مرت اخوي الحمدلله والشكر

السلام عليكم شلونكم
انا متابعه جيدة
بس ما اكتب دايما الا للفضفضه وبس
انا اخوي يا حياتي وجه مبارك
سهل طيب لا يسال وين رايحه ووين راده
وطبعا زوجته مستغله الشي هذا وكله برا البيت وهو اخر من يعلم ويمكن ما يعلم بالمرة
المهم المرة متعورة واجهضت علا شهرين واسبوع
انا الصراحه تضايقت عشانها واول مادريت خذيت الشاي والقهوة وعلا طول بيت اهلها بس قبل بيوم بلغت اخوي
وصلنا عقب المغرب انا واختي ولا البيت خالي امها وابوها مسافرين وهي موموجودة
سالنا الخدامة تقول ماما يروح بيتها يعني بيت اهلي من امس
قلت شنو انا امس مبلغه اخوي ما قالي وبعدين يمكن صار لها 5 ايام بس
دقيت علا اخوي وقلت له ما لقينا احد ومرتك ببيتنا حسبته بالمخيم يمكن وما شافها. جذيه تصورت!!
جان يقول انا بالبيت وما عندي احد كلنا ندق عليها ما ترد علينا حتا اخوي
دق علي قال شيكي علا السيارات برا شيكت سيارتها موموجودة شري ولا يدق علي يقولي اهي ردت علي وتقولي نايمة فوق صعدي شوفيها قلت خل تنزل قال صعدي شيكي صعدت ما في احد دورت بالغرف ما في احد >> علا فكرة هذا بيت عمي مو غرب
جان يقول انا جاي الحين من نبرة صوته انا خفت
اهي تجذب تقوله انا بالبيت وهي مو بالبيت والخدامة من امس مو شايفتها حتا بنتها الصغيرة تقول امس راحت امس
قعدنا شوي علا اعصابنا ولا يدق يقول لالا اهي رايحة المستشفا بروحنا مو مبلغته تخيلوا وقالي انتوا روحوا خلاص ما قصرتو
وقالها انا جايج ركبت سيارتها وقالت خلاص انا خلصت الموعد رد وياها بيت اهلها
دقيت عليه قلت له اهي نايمة بالمستشفا ولا شنو شالسالفة
قالي لا اليوم اهي رايحة بس هذي الخدامة تجذب ما تدري شالسالفه
قلت انت دخلت وياها شفت موعدها يقول لا كنت بجيها ولا خلصت
قلت ليش تقولك اهي نايمة فوق يقول خافت مني لانها مو مبلغتني انها بتطلع
يارب شبون تعبانه وتسوق سيارة والفلم هذا اللي صار شنو تفسيرة ما ادري
عادي اخوي ولا جنه صار شي ايزي
وبعد اول ما قالها انا جايج اركبت سيارتها وردت تقوله خلصت الموعد ورد معاها

لا حول و لا قوة الا بالله

خليهم اهمه يتفاهمون

عسى الله يهديها

أستغفر الله لاتحطين شي بذمتج ماتدرين يمكن صاجه عاد الواحد قام يشك بالمتزوجات تو ولد يرانا مانع مرته من الداوم وماخذ سيارتها طاح عليها تحاجي واحد وحاطه صوره بالاب توب ومتفقه تطلق وتزوجه أللي قايل السالفه أمه قلت عاد ليش ماطلقها قالت يموت عليها الرياييل صايرين أيزي

حبيبتي

عندي ايمان كبير انه حبل الجذب قصير

افلتت اليوم ..ما رح تفلت باجر

ولكن (((واجتنبوا كثيرا من الظن ان بعض الظن اثم))))

لا تزرعين في اخوج الشك

واذا هي عندها خرابيط ربي بيكشفها

فوفو

الله يعينج ويعين اخوج مبين مرت اخوج تخربط وسامحيني علي هل الكلمه خلي اخوج يدرباله علي مرته ويثبرها بالبيت شنو كل يوم طلعه لا يعرف وين تروح وين تجي اخر شيء الله اعلم يمكن يصير لها شيء وتقول اهو السباب

انطري وشوفي رد البنات

واذا علي سالفه الموعد بالمستشفي خليه يجيك معها دواء او لا مو معقوله تطلع مباجره والمستشفي كلها زحمه حتي الخاص

الله يهديها يارب

ان بعض الظن اثم لا تحطين في ذمتج والله يستر على من بغى الستر
وهي مو بنت عمج ماتعرفيت اخلاقها وخلاص هي واخوج يتفاهمون لا تدخلين بينهم جيك او ما جيك وراها

مانقدر نقول غير الله يهديها ويصلحها يارب

مادري بس اخوج عنده عادي

انتي ليش مهتمة

اتركيهم اهما يتفاهمون فيما بينهم الريال ومرته مايصير احد يتدخل بينهم مالج شغل فيهم

الله وحده اعلم بعباده

الله يهديهم

ههه ضحكني ردودهم صج حريم
والحريم يعرفون حق بعض

بنات انا ما اشكك بمرت اخوي لا ياربي هذي بنت عمي
بس الموقف اللي صار صدمني جذبها علا اخوي وشلون اخوي بسرعه صدقها واقتنع
هذا اللي قهرني انها قادرة تضحك عليه بس
ولا عمري ما تدخلت بينهم ولا همتني
بس لانه الموقف الجذب صار جدامي لما صعدت وما لقيتها وهي تقول نايمة
وما اقدر اقول لاخوي شيك عليها وعلا موعدها لا احس عيب
اهو اذا يبي يسوي كيفه
بس انقهرت علا اخوي شلون حطته بهالموقف جدامنا وانه ما يدري وينها
ما اقول غير الله يهديها وتتوب عن الجذب