مدرسة مشرف الابتدائيه

السلام عليكم
حبيبت اللي عيالهم بهالمدرسه استفسر منهم عن جم شغله لانه الصراحه انا بنتي بخاص وحابه انقلها حكومه
بس بغيت اعرف اسلوب المدرسات والبنات ونصيحتكم انقلها ولا لا
اكون شاكرتلكم لاني حدي متحيره

انا وخواتي كلنا مرينا فيها والحين اختي فيها.. خووش مدرسه والبنات يعني بنات مشرف اغلبهم ف الحمدالله ذربين .. واكيد في شطانه وهالسوالف بعد مدرسه اكيد فيها من كل شي.. المدرسات والله امي تمدحهم لان على طول رايحه راده عالمدرسه ماعندها شغل ربة بيت بس مادري اذا لج خلق تجابلين وتدرسين لان امي صايره ابله حق هالفطوم ..وهم المدرسات والكتب يكتبون فيها ان الاهل لازم يدرسون الطفل.. اختي بثالثه ومطلعه روح امي مسكينه بس عموما خوش مدرسه ..

تسلمين حبيبتي واييييييييييييييد لانه وايد خرعوني من الحكومه وماادري قلت انه اسال عن المدارس الحكومه يقول المدرسات ما عندهم ا سلوب والمناهج صعبه لانه صراحه المدرسه الخاصه احس وايد بنو شخصيت بنتي ما ابي يخربونها
اللي عندها افاده بعد ياريت تفيدني

والله اذا مو محتاجه تنقلينها خليها لان مستوى الخاص حيل احسن.. بعدين لازم تجابلين واكيد اكيد بتييلها مدرسه حق ماده اساسيه تكوت خرطي.. انا اختي كل المواد اوكي بس فقيره يتها ابلة انجليزي مصريه!!!! تعالي فججي !! بس عقبها تعقدت اختي ماتحي الانجليزي كلش مع ن انا وخواتي تماام وامي بعد تعرف انجليزي عدل ف معوره قلب امي هالفطوم.. الحين مدخلتها معهد.. انا مادري بس اقول اذا ماعليج قاصر والله خليها !!

حبيبتي ديري بالج تنقلينها هالمدرسة اختي مدرسة فيها توها يايه كانت بالعاصمة بالاول وتشتكي تقول مستوى المدرسة وايد ضعيف والتريس اي كلام مدارس الحكومة صايرة بصراحة تهبل وجنها خاصة بس هالمدرسة ضعيفة