار

وبالنسبة للمكاين …. ان شاء الله البنات يفيدونج اكثر

بالنسبه للمكاين
الي اعرفه انه احسن نوعين عندنا بالكويت
براذر و سنجر
انا عندي سنجر اخذتها من جم شهر اخذت العاديه اب 64
مكانهم بسوق الاقشمة البلوك الي فيه زماني للاقمشة الرجاليه
اول واحد بالويه
و المكينه حلوه و زينه و استخدامها سهل ما فيها تعقيد
و صوتها هادي و سرعتها حلوه مو سريعة وايد تخرع

و انشالله بس افضى اصورها لكم

مثل ماقالت miss kw
احسن المكاين ماركة براذر و سنجر ….

وتلقين براذر في لولو هايبر ماركت باسواق القرين … ارخص وحدة بـ 33 دينار

ومرة شفت مكاين خياطة بكارفور … بالافنيوز
بس ما ادري اذا لي الحين موجودين او لا …

وبالتوفيق

ماعندي فكره والله ,
موفقه ..

مشكووورين
ان شاء الله هالشهر اشتريها واشترك بالمعهد
واخيط لكم بلايز حقكم كلكم عليها لوقو كويتيات واو فنتق

موفقه حبيبتي

بركات احسن مكان يدربج على هواياتج وبعد عندهم كل العده الي راح تحتاجينها

هم خوش فكرة ان شاء الله بروح بركات والبلوكات ولولوهايبر وحتى كارفور اشوف الاحسن والانسب لي واتوكل على الله واختار يمديني اخذ لي فره واقرر ولنا عودة عقب مااشتري المكينه
انا اتذكر مكينة يدتي الله يرحمها سنجر قديمه ويدويه

تمت بحمد الله
رحت جيان ولقيت عندهم القديمه تقريا 27
وشفت الي بكارفور كان عندهم 4 انواع القديمه و3 يكون معاهم غرز (12 غرزة-20-ومادري جم الثالثه)
واسعارهم من 70 تبدي بس الله يجزاه بالخير الي كان يبيع مانصحني فيها لان الكوك بلاستك وينكسر ونصحني اني اروح لبلوكات اكثر انواع وانهم حتى يعلموني عليها
وصج رحت امس لبلوكات بلوك 5 محل سنجر
اتينن شكل المكاين انواع واشكال
واخترت سنجر 8280 وسعرها 75
وماقصر اللي يبيع علمني عليها فيها 7 غرز واتحكم بعرض والمسافه للغرزة ومعاها قطعه حق تركيب الزرار وغرزة التنظيف وجربت شلون استخدمها
اهو يقول انها قويه ومناسبه وسهله وكوكها حديد ماينكسر وسعرها حلو وسط يعني لافوق ولا تحت
وهذي صورتها من النت
وسلامتكم وتعيشون
اي بعد صدفت وحده سالتها عن الدورات قالت انها تاخذ بالفنطاس عند ام مساعد شهرين ب 200
وتعلمهم اساسيات الخياطه وشغل عالباترون على قياس المتدربه (الدراعه – القميص- التنورة )
الي يعرف عنها يعلمني
وتسلمووون

نفس مكينتي
بس ليش باعوها لج اب 75
انا شريتها اب 64
و صج شغلها حلو و مرتب و سهله بالاستعمال

عليكم بالعافية ….

انا ناوية آخذ لي وحدة …. بس بعد ما اولد ان شاء الله ….

وحاطة عيني على cd تعليم الخياطة من امازون …. باشتريه ان شاء الله
مع ان خاطري ادخل دورة خياطة ….

يلا .. جربي المكينة وقولي لنا رايج فيها …

miss kw
تنصحينا فيها او لا ؟؟؟

اي و الله انصحكم فيها
خوش مكينه
انا مستانسه عليها
سهله بالشغل و مرتبيه
حتى حجمها حلو
و سرعتها وايد زينه انا اخاف من المكينه الي تكون سريعه تشوفين قطعه الخام بسرعه تمشي و ما اتحكم فيها بسهوله اخاف على اصابعي لول هذي سرعتها زينه