مركز الصقر التخصصي بالعديلية

السلام عليكم ورحمة الله وبركاته

بنات إشرايكم بعيادة النسا اللي بهالمركز ؟ ودي أجربهم

انا ساكنه بالخالديه وحولوني على هالعياده لان تابع لهم بس راجعت عندهم مره وحده بس مادري ماعطوني ويه بس احسبتلي متى موعد ولادتي وعطتني تحويل حق حق السونار بعد اسبوع وخلتني اسوي تحليل بول ودم كرمج الله وبس

والله مادري بس ودي اروح اراجع بشوف شيفرق عن سونار دكتووري

والله يالغالية

انا سويت عندهم تحليل شامل << بما اني حامل وقالولي فيج نشاط بالغدة !!!!

ماصدقتهم وعدت التحليل بالخاص وكذا مكان قالولي مافيج شي !!!!

يعني تحاليلهم لج عليها

والسونار يعطونج موعد بعيييييييييد

اي عادي انا اراجع عندهم احتياط.. بس ما اخذ ابكلامهم .. مافيهم شي .. نفس كل العيادات يسون تحليل بول وضغط ووزن شهرياً.. وتحليل دم مرتين طول فتره الحمال . وبالسادس او الخامس .. تطعيم تيتانوس ابره بالخامس ووابره باللي وراه..وسونار مره وحده او مرتين طول فترة الحمل .. وكل مراجعه تحوشج دكتوره غير وكل دكتوره احتمال اتغيرلج الادويه على كيفها بس انتي ثبتي على دواج اللي مرتاحتله او اللي الخاص كاتبلج اياه
انا اراجع بالخاص وعندهم ..

ماقط راجعت بالحكومه

مي تو مادري عن الحكومه

مشكورين بنات الله يعطيكم العافية

توني أدري إن السونار له موعد بروح غير المراجعة ‏! شي غريب

انزين لو أقولهم إني بالتاسع ما يصير يسوولي فحص وسونار كل أسبوع نفس الخاص؟

انا ما كنت منتظمه بالمراجعات عندهم .. بس يوم رحت كنت بالثالث وموعد السونار لما اوصل اخر السادس .. ضحكت عليهم .. اقولها انتي منصجج بقعد هالاشهر كلها مادري شنو في بطني؟؟ صج ما ادري شلون صايرين ههههههههه وانال دقيقه رايحة حق دكتورتي اشووف البيبي..
وعقب والا طايف موعدي يومين مال السوونار اللي عندهم .. والا تقولي لازم اننحطلج موعد يديد .. الا موعدي اليديد بعد ما اولد ,,, !!
جان تتوهق ,, اقولها بتدخلوني اليوم يالله غير جذي ماراح تشوفون ويهي .. جان تروح اتكلم الدكتوره والا فاضيه والا اتدخلني هههههه
بس مواعيدهم اغلبها حق الغرب العياده ما جنج بالكويت
روحي جربي منتي خسرانه

موعد السونار بعد الولادة ؟! من صجهم ؟!

مادري احترت بس على قولتج أجرب اشوراي ويمكن العيادة تفيدني حتى حق بعدين لأنها قريبة يمي

اي والله انا قلت اخليلي ملف عندهم احتياط

استغفر الله المراجعة بالصقر تييب المرض
الحمامات عزج الله قذره ونفسيتهم قذره ودكاترتهم الحمدالله والشكر عاهات
وحده بس نفسيتها زينه اسمها بلقيس انا لو ما المرضيات اخذهم منهم جان ماراجعت عندهم
ولا يطوفج السيسترات كويتيات والنفسيه زززززفت حشى السامع شيىئ يطاااااق

والله ما فيهم شي ويهبلون ولا احنا لازم ندفع فلوس ولا ما نرتاح لا والخاص تنطرين ساعات واذا دشيتي مالها خلقج ومضغوطه ويالله تفحص والحكومة كل شي ببلاش ولا يعجبنا …
وعن تجربة رفيجتي ما شاء الله عليها ذكيه تراجع عندهم إلى التاسع وبعدها تروح خاص بالمستشفى اللي تبي تولد فيه جود اذا صار موعدها عندها ملف واذا على السونار تروح تسويه بأي عياده