مريضة؟ فج الدورة؟ نفاس؟ تعالي ابيج شوي <3

اهلين صبايا

ماعرف اتكلم بالمقدمات, فبدش بالموضوع على طول..

بنات لاحظت شي بالزيارات واليمعات !
ان الزوجة "ماتكشخ" حق زوجها دايما.. بشكل اوضح يعني الحريم عندهم تبجيل لموضوع المرض او الدورة والنفاس!
اوكي زوجج مراعيج انج تعبانة بس مو مجبور يشوفج واحد من الربع < سوري ع التشبيه

يعني واحد من المواقف الي قريب صايرة .. وحده بفترة الملجة كانت حرارتها مرتفعة وايد ومريضة .. المهم ان خطيبها جاي يتطمن عليها .. ماوصف لكم اللوك .. لابسة بجاما مكروفة كراف وشعرها مو مسشورته وحتى يمكن مامشطته وويها شقيان حده, مع احترامي الشديد لبس الشغالة وايد اذرب !

الموقف الثاني ماصار له وايد, وحده من جماعتنا كانت تجهز حق عرسها اسئلها شخذتي من لبس قالت قمصان نوم وبجامات حق الدورة!
قلتلها ليش بجامات حق الدورة قالت اريح وراوتني, لما شفت والله بجاماتنا احنا العزابيات {كم طويل وبنطلون طويل, ورسمة هيلو كاتي} واكثر من بجامة نفس الستايل
قلتلها ليش جذي بابا هاي ريلج ترى مو معناتة فيج الدورة خلاص مافي جماع!
من حقة يشوفج كاشخة وانتي عروس وبكل حياته بعد, قالت لا اصلا مابيه يقرب مني كلش وقت الدورة عشان يشتاق لي, بذمتكم شتسمون هالشي؟
وتلومون الريال لين جاف برا؟

وموقف ثالث وحدة بالنفاس لابسة قميص نوم طاير لونه من كثر الغسيل وشعرها مو مصبوغ وناكش ومعرقة ولما قلتلها ليش جذي اكشخي شوي ! قالت انا نفاس لازم يراعيني, زين انتي بعد واجبج تراعينه وتراعين نفسيته .. بالذات ان لج 40 يوم تقدرين تحطين مناكير لانج ماتصلين وحتى ميكاب ضد الماي عشان مو كل شوي تتعبين نفسج.. ورشة عطر ابد ماتظر بالعكس زوجج تنفتح نفسيته عليج, شي ثاني اللي تقول اخلي زوجي يشتاق لي بهالفترة, بالعكس انتي جذي تخلينه يشوف برا وانتي حلاله والله امر انج تتعدلين له فيه شي اسمه "حسن التبعل للزوج" انتي تاخذين عليه اجر.

*** الشي المهم وايد: كشخي ياحلوة ريلج حلالج وانتي حلالة حقه الشرعي والدنيوي يشوفج باحلى لبس, استغلي شبابج استانسي وياه كشخي له غيري جوه هو تزوجج عشاان يرتاح معاج وربي فكتابه ذكر هالموضوع.

** بوقت الدورة تقدرين تلبسين بجايم ذربة, شورت او سكيني او حتى قميص نوم ناعم.

* بالنفاس كشخي لريلج بهالاربعين يوم تقدرين تفنتقين له والمتزوجات ادرى مني بهالامور

وبس اتمنى تتقبلون وجهة نظري بصدر رحب

حبيبتي انا معاج
بس هم الريال لازم يراعي انه زوجته لها طاقة
يعني ماتقدر تكون على سنقة عشرة 24 ساعة
انا معاج وضد اني اكون مبهذلة وقت الدورة او النفاس
بس احياناً غصباً عنج من التعب
او السهر والم الدورة او الم الخياط بعد الولادة
او حتى بداية الحمل لما تتنسين
صعب انج تكونين كاشخة على طوووول
حلو انه الوحدة تكشخ اولاً لنفسها
عشان نفسيتها تتعدل
وثاني شي من حق زوجها يشوفها كاشخة وحلوة
بس لما اكون تعبانة او مريضة ماقدر اجبر نفسي

بالنسبة للبجايم انا اموووت بهالستايل
احب البجايم الناعمة البناتية
وبنفس الوقت احب التنويع
يعني مرة بجامة مرة قميص نوم مرة برمودا
وجذي يعني

وبشكل عام حلو انه الوحدة تعود نفسها انها تكشخ في بيتها
وتتبخر وتتمكيج عشان نفسها اولاً

يعطيج العافية حبيبتي

والله كلامج عدل
تصدقين
عاد انا اكشخ اكثر
بأيام الدورة هههههههههههه
حقيقه
مانيكير وميكب واتميع عنده اكثر ههههه
يقولي وخري احين تسويلي هالحركات بايام الدورة يالشيطانه
ههههههههههه

مايصير تكشخ طول الوقت حتى واهي مريضه من له مزاج !! ومن يكون الزوج حتى تشط نفسها هالكثر عشانه اللي في طبع يشوف والله بيشوف لو زوجته ملكة جمال الريايل مايردهم شي

اوكي بنات معاكم انا ان صعب الوحده 24 ساعه تكشخ
لكن بعد تشوفونه حق ان الريال يتم من 7لي9 ايام بفترة الدورة مجابلها وهي مب ماعطه نفسها ولا جزء بسيط من الاهتمام ؟
وبفترة ال40 هو اكيد بيراعيها والدليل ان اغلب الحريم يرتاحون ببيت اهلهم وازواجهم يسمحون لهم يروحون
اخر شي ممكن الوحده يكون اهتمامها بنفسها طبيعي يعني تكون مهندمه لبس لو بسيط لو جلابية ناعمه مع شعرها ممشط ومرتب وفونديشن خفيف وعطر ، بذمتكم هذا ياخذ وقت كلها 5 دقايق بالكثر 10 ..
نفس لما تستقبلين ضيوف تكونين متسنعة زوجج اولى بهالذرابة من غيره ..

واشكر لكم مروركم وردكم حبايبي ♡

كــــــــــــلام ســــلـــيـــم 100%

يعني الوحده اذا تزوجت مب شررط تكون على سنقة عشره اربع وعشرين

مب حياه هذي

اذا ككنت تعبانه اهم شي اكون نظيفه ومرتبه بعد الزوج لازم يقدر هالشي

يعني اهو شريك حياتي واكيد بتمر ايام بيشوفوني كاشخه شعري قشه مبهدله

اما البجايم البنوتيـه بالعكس حلوه ومريجه ونفس الوقت الزوج راح يحسسج بيبي ياهل كنوع من التغير

ضروري الوحدة تكشخ بكل الاحوال جدام ريلها

صاجه ي خيه

الحلو حلو لو قايم من النوم

والشسمه شسمه لو غسل وجهه كل يوم

> يعجبني هالمثل هههههههه

عاد لا تزعلون امزح معاكم :d

هذا شي غلط لهلدرجة ماتقدرين بدقايق تبدلين وتسوين شعرج ؟
الزوج من حقه يشوفج بشكل مرتب وانيق مب شرط كشخة ع سنقة عشرة .. نفس ماذكرت من شوي ان الشعر مرتب مرفوع او مفتوح كل وحده وطريقتها .. ولبسها يكون حلو ومريح وياكثر اللبس المريح السوق متروس .. وبالنسبة للبجامات فيه انواع نعومه وراقية مش كم طويل .. فيه الي بدون كم وشورت وبرمودا وغيره وغيره .. مو تلبسين له بجاما متعود يشوفها ع اخته ..
بشكل عام حلو تكونين جميلة وكميزة بعينن ريلج ولو صادفتج ضروف قاسية جدا ماتوقع انه مو مراعي .. بس بالنفاس انتي بعد اسبوع ردت عافيتج تقدرين تكشخين كشخة بسيطه لو قميص نوم ناعم ورشة عطر ماتاخذ من وقتج ..
وكل وحده لها وجهة نظرها بس لو نطرنا انا مريضة وبعدين ولدي مريض ولا نفاس ولا فيني الدورة ماستانست مع زوجي الا بالمناسبات
اتمنى اني ماطولت وتفهمون مقصدي ♡

والله كلامك صحيح ميه بالميه

بس المشكله ان الحريم تمل وتطفش

وهذا احد اسباب انه ينفر منها ويشوف غيرها

ويدور اخطائها

وهذا سبب اي مشكله كبيره هي الاشياء الصغيره ذي

بس اللي اعرفه عندنا عيب تحطين مكياج وقت النفاس ومناكير

السالفه مهي عيب السالفه الظاهر عاجبهم الوضع

والله اعرف ناس يقلب شكلها قرد من الشكل المبهذل

اللهم لاتبتلينا بعيب كرهنا

بالعكس مو عيب ان تكشخ كشخة بسيطه مو تبالغ .. او ع الاقل فترة مابيكون زوجها عندها لو كان منقود ان قدام الناس.

,

هاذا يعتمد على الريال .. في رياييل عادي عندهم و يقدر هالشي
و في ريال يبي مرته 24 سااعه كاشخه و قاعدة
و كل وحده تعرف ريلها من اي نوع :*

انا عن نفسي كل يوم كآشخه .. دورة مو دورة مآلي شغل كل يوم اسبح و اكشخ و اقعد لوول
حتى رييلي يقولي انتي كل يوم باربي ..
> لاني آحب اكشخ حق نفسي مو بس حق ريلي انا استانس لمآ آكشخ :*

لمآ آكون مريضه وتعبانه مآ آقدر اكشخ .. ليش ؟
لانه انا فيني فقر دم اسمله عليكم فقر دم حآد و لمآ آصير مريضه
مآ آقدر اوقف على حيلي آحس بدوووخ و اطيح !
فـ شي طبيعي مآ رآح اكشخ :/ و ريلي عاذرني آكيد

و الله يبعد الامراض

.

عييييييييييين العقل

اذا مريضه أو لج عذر مو معناته تهملين نفسج !
آهم شي النظآفه الشخصيه و تكونين نظيفه و مرتبه و بس