|
|
السلام عليكم يا بنات
بنات بقولكم سالفة صارت لشخص نعرفه
هالريال متزوج وعنده عيال واهو تقريباً عمره 47
في يوم من الايام قلب على مرته واهي المسكينه قايمه فيه وفبيته
قام يصرخ عليها ويمد ايده
واخر شي طردها من البيت
وقال لاهله انا ابي اتزوج عليها
الاهل عارضوه لان البنت الي يبيها مواليد 1991 يعني كبر اصغر ولد من عياله
لا ويقولهم ترا البنت موافقة وانا من زمان واعدها ابي اخذها واهي ارمله وزوجها توفى بحادث وتبي من يستر عليها
المهم صارت وايد مشاكل وقال لعياله ترا اذا تزوجت البيت هذا بيصير بيتها اهي الداخلة وانتوا الطالعين
وخلوا هالكلام يوصل لامكم
المهم بعد فترة اقنع اهله انهم يخطبون له
واهو يعرف عنوان بيت البنت
والبنت الله يستر عليها تطلع معاه وتواعده استغفر الله حتى شقة راحت معاه
المهم اهله اتصلوا على بيت البنت وقالوا احنا جايين نتقدم لبنتكم طبعن بدون اي تفاصيل
الاهل رحبوا فيهم وحددو وقت الخطبة
المشكلة ان الشايب المتصابي يبي يفاجئ حبيبة القلب وما قالها اني جاي بيتكم
وبعد اسبوع راحوا يخطبون البنت
تخيلوا يابنات الصدمة والصاعقة الكبرى
ان يوم دخلوا قالوا للام احنا جايين نخطب فلانه
جان تضحك الام واتقول فلانه مو بنتي فلانه مرت ولدي واهي بنت عمه وماخذها صارله سنه
اهني انقلب وجه اهل المراهق بالاربعين ورقعوا الموضوع وقالوا احنا خابرينها مو متزوجة وهالكلام من زمان
وبصراحة قلنا نبي ناخذها لولدنا
يا بنات ابي اعرف منو الي كان يلعب على الثاني
الرجال ابو اربعين سنه الي باع الي وراه ودونه عشان بنت مراهقة مواليد 1991
ولا ام مواليد 1991 الي متزوجة وخادعا زوجها وقاعدة تضحك على هالشيبة واستغفر الله قايلتله انها ارمله
وتخليه يواعدها قدام بيت حمولتها اهل رجلها
لا وتقوله بعد ان رجلها اهو اخوها الكبير ودايماً يراقبها ويخاف عليها ويجيك على مكالماتها
الاهل استروا على بنت الناس وماقالوا لحمولتها ولا شي
بس زوجة المراهق بالاربعين ماسكتت يوم عرفت الموضوع
راحت بيت ام البنت واقعدت معاها وكلمتها بالموضوع وان البنت قاعدة تلعب على رجلها
تتوقعون شنو رد ام البنت
((ويييييييييييييييييييي حسبي الله على ابليسها زين ما حملت منه وتوهقت))
السالفة يابنات مضحكة ومبكية بنفس الوقت
قولولي اشرايكم باللي صار
بجد لاتعليييييييق
الله يكفينا شر هالدنيا
لاتضحكون لا ربي يبلاكم في ذريتكم
الله لا يبلانا ويستر علينا وعلى بنات المسلمين
والله انقلبت الايه صاروا الحريم هم الي يلعبون بالرياجيل
الله يستر عليهم
شي يعور القلب 
يوم قمت اطلع ..
كنت عايشة بين ناس بس
يوم قمت اشوف الدنيا شفتها
حيوانات ووحوش..
الحمد لله رب العالمين واستغفر
الله العظيم
بس بصراحه يستاهل جزاه واقل من جزاه بعد
خليه يعرف ان بنات بليس مافيهم خير
يلا الحين وش استفاد خسر مرته وعياله عشان وحده الله يستر علينا وعليها
حتى لو رجع وتسامح من مرته ورجعها ماراح تصير له مثل اول مستحيل
الله لا يخلينا نقابل هالاشكال الوصخة
هذا درس للشيبه
اعوذ بالله
شنو هذاااااااااا بصراحه صج صدمه …..