خواتي الي عندهم سلاحف اصغار اشلون اعتني فيهم شريتهم لبنتي وابتلشت فيهم ابسرعه مايهم يتوسخ انا حاطتهم بحوض صغير بدون فلتر
هههههههههههههههههههههههههههههههههههههه
الله يعينج والله انا ما اداني السلاحف …
ياليت البنات يفيدوونج ..
اب اب لعيوونج ..
انا اقولج تربيتهم حيل سهله
الماي غيريه كل يوم بالليل ولاتكثرينه يعني يغطي بس رجولهم وكل يوم حطي لهم 7 قطع ربيان تلقينه بأي محل حيوانات
بس مايبيلهم شي عندي ثنتين صغار والله لهم فوق السنه والنص وعلى هالطريقه بس اغير الماي بالليل واحط اكل مرة وحده باليوم الحين اكبروا شوي
الله احبهم الله يحفظهم لج
انا عندي 2 صارلهم 7 شهور ماشاءالله عليهم
حطيلهم شوي ماي وفي اكل مالهم موجود بعله حطيلهم 4 حبات باليوم وكافي لمده 3 ايام الماي راح يكون انضيف
مو اهني المشكله المشكله اني بسافر وسلاحفي الحلوين بروحهم راح يكونون اخاف يموتون شهر من غير اكل
السلاحف وصخين انا جربت يبيلهم فلتر وتنضيف اذكر يوم كنت صغيره من كثر مالاعت جبدي من ريحتهم غسلتهم بصابون لووووووووووول
اخوي مات ضحك علي يوم شافني بس ترى وصخين وريحتهم واااااااع هذي وجهت نظري بعد تربيت 4سلاحف 2 وانا صغيره و2 وانا الحين لوووول
مشكورين علي الردود انا الي صدمني ان الماي بسرعه يتوسخ والريال قالي كل 4 ايام غيريه فانصدمت ان الماي بنفس اليوم يتوسخ ويكسرون الخاطر لحاولت اغير الماي ما اعرف اطلعهم من الحوض اخاف المسهم مع اني احب شكلهم وفعلا الربيان عندي بس يطفح علي الماي وما ادري اذا يقدرون يكلونه احسه اكبير علي حلجهم وريحته خايسه ما افكر المسه وافتته لهم نفس السمك كل احس اكلهم اكبير علي حلجهم ومشكورين حبيباتي علي تفاعلكم شكلي باشتري فلتر لهم انظف
بس مايصير مايصير فلتر لان لازم مايهم شوي الا بحل واحد تترسين الحوض وتحطين فلتر وتحطين لهم فلينه فوق يصعدون عليها
ومن ناحية الربيان ياكلون مالج شغل وفي نوع يصير صغير
لا عادي انا ربيت سلاحف بحريه وكانت تربيتهم عاديه
بس المهم تنظفين مكانهم ومايهم تغيرينه دايما
ملاك زوجي فعلا راح عن بالي سالفت الماي الشويه لا وتوني رايحه امنظفه حوضهم ونفذت وصيتكم بماي شويه تري اول مره اشتري السلاحف العاده كله سمك والريال يوم اشتريهم سألته عن مايهم جان يقوم ويقطهم بالحوض العود مال السمك ويسبحون معاهم عادي وانا بكل سذاجه اسأله اشلون ينامون اذا الماي زايد يقولي عادي ماما عادي ماكو مشكله واقوله يعني ينامون وهم يسبحون
لووووووول اكيد بيقولج عادي انا مره شريت وحده وقطيتها بحوض زوجي الكبير وحطيت لها فوق فلينه
كانت تصعد عليها وتنام بس لمن كبرت شوي قامت تشمخ السمج وتاكلهم علشان جذي قطيتها بنافورة حديقة عمي ابو زوجي حاط فيها سمج كبار
ولحد الحين مادري عنها لوووووول بس افتكيت من ريحتها
اووف انتي ما شريتي سلاحف .. انتي شريتي ريحه خايسه 
ما احب غير سلاحف النينجا
انا عندي سلاحف برية
زهقت منهم والله قمت اغسلهم بصابون ديتول الحين عطيتهم الخدامة اهيا الي تنظفهم افتكيت منهم
