مركز الدكتور هيثم العمر للأعشاب

بنات بدش بلموضوع عى طول وبدون مقدمات
انا وحده من كثر ما ينقص علي بسوالف الكريمات والأعشاب انقرصت وصرت ما اصدق لو شنو يصير
وحتى لو اشتري الشغله اشتريها وانا مو مصدقتها

عالعموم
دقت علي وحده
شلون حصلت رقمي ومنو عطاها اياه مايندرى
مو هذا موضوعنا
موضوعنا الله يسلمكم تقول انها موظفة بمركز الدكتور هيثم العمر للأعشاب
المهم انها كلمتني عن أعشاب وايد عندهم لعلاج حالات مختلفه
منها تفخ الخدود (أهم شي للبنات)
والرجيم (ثاني اهم شي للبنات)
والتسمين (حق اللي مو عاجبهم ثاني اهم شي للبنات خخخخخ)
انتفاخ المعده
البشره

ووايد شغلات مو ذاكرتهم كلهم
بصريح العباره
رديت عليها وقلتلها والله لو انتو صاجين.. انا ماقمت اصدق من كثر هالحريم اللي خربوا عالكل
قالتلي والله مجربينا ناس وايد وانا عن نفسي مجربه اكثر من كريم (كلام كل وحده قصت علي قبلها)

عاد انا مادري
ودي بكريم تسمين الخدود
والرجيم
بس ابي اعرف
منو جربهم
ومنو سمع عنهم
ومنو انقص عليه مثلي

والله ياليت اذا في وحده من البنات تعرف عنه شي والا سامعه عنه تقولنا أي شي تفيدنا فيه

ويعطيج العافيه مش بالكلام والله ياليت تعرفين شي عنه
بنات ترى اللي دقت علي قالتلي بالجهرا
داقع على بيوت العاصمه تدري شكلها ماندور بالجهرا
بس والله ماراح اشتري منها لين اسأل وأتطأس

خخخخخخخخخخخخخخخخخخخ

انا اتصلت على خط البيت وحده تقول من مركز الدكتور هيثم العمر اللي منتشر بانحاء الكويت وقالت ان عندهم أعشاب مفيده للجسم وحنه وشامبو وبلسم يحضرونه بمجرد الطلب وعددتلي الأنواع ولما سالتها عن مكانهم قالت المختبر بالفروانيه عمارة المخيال وقالت مايصير تروحين هناك !!! سالتها انتي موظفه هناك قالت لا أنا متدربة من الجامعه قسم تسويق استغربت قلت لها لازم أشوف قبل ما أشتري !!! ردت علي بكل استغراب انتي اول وحدة تقول هالكلام …. قلت لها يمكن أنا الوحيده اللي افهم !!! ردت علي شهالغرور تخيلوا !!! قسم تسويق وترد هالرد !!!!!! شكيت فيها وسالتها انتي من وين تكلميني قالت من فرعنا بالجهراء قلت مدام عندكم فروع وايد مثل ماتقولين بحولي والفحيحيل والجهراء ليش فرع الجهرا اللي داق على بيتي بقرطبه !!!! ردت قالت لي اذا تبين تشترين نحضره لج بالمختبر على طلبج بس بدون ماتشوفينه الا عقب ما تشترينه …. وللعلم كانت متحدثة وطليقة اللسان لدرجة الوقاحة … أحذركم خواتي من هالناس وللعلم قالت إسمها أفراح المطيري .