|
|
اجتماع الامهات اللي صاير هم على قلب المعلمة بهي الايام كل معلمة تبي تكون الافضل
هذي افكار طلعتها لكم وفي افكار مسوينها من الروضه
طبعا كل المسابقات مشاركة الام وطفلها
اللعبة الأولى :
المتطلبات .. دلاغات فقظ
وزعوا دلاغات بشكل منتشر على الارض والام تيب وتلبس ولدها واكثر أم تلبس دلاغات اهيا اللي فايزه.
اللعبة الثانية :
المتطلبات … طاولتين . سلة , فواكه وخضروات , ماعون للسلطة , دسوس . سكين
حطي طاولتين طاوله فيها سلة من خضروات وفواكه خيار طماط خس ليمون تفاح برتقال
وطاوله صحن وسكين ودسوس وخلي الام عند هل الطاوله وولدها يروح اييب لها الاشياء اللي تحتاجها للسلطه واذا ياب شي غلط لازم يرجعه والام اللي تخلص الاول اهيا تفوز
اللعبة الثالثه:
المتطلبات … كريشة وأدوات فنية لزاق طبعا اكثر من كريشه على الطاوله الواحده
طلب من الام تسوي شي لولدها من الكريشه العام سوينا هل المسابقه وايد استانسوا وضحكوا اللي سوت صدريه لولدها واللي حطته على راسه واللي سوت له قميص واللي سوت له ورده كبيره
اللعبة الرابعه:
المتطلبات …يبي ثلاث اطواق وعقال وعرموط .
خلي كل طفل داخل طوق والامهات ماسكين العقال بشكل دائري طبعا الاطفال بيكون جدامهم بس مو قراب وكل ام ماسكه العقال بإيد والعرموطه بايد وتحاول توكل ولدها طبعا راح تشد العقال صوبها عشان تقدر توصل لولدها وكل ام بتحاول تير العقال عشان الام الثانيه ما توصل لولدها والام اللي تخلص العرموطه اول اهيا الفائزه
اللعبة الخامسة :
مسابقة الجريده بس انا ما اايد جريده يفضل أوراق تغليف من 100 عشان الجرايد مرات يكون فيها لفظ الجلاله
وسوي دائريه ومع الموسيقى الام تدور على ورقتها واذا وقفت الموسيقى الام وبنتها يكونون على الورقه وكل مره تصغرون الورقه لين يصير الام ما تقدر توقف بريلها الثنتين وتشيل بنتها بعد واللي تشوفينها طلعت بره الورقه يخسر ويطلع من المسابقة
اللعبة السادسة :
المتطلبات …ألوان اصابع
وترسم الام على ويه ولدها والاحلى اهيا اللي تفوز
اللعبة السابعة :
المتطلبات ..سكارفات فقط
يبي خط ووقفي عليه مجموعة اطفال وخلي امهاتهم بالجهه الثانيه وغطي عيونهم بالسكارفات وبدلي اماكن عيالهم وقولي لها نبي نشوف الام اللي تعرف ولدها واهيا مغمضه
اللعبة الثامنه :
المتطلبات.. صوره مكبره من مجموعة من اطفال الفصل
خلي كل ام تركب صورة ولدها
اللعبة التاسعه :
اسمها فصلي المتطلبات … صور خاصه من الفصل مثلا اللون الاصفر لون الفصل صورة ركن من اركان الفصل صورة معلمة صورة كذا طفل بالفصل صورة كرسي بالفصل وستاند لوضع المصورات عليه
والطفل يبحث عن صوره خاصه لفصل وامها تحطها على الستاند طبعا انتي تكونين حاطه ورى كل صوره مغناطيس
اتمنى فدكم ولو بشي القليل من خلال هل المسابقات
|
المشاركة الأصلية كتبت بواسطة kajool_80
 مشكورة حبيبتي ويعطيج ألف عافية مسابقات حلوة
|
العفوووو حبيبتي
|
المشاركة الأصلية كتبت بواسطة زلابيا
مشكووره والله يعطيج العافيه
|
العفووو والله يعافيج ياقلبي
|
المشاركة الأصلية كتبت بواسطة الرتاج
تسلمييييييييييييييييييين
|
الله يسلمج ياقلبي
تبارك الرحمن
|
المشاركة الأصلية كتبت بواسطة بريق الماسه
يسلمووووووووو ويعطيج العافيه
|
الله يسلمج ويعافيج حبوبه
|
المشاركة الأصلية كتبت بواسطة عهود الحب
مشكووووووووورة تونس العابج
تبارك الرحمن |
العفوووو ياعمري
يعطيييج الف عافية
وحبيت اسالج شنو كانت افكاركم للبس الاطفال
والفناتق ياريت تعطيني افكار
حبووووووووبه باسرع وقت
العام اللبس كان تيشيرت ابيض وكتبنا عليه عبارات عن الام بغينا نسويه طباعه بس كان واايد غالي وديناه دسمان من خلال الرش سوالنا اياه ارخص بوايد
وسوينا كبابيس على قلب الحب ودخل الأطفال مع بالونات وطيروهم بالمسرح وعلى قلوب حب بعد