|
|
السلام عليكم
بنات بسالكم انا بروح حق الدكتور عماد النجادة بمركز البابطين بس مادري شلون اروحله هو بروحه نفسه خايسه يقولون بعد ان رحت بدون تحويل اخاف مايدخلوني عليه
فبعرف شلون المراجعه عندهم بتحويل من المستوصف ولا بروحي اروح واطلب ادخل عليه؟
بس اذا تعرفين احد ممكن يدخلونج ,,,
والف سلامه حبيبتى ,,,,,,,,
الواسطه كلشي تسوي
اذا عندج احد لا ماله داعي بالمره التحويل
سورى داشه عرض بس اتوقع لو تاخذين تحويل احسن
انا المشكله ماعندي واسطة اللي عندها خل تتوسطلي هههههههه
دانتيلا
حبيبتي ابي معلومات اكثر عن عملية الصدر لان اختيتبي تسويها بعد الولادة وايد ترهل وكبر صدرها شكله كلش مو حلو
وهم تبي شد حق بطنها وقايلين لها ان بالباطين احسن شي
اي معلومة عندج ممكن تفيدني وماقصرتي حبيبتي
عاد تصدقين رفيجة اختي وخواتها مسوين شد وشفط كل وحدة بمكان
2 منهم بخاص ووحدة بالبابطين
ويقولج اللي بالبابطين احسن عملية وماكو اثر
سبحان الله عالحظ هو
وهم مسوية عند دكتور مصري بعد الظاهر نفسه اللي تقولين عنه مادري جان فيه غيره
انا سألت دكتوري مال التقويم عن الفك قالي ماتحتاجين وايد متعدل فكج وكل شي
بس انا ابي اعدل حنجي فالعملية تكون بسيطة يشقون شق بسيط داخل الحلج من الشفايف تحت ويدخلون قطعه تنزرع تعطي شكل للحنج شوي لان كلش ماكو حنج لوووول
هالعملية ماتكلف وايد بس هم لا حصلت لي ببلاش ما اقول لأ
وبشوف عماد النجادة واشوف بالخاص والله يكتب اللي فيه الخير يارب
عاد انا مادري شنو قلت لامي .. جان يلتفت علي ويقول .. (عاد تدرين حتى انتي يبيلج عمليه تصغير انف)؟
انا انصعقت الصراحه شالدكتور اللي يقول لشخص مو ياي اصلا عشان يسوي عمليه .. وين امانه الطبيب!
والمصيبه الاكبر ان خشمي صغير وربي ولايق على ويهي ..
مو مدحاً فيني .. لكن لما سمعت هالكلام عرفت انه نصاب..
حتى الوالده هونت وماسوت شي عنده!!
ديروا بالكم
|
المشاركة الأصلية كتبت بواسطة dantella
 يعني يسوون لج عمليه زرع فك ؟
|
اي حبوبة نفس هالصورة شوفي قبل العملية
الحنج راد لي ورى يعني ماكو عظمة حنج
بس بعد العملية يصير جذي
شوفي شلون تغير الشكل وصار احلى
انا بالضبط نفسها وودي اعدل شكل حنجي لان مخرب علي
دام ماراح اسوي فكي خلاص اسوي حنجي
وهو الدكتور تخصصه فك وتجميل يعني بيعرف يركبلي قطعه تمشي مع تقاطيع ويهي
ان مارضى يسويلي بروح عند الصبيح يمدحونه بس افضل اسويها عند النجادة اول شي لان قلتلج دكتور وجه وفك وتجميل يعني تخصصه
وغير جذي ببلاش ليش ادفع بره وهم الاوادم يسوون بالحكومة ببلاش بالواسطات
بس مشكلتي ماعندي واسطة وابي اسويها بعطلة الربيع لان امتحاناتي لي اول فبراير وعطلتنا اسبوع او 10 ايام ويبدي الكورس الثاني
لو على الدوام ما احاتيه اخذ طبيه واكلم المسؤولبس مشكلتي الجامعه صعب اغيب ومواد الكورس الياي تخصص كلها وصعبه
فخايفه يعطلني ويحطلي موعد بعيد لو عندي واسطه عالاقل يحطلي موعد قريب
|
المشاركة الأصلية كتبت بواسطة .:{ جـودي }:.
دكتور نجاده شتبين فيه!! سووري بس رحتله مع الوالده مره .. مو عشاني .. كانت روحتنا عشان الوالده تبي تعدل خشمها فيه لحمه زايده مخليته ينزل ليي الشفه..
عاد انا مادري شنو قلت لامي .. جان يلتفت علي ويقول .. (عاد تدرين حتى انتي يبيلج عمليه تصغير انف)؟ انا انصعقت الصراحه شالدكتور اللي يقول لشخص مو ياي اصلا عشان يسوي عمليه .. وين امانه الطبيب! والمصيبه الاكبر ان خشمي صغير وربي ولايق على ويهي .. ديروا بالكم |
هلا حبيبتي
مشكورة على الرد قلبي وانا معاج سامعه فيه نفيسه ويحب يجر الناس عيادته عشان ياخذ الفلوس بس من ناحية الشطارة هو صج صج شاطر مايختلفون عليه اثنين سألت عنه والكل مدحه ماشاء الله
شنسوي ولا اقط لي 1000 دينار بره