|
|
السلام عليكم ورحمة الله وبركاته…
حبيباتي انا من الشهر الخامس وانا اراجع عند الدكتور حيان والحين دخلت بالشهر التاسع الحمدلله ..بس بغيت اسالكم انا الحين بتكون ولادتي ان شاء الله في الموساه بس هل لازم اللي يشرف على ولادتي الدكتور حيان ولا فيه دكتوره في قسم الولاده هيه اللي تشرف ع الولاده وتسوي خياطه اني بصراحه ابي حرمه افضل خاصه الخياط لوووووووووول ..
وهل يمكن اقدر اطلب انا ان اللي تخيطني حرمه …<<<<يا كثر اسالتك
وكيف الولاده في الموساه اول مره بولد فيه من ناحية الاهتمام طبعاً
وسامحوني ع كثر الاسئله بس مالي غيركم حبيباتي..
انتي سأليه احسن
وبالنسبه للخياط اتوقع عادي تطلبين اذا تبين دكتوره
وبالنسبه لعنايتهم والله شفت وايد بنات يمدحونه
وان شاء الله البنات يفيدونج اكثر
والله يسهل عليج ويقومج بالسلامه يارب
خياطة الدكتور حيان روعة و أحسن من أي دكتورة بالمواساة. أصلا يوم ما فرجينا تلعب بحرمه يردونها لدكتور حيان حتى يرد و يصلح الخياطة. بس اذاودتج دكتورة تولدج ليش ما تطلبين من دكتورج يرشح دكتورة من المواساة تولدج
أنا أختي سويت عملية التضييج عند دكتور حيان أحمد عقب 10 ولادات (ماشاء الله) و الحين تقول جنها ردت بنت 17 و ريالها بعد
مستانس وايد
للخياط
.اللي ادريه انه ممكن تطلبين حرمه بس اسالي دكتورج ممكن هو يختارلك دكتورة و يوصيها.
خياطته عجيبه و الله الوحده ترد جنها عمرها لا حملت و لا ولدت
اختي أنا أراجع عند الدكتور حيان الأحمد
ماشالله خوش دكتور والصراحه قلت له عن الولادة إذا أمكن إن تولدني دكتوره
لأني أستحي وقال عادي مافي مشكله هو يكون المشرف علي بس وقت الولادة دكتوره
وعرفني على دكتوره شاطره كانت في بريطانية إسمها روبينيا
وقالي بكلمها عن حالتي إذا دخلت الشهر السابع وفعلا تعرفت عليها وشكلها حبوبه هي هندية شقرا
وقالي عنها الدكتور حيان إنها ولدت 10 ولادات طبيعية من يوم ماردت من بريطانيه وهي ماصار لها شهر
وكلها ناجحه وهي متخصصه بالولادات المتعسره والقيصريه … ،
وهذا كل اللي أعرفه وأي شي تبين تعرفينه أنا حاضره