مراجعة المستشفى ما بعد الولادة

السلام

بدش بالموضوع على طول … تروحون المستشفى او تراجعون الدكتوره بعد الولادة ولا عادي طاف
انا صارلي 20 يوم والدة و ما رحت مادري هل ضروروي انه نراجع ولالا ؟؟
و الللي راجعت شنو يسوون بالضبط يعني يجيكون عالخياط ولا شنو

الحكومه ما يعطونج مراجعه بس الخاص عطتني موعد بعد 10 ايام من الولادة عشان اتشيك على الخياط و موعد بعد الاربعين

اي حبيبتي انا الي اعرفه اني لما ولدت عطاني موعد بعد ماطلعت بخمس ايام عشان عمليه قيصريه وموعد الاربعين عشان تحديد النسل اذا تحبين بس لازم ايجيك عليج الدكتور ايشوف كل شي اوكى

انا بعد ولدت بخاص ومعطيني موعد اجيك على الخياط بعد الولادة ب 10 ايام

لازم يجيكون عالخياط
انا عقب 10 ايام كانت مراجعتي

احم عاد دمامين و عفسه اي يجيكون على الخياط انا الحين صارلي 3 اسابيع و لا رحت احس فشله و مستحيه و الشعر طلع اشوي و اخاف اشيل او اجيس

لوووول انا مثلج رحت بعد 20 يوم تقريبا قالي اجيك على الخياط قلت له لا فشلة قطيعة كله دم وحالة بس سوالي سونار ساف الرحم اذا رد مكانه والا لا وبس

واي بنات الله يعين والله لاعت جبدي تخيلت المنظر المره مسكينه صج الله يواجرها يارب
بس اتوقع لازم المراجعه

انا ولدت بخاص هم بعد عطاني موعد يشوف الخياط يخاف يكون ملتهب والا شي ؟؟؟؟ عقب 10 أيام …

لازم مراجعه عشان تشوف الخياط انا ماكان كله طايح فتحت باجي الخياط وكان

موعدي بعد اسبوعين من ولادتي ههههه حتى دكتورتي تقولي ليش يايه

توني مولدتج قلت لها لا صارلي اسبوعين تقول ماشالله بسرعه مر الوقت

لازم يجيكون على الخياط
ويسووون لج جك أب كامل

هممممممممممممممم … اهمه قالولي بعد 10 ايام
و انا صارلي 21 يوم
شكلي بخليه شهر و يالله بروح
على ما احصل موعد عند معصومه
و مشكورين على الردود