مساعدة لعروس ولا تقصرون يا كويتيات <خاص للي مجربة جاك ديسانج>

للرفع

سمعت انه زين بس ماجربت والله

أنا سمعت عن صالون لا ليك وناويه اروح لهم بعد العيد
بس مادري عن جاك

ما اقدر اجابوبج لاني اعرفه بس ماعندي معلومات عنه

بس حبيت اسألج في صالونات يسوون تقشير للجسم كامل

سامعه عن هالشي؟؟؟؟؟

وصالون جالك جم اسعاره تقريبا للعروس

انا بعد وياكم

انا بعد ابي تقشير للركب والاكواع ما اعتقد جاك يسوونها وما شفت احد مجربهم بعينى بس يمدحونه البنات والله احترنا نحط الفلوس وين نخاف ماينفع معانا…….؟

هلا وغلا فيج اختي مشكورة على الرد

وانا سمعت عن لاليك قالولي حلو شغلهم بس مايبين حيييييل

يعني عادي ..

بس احنا عرايس نبي نلمع ونبي نعومة حلوووة

لوووووووووول

هلا وغلا اختي مشكورة على الرد

اسعارهم 25 دينار حق الجلسة و الجلسات 12 جلسة

>> اتكلم عن التبييض

وعلى فكرة جاك يسوي تقشيير كامل للجسم

>> موجود عندي بالكتيب مالهم

هلا وغلا اختي ومشكورة على الرد

اللي مذكور عندي بالكتيب تقشير كامل للجسم يعني مو محدد الركب والاكواع

وانا بعد شكثر ناس يمدحونه بس ماشفت بعيني وانا ما أرتاح لين

اشوف بعيني

والحال من بعضه

وياليت اي وحده تقرا الموضوع وعندها معلومات تفيدنا ولا تقصر

للرفع

نصيحة مجربة
لاااااااااااااااااااااااااااااااااااااااا تروحين

نصيحتي لا تروحين و الله اذا رحتي راح تتحسفين على قد شعر راسج اذا مو اكثر……
وياج وحدة مطفوقة ما تسمع او تشوف شي الا و تروح تجربه

شوفي الصالون من ناحية الديكو حلو, المعاملة حلوة, الضيافة احلى و احلى تحسين انج بدنيا مو دنيتج……… انا معاج بكل هذا لكن……..

الاهم الشغل :
شغلهم حلو والعناية و الفوطة و..و..و.. لكن انا ماشفت نتايج على جسمي
انا كنت ماخذه شد و تنحيف لا و بعد ازالة الخطوط البيضاء
اعتقد اسمه(ديرموسكين و ….) واللة ناسيه من سنة 2024 كنت عندهم
و طلع علي بقرابة 800 اذا مو اكثر (كانو ايامها ما يسون عروض نفس الحين)
الله وكيلج ولا شي الفلوس راحت و جسمي مثل ما اهو
على فكره انا جسمي حلو ما في شي و لا تقولين اني ماخذة تنحيف فيني متن زايد . بس ايامها المهر بايدي و مخترعة و ابي اضعف فخوذي و اشد بطني و…و….. دلع كله تفلسف.

للامانة انا كنت محتاجة علاج الخطوط البيضة اللي في فخوذي , حتى هذا ما نفع .

ترى مو بس انا, حتى رفيجتي كانت معاي , ما فاد شي معاها

النصيحة
سوي حمامات مغربيه , سونا , الخلطات اللي في المنتدى كل يومين سوي وحدة لين يوم العرس , عقبها مرتين بالاسبوع كافي (والله لو ايامها ادخل هني جان ما رحت جاك و لا غيره)

اذا مشتهية تروحين صالون يسوي لج نفس جاك , دوري صالون عنده نفس الاجهزه(صارت هذي الاجهزه في صالونات وايد) و تكون اسعاره ارخص و سوي جلسة او جلستين عن خاطرج.(مافي فايدة منهم بس عن خاطرج)

هذي نصيحة اخت مجربه
و اذا حابة اي شي تسالين عنة انا حاضرة و بنات المنتدى ما يقصرون, سالي عدل و لا تلعبين بمهرج…..

و صدقيني سمعي كلام الوالدة و خواتج (او اي احد ينصحج).
اذكر امي كانت تقولي ما لاداعي يابنيتي و اللة جسمج اشحلوة كافي حمامات مغربية و تركية (يعني اسوي نفس خواتي اللي قبلي) بس انا ما سمعت الكلام.