|
|
كـــــــــل عام وانتم بخير….
بغيت اسئلكم واخذ رايكم بشغلات
أولها جم مرة تنزلون عن الحمولة
ثانيا شنو تلبسون وجم مرة تلبسونها يعني تعيدون لبسكم
ثالثا اذا الجو مغبر شوية وتحسون في مشاحنات تحت شلون تصرفون تقدعون ولا تصعدون
رابعا تعلمون حمواتكم شنو شريتوا ووين رحتوا
.gif "Eh S(10)")
وودي اسئل بعد بس جذي كافي وياريت تردون واللة محيرتني هالاسئلة……وشكــــــــــــــــــــــــــــرا انا انزل لأهلي 4 ايام بالاسبوع والباجي اكون عند اهلي البس دراعات ناعمه واذا بكرر الدراعه اكررها باليوم الرابع يعني وذا كررتها مافيها شئ بس المهم مالبسها من ثاني يوم اذا في مشاحنات مع غيري عادي اطلع لان اكيد راح يسكتون اعلم مرات ومرات اشياء ماله داعي اعلم فيها لان مو مهمه وبعدين ليش كل هالاسئله احس متعبه نفسج تحاتين واجد
انا عن نفسي انزل يوميا لاني لو اقعد بشقتي يوم واحد احس اني بموت <<طبعي اجتماعيه ولا احب اقعد بروحي
واهلي ازورهم كل اثنين وخميس
وبالنسبه للبسي اكرر الدراعه كذا مره وبعدين اقولها باباي لووووووووووووووول
واذا صارت مشاحنات تحت ولا شي اصعد شقتي على طول
او اذا شفتهم يتناجرون ولا شي من جذيه ما تشوفين الى غبرتي (تعرفين بعد لو قعدتي بيقولون تدور السوالف اوبيقزلزن انتي الشاهده شصار ومنو اللي غلط وانا ما احب جذي السلامه احسن)
وشنو بعد سولفي خلينا نشاركج الحديث لوووووووووول
بس انام عند حمولتي بالويك اند ، ولبسي بالبيت جينزات مع انهم يحبون الدراريع بس انا ماحب كلش
البس جينز و أنوع بالقمصان ما البسهم ورا بعض ، لما ينسون الواحد فترة تالي ارجعله ..
و مرة كنت عندهم وصارت مشاحناااات جان أصكها نومة لي بليل قعدت الا كل شي خالص 
وكنت اعلم حمواتي كل شي بس عرفت ان هالشغله موووشي وهونت ، صارت المجاملات وكلمة ماااادري اهيه الحل
|
المشاركة الأصلية كتبت بواسطة ام مشعل المطيري
 انا مشكلتي اني مااحب الوحدة احب الجمعة احب اعيش حياتي كزوجة عندي حمولة بدال مااقعد بروحي بالشقة ولا اروح للوالدة ومشكلتي ان حمواتي يتشرهون اذا مانزلت واذا نزلت يروحون داخل ويقعدون بروحهم او انهم يتساسرون جدامي بشي غامضين بس شاطين بالفضول علي وعلى زوجي واذا يبون شي طيروني واذامايبون اضربوني بالطوف وفوق كل هذا انا صح واهم غلط
|
يا حياتي يا ام مشعل الله يعينج عليهم
بس نصيحتي لج اذا طبعهم جذيه خليج شوي رسميه معاهم يعني تحاشي المشاكل وابتعدي فتره عنهم يمكن يطخون
انا الحمد لله عندي خالتي بس والله احبها مثل امي واستانس اذا قعدت معاها ولو يمر يوم اقعد بروحي بالشقه يمكن اموت من ضيقة الخلق (انتي ابدا ما عليج ام زوجج حطيها بعيونج ولا تقصرين معاها وصدقيني بتشوفين اللي يسرج ومهما غلطت بحقج تبقى حرمه كبيره وما تاخذين عليها عديها مثل امج والباجي خليج سطحيه معاهم لاسلام عليكم وعليكم السلام وبس)
والله كريم يا قلبي هذا حال الدنيا