|
|
أولا باركو لي اخيرا ولدت وبعد معاناة طويله في غرفة الولادة ولدي "علي" وصج الاولاد مو مثل البنات. الله يا سهالة ولادتي لبناتي.. المهم بنات امانه امنيتي ارضع عيالي سنة ولا سنتين بس الله ما كتب لي هالشي الجميل.. بنتي الاولى رضعتها بس 40 يوم والثانيه اربع شهور.. وودي ارضع هالولد سنة ولا سنتين المشكلة اولا احس حليبي شوي ثانيا المشكلة اللي تذبحني انه تو ماصار لي اسبوع وصدري او بمعنى اصح الحلمة متشققة ومتجرحه .. امانه بنات شنو الحل..
للتشقق تقدرين تستعملين كريم ميبو
و كلما رضعتي اكثر يزيد يدر الحليب اكثر
سمعت انه الحلبة و الرهش يدرون الحليب
بالنسبة للحليب عندج الرهش و اللوز والبقدونس والبقل والرويد يدرون الحليب و طبعا الحلبه والينسون
انا بعد تشققت حلمتي واايد تعبتني استخدمت كريم ارتحت منه لحد الحين اسمه Fitomamma تستخدمينه 3 مرات باليوم بس لازم تغسلين قبل ما ترضعين علاوي بماي دافي و تنشفينه عدل وان شاء الله ماكو الا الخير
وانا سمعت ان لو تاخذين من حليبج شوي وتمسحين فيه حلمتج يقولون زين … ترى الحلمة اتشقق لان رضاعتج لعلاوي تكون غلط اقصد ما يكون ماخذ الصدر صح
وانا سمعت دكتوره نساء بالراديو تقول شوية جرجير عباره عن جلن حليب ^_*
كثري منه واهو خالي او بالسلطات وان شاء الله الحليب ما يخف معاج
وبخصوص الرضاعة اول اسبوعين راح تحسين بعوار .. ليما تتمكنين وانتي والبيبي .. من طريقة الرضاعة وتتعودون على بعض ,,
ومثل ماقالوا البنات .. دايم رطبي الحلمات بكريم .. عندج البيبانثين … زين حق التشققات .. بس لازم تغسلين صدرج بماي دافي قبل كل رضعة خاصة .. اذا كان صدرج يابس .. اذا غسلتيه بلييييييين ..
وعشان .. يدر حليبج .. كثرث حلبة ورهش .. والتفاح بعد عجيب .. يدر الحليب .. وعندج خلطة أعشاب عند الحواي تساعد على در الحليب بزيادة .. بس دير بالج من البقل والفجل .. ترا تمغص الياهل .. ترا اكلج حيل يأثر بالبيبي .. حاولي تدخلين هالسوالف بالتدريج عشان بتعود عليها الياهل .. لأنه سبحان الله أكلج يتطعم بحليبج ..