مدرسه الامل لذوي الاحتياجات

السلام عليكم

بنات في وحده تشتغل بمدرس الامل الي بحولي؟

ودي اعرف شنو النظام هناك والجو العام
واهي تبع اي وزاره شلون يعني الوحده تقدم عليها
وجم المعاش؟

يعني كل شي تعرفينه عنها

مشكورين مقدما

حبيبتي مدرسة الأمل اللي بحولي تابعة لوزارة التربية واهيا مختصة بالإعاقة السمعية وفي مدرسة للبنين ومدرسة للبنات والمعاش نفس معاش الحكومة مع زيادة 40 دينار اذا كنتي مدرسة و 25 دينار اذا كنتي ادارية
بس اللي سمعته من وحدة اعرفها ان طلع قرار بان مافي حريم يشتغلون بمدارس البنين يعني بيطلعون كل المدرسات وبيخلون بس الأداريات مثل الأخصائيات والسكرتارية

وسلامتج

ايه ونسيت اقولج ان لازم يكون عندج المام بلغة الإشارة بس بصفة عامة الشغل هناك متعب ومضاعف لأن لازم تجتهدين بكل الوسائل لتوصيل المعلومة بطريقة صحيحة قدر الإمكان بما انهم ما يسمعون
ومناهجهم وامتحاناتهم مع التعليم العام

واخيرا احد رد
مشكوره انا دارسه علم نفس مادري
بس كله المكان متعب

والله الصراحة متعب في وايد عبالهم ان المعاهد الخاصة راحة ودوامهم خفيف بس العكس اهوا الصحيح لأن مثل ما قلتلج اذا تخافين الله لازم تضاعفين الجهد لتوصيل المعلومة اما اذا تبين تكونين اخصائية الله يكون بالعون لأن المشاكل السلوكية لا تعد ولا تحصى بعد تدرين فئة المعاقين يعتبرون ما عليهم حرج بكل اللي يسوونه

مشكوره وايد

الأسطوريه ..

المعاهد الخاصة متعبه بس حلوة …ومعاشاتهم أكثر من العادي ..

والأمل تابعة للتربية ..

مشكوره اوركيد

الزيادة 40 دينار بالنسبة للمدرسات بدل طبيعة عمل مع المعاقين و 25 للأداريين
بس هذي الزيادة عن التعليم العام لا اكثر حتى ما يسوى الجهد اللي تبذلينه علشان توصلين المعلومة حق المعاقين سمعيا او ذهنيا او انج تهدين من النشاط المفرط حق اللي عندهم توحد او المنغوليين

هلا اختي ..

بالنسبة لي آنا حابة اشتغل بالمعاهد الخاصة مو عشان الزيادة ..ماتذكر

بس طبيعة العمل حلوة مع انها متعبة ..بس تحسين مجهودج يبين مع الاطفال ..

اداراتهم حلوة وتعاملها حلووو

وشي فيه أجر من رب العالمين

انزين بنات شلون على التقديم ؟؟ تروحين المدرسة نفسها ولا من الديوان ولا الوزارة ؟؟ لأن أنا احب اتعامل مع المعاقين
وشنو شروط التوظيف ؟؟

لازم يطلع اسمج بالديوان انج انقبلتي بوزارة التتربية عقب تروحين الوزارة ولما يفتحولج ملف هناك تقوليلهم انج تبين تشتغلين بمدارس التربية الخاصة

بنات انا توني متخرجة ودي اتعين بتعليم الخاص

بس حق بطئيين التعلم مو الاعاقة السمعية والبصرية

يعني بطئ التعلم اهون عندي من غيرهم

شنو اهي المدارس المتوفرة خاصة في محافظة الفروانية

مع العلم اني تخصص لغة عربية م/ث

شكرااااااااااااااااااااااااااااااااااااااااااااااا اااااااااا